ZEREMIAH 1:10 - Mara Bible RV (BSI)

¹⁰ Tanoh he phopizy nata khinarâhzy chô liata cha soh na ta, Phia awpa nata phie awpa ta ei cha soh; Pahleipadia awpa nata thy awpa ta cha soh na ta, Sa awpa nata lo awpa ta ei cha soh,” tah ta.

ZEREMIAH 1:10 ပူးပေါင်းရင်းမြစ်များ

1 ABEIZY 17:1

Kilia râh Tisabi khih liata Tisabi chyhsa Elaizâh ta Ahabâ hnohta, “Ei chakao tyhpa Abeipa, Izarei Khazohpa hrona reipa ta ei reih. Kô khazie chhôh tlyma cha ei bie leipa ta diati nata vâsua rai tla aw vei,” tah ta.

1 ABEIZY 19:17

Hâze zaozi tawhta a râpa maih cha Zehu ta thie aw ta, Zehu zaozi tawhta a râpa maih cha Elaisâh ta a thie aw.

BIECHHOTUHPA 3:3

Thie daihti y ta, patlâh daihti a y; Phie daihti y ta, sa daihti a y;

ZEREMIAH 1:5

“Py chhôh liata ei cha tao hlâ tawhta cha pahno na ta, Chhi tawhta na pua hlâ tawhta cha pathaisapa ta, Phopizy lâta hrohsopa ta ei cha rao,” tah ta.

ZEREMIAH 24:6

Ama pha nawpa ta ama chô liata ei mo tawpâ aw ei na ta, he râh lâ he ei vaw chhi pakhua heih aw ei. Âmo cha padua aw ei na ta, phie khao aw veih ei na; loh aw ei na ta, phia khao aw veih ei na.

ZEREMIAH 25:13

A chô liata bie ei reipa zydua kha, cha râh chô liata patlôsa aw na ta, Zeremiah ta phopi zydua chô liata hrohsona bie a phuahpa, he châbu liata ropa zydua ei patlôsa aw.

ZEREMIAH 31:28

“Chatawhcha hetana heta a vaw châ aw. Izarei sawzy nata Zudâh sawzy phiapa ta y ei ta, paraopa nata thypa ta ama ypa mokhâh na ta, pahleipadiapa nata pasasapa ta ama ypa ei mokhâhpa hawhna ei khata, âmo cha paduapathipa ta ama ypa nata lopa ta ama y awpa chhao ei mokhâh aw ei,” Abeipa ta a tah.

ZEREMIAH 31:40

Athipa ri nata buchâh thyna saikao zydua nata nochhi lâta Arâ Chhikao chaki liata a ypa Kidaraw vahtiepa taihta lyu zydua cha, Abeipa châta pathaihpa a châ aw. Khihpi cha khati ta hmahta phiapa nata paraopa châ khao aw vei.”

ZEREMIAH 36:2

“Châbu la la, na hnohta bie ei rei pathaona Zôsia daihti tawhta tanoh taihta Zerusale nata Zudâh nata phopi zydua thâtih na hnohta ei reipa zydua kha, châbu liata roh khai mah y.

ZEREMIAH 44:27

Phana châta châ leipa ta, chhiena châta ei mokhâh thlâh ha ei. Izi râh liata a ypa Zudâh chyhsa zydua cha, ama chhâ khaina taihta zaozi nata chakâhna ta pamuapa ama châ aw.

ZEREMIAH 45:4

Châhrasala Abeipa ta na hnohta reih awpa ta hetana heta eina chho: Abeipa ta hetana heta a tah: Pachâ teh, ei padua hapa cha phie heih aw na ta, ei bô hapa chhao ei phia heih awh.

EZEKIA 21:19

“Chyhsa sawchapawpa y, Babylaw bei zaozi vaw tlô nawpa ta, lâpi miano pahnona tao mah y. Cha lâpi mianopazy cha râh miakha tawhta a vaw pua awpa a châ. Lâpi pahnona tao la, khihpi angiana hawka liata tao mah y.

EZEKIA 23:36

Abeipa ta ei hnohta reih hei ta: “Chyhsa sawchapawpa y, Ôhôlâ nata Ôhôlibâ cha na pachia aw ei ma? Ama pasichhihnazy ama hnohta phuah mah y.

EZEKIA 32:18

“Chyhsa sawchapawpa y, Izi nata phopi rônahpa zuahzy cha khaohtlô liata a tla hapazy hnohta alei ry lâ pathla la, Izi zawpizy cha hetana heta chakhei teh:

EZEKIA 36:36

Nama chheipâh ta phopi a ypazy ta Abeipa ei châ tahpa pahno aw ei ta, su raopazy a paduapathituhpa nata roryhrapa ta a y hapa râh liata thozy a loh heihpa ei châ tahpa ama pahno aw. Kei Abeipa ta reih ha na ta, ei tao aw.

EZEKIA 43:3

Aluahna ei hmôpa cha, khihpi parao awpa ta â vy nota ei hmôpa aluahna nah khata miakhapa châ ta, Khebâ chavah kiah liata aluahna ei hmôpa nah khata miakhapa a châ. Chatawhcha â khu lâta pao na ta.

HÔSIA 6:5

Chavâta hrohsopazy hmâpa ta tuchheih ei na ta, Ei pakah biezy ta ei thie ha ei; Ei hriena cha dôhla hawhta a pathli.

AMÔSÂ 3:7

“A chakaotuhpa hrohsopazy hnohta, A bieru a phuah ha tua leipa ta cha, Abeipa Zehôvâh ta khâpa hmah tao beih vei.

AMÔSÂ 9:11

“Cha noh liata, Dâvi byureih a pao hapa cha, Ei pathyu aw; Apyupazy pamai aw na ta, Araopazy ei padua aw; Hlâno tahpa hawhna khata, Ei paduapathi heih aw.

ZEKARIA 1:6

Nâ chakaotuhpa hrohsopazy hnohta ei biepiepa nata ei pachunazy ta châ pathlatuhpazy kha chhao ha veih ei ma? Chavâta âmo cha ro ei ta, ‘Eima taozie nata hrozie lymâ hawhta Pheisaihzy Abeipa ta eima chô liata tao a chhuah ta, a tao ha tlaipa a châ,’” ama tah.