ZEREMIAH 1:11 - Mara Bible RV (BSI)

¹¹ Abeipa bie ei hnohta vaw tlô ta, “Zeremiah, khâpa na hmô?” tah ta. Kei ta, “Kuasâh tho chôchahrei ei hmô,” tah na ta.

ZEREMIAH 1:11 ပူးပေါင်းရင်းမြစ်များ

ÂTHAONA 30:37

Zakaw ta vâdei tho, kuasâh tho nata hnaphiapa thochiah palâpazy chhawh ta, a hyhkuazy hlaih ta, a sapa râhpa palâsa ta, arâhpa ta a cheichapaipa chôchahreizy tao ta.

ISAI 55:11

Cha hawhna hra chata ei bie chhao, Ei pakah tawhta pua aw ta; Aruapa ta kei lâ vaw kua aw vei. Ei chhuahpa patlô aw ta, Ei tuana chhâpa rai a pangoh aw.

ZEREMIAH 24:3

Abeipa ta, “Zeremiah, khâpa na hmô?” na tah ta. Kei ta, “Theikuzy, theiku phapa a pha ngaitapazy nata theiku chhiepa, nie tlâh leina taihta a chhiepazy ei hmô,” tah na ta.

EZEKIA 12:25

Kei he Abeipa châ na ta, ei bie rei awpa cha reih aw na ta, taopa a châ aw. Hy saw chhorupazy saih u, hawh khao leipa aw na ta, nama hro chhôh tlai ta bie reih aw na ta, ei tao aw, Abeipa Zehôvâh ta a tah,” tah ta.

EZEKIA 12:28

Chavâta âmo hnohta reih la, ‘Abeipa Zehôvâh ta hetana heta a tah: Ei bie kheihawhpa hmah pahawhsapa châ leipa aw ta, ei bie reipa cha taopa a châ aw, Abeipa Zehôvâh ta a tah,’ tah mah y,” tah ta.

EZEKIA 7:10

“Moh teh, noh a vaw tlô hai! Na raona noh a vaw tlô haw. Chôchahrei a paw pakai ha ta, apalaina a paw a pabyuh haw.

AMÔSÂ 7:8

Chatawhcha Abeipa ta ei hnohta, “Amôsâ, khâpa ma na hmô?” na tah ta. Kei ta, “Padona ri,” tah na ta. Abeipa ta hetana heta a tah: “Moh teh, ei phopi Izarei sawzy hry liata padona ri parai na ta, Chapia beih khao aw veih ei na;

AMÔSÂ 8:2

Nopi theilâpa ta a biepa hrâbyh vaw y ta. Abeipa ta, “Amôsâ, khâpa ma na hmô?” na tah ta. Kei ta, “Nopi theilâpa hrâbyh ei hmô,” tah na ta. Chatawhcha Abeipa ta ei hnohta hetana heta tah ta: “Ei phopi Izarei chô liata chhâna noh a vaw tlô haw, Âmo cha chapia beih khao aw veih ei na.”

ZEKARIA 4:2

“Khâpa ma na hmô?” na tah ta. Kei ta, “Ngôh suapa ta taopa meiôh tôh, a pawhmao liata a beikoh y ta, beikoh tawhta pâthao miasari kaw pua ta, cha chô liata meiôh miasari a ypa hmô na ta,

ZEKARIA 5:2

Ano ta, “Khâpa ma na hmô” na tah ta. Kei ta, “Châ chatypa a zaw ngâpa, a doh lâ dy kih seih ta a hâ lâ dy hrawh a kawhpa ei hmô” tah na ta.

MALUHREINA 17:8

A mylâ ta Mawsi cha Biehrai Byh poh o lâ vawh ta, Livai chi Arawna chôchahrei cha a chhyh kaw thao ta, a pawzy pabyuh ta, a pawzy pakaipa ta, kuasâh thei hmohpazy a patheipa hmô ta.