ZEPHANIA 3:5 - Mara Bible RV (BSI)

⁵ A chhôh liata a ypa Abeipa cha sia ta, Hmo doleipa tao beih vei; My chareih ta a ryureina dopa palâsa ta, Â doleipa ta ryureih beih vei. Chyhsa doleipa deikua cha, Nozana châh chhao pahno vei.

ZEPHANIA 3:5 ပူးပေါင်းရင်းမြစ်များ

ÂTHAONA 18:25

Moleipazy hnohta mosiapazy thie ta, mosiapa nata moleipazy palyu thlâh ha awpa cha, tao aw va chi. Cha hawhpa ngâsâ cha tao aw va chi. Alei chô zydua ryureituhpa ta cha, hmo dopa a tao awpa châ vei ma?” tah ta.

ZAWBÂ 34:10

“Chavâta nâmo, hmo a pahno thaipazy saih u, Na nathlie teh u; Khazohpa cha hmo moleipa tao beih leipa aw ta, Atotaotheipa cha hmo doleipa tao beih aw vei.

ZAWBÂ 7:18

My chareih ta tly chi ta, Khatino rai ta na pasia tyh tly?

ZAWBÂ 8:3

Khazohpa ta ryureina dopa a pako beih ma? Atotaotheipa ta hmo dopa a pako beih ma?

HLAZY 145:17

Abeipa cha a yzie zydua liata sia ta, A hmotaopa zydua liata ngâchhihpa a châ.

HLAZY 37:6

Na siana cha khaihna hawhta papua aw ta, Nâ dona chhao nohchhô hawhta a châ aw.

HLAZY 92:15

Cha chata Abeipa adona phuah ta, Ano cha ei lôpanô châ ta, Ano liata sialeina rai y vei.

ISAI 12:6

Hy Zaio sawzy saih u, Nama hry liata a ypa Izarei Mo Pathaihpa cha, Rônah ngaitapa a châpa vâta, Thata awh u la, alypa ta hla sa teh u.”

ISAI 28:19

Tisaih tlôna maihta cha la aw ta, My chareih ta tisaih vaw tlôpa ta, Chhô nah zâ ta vaw tlô aw ta, A bietapa yzie pahnopa a châ tita la, Chi â chhih ngaita aw.

ISAI 33:2

Hy Abeipa, eima cha hâ thlâh haw, Miah ngiachhie mah y. My tato ta eima bâh châ la, Nôpona daihti liata eima pachhana châ mah y.

ISAI 45:21

Reih u la, nama bie cha a vaw duakhei teh u; A saohiah tua tlai ei sa! Khahlâ tawhta ahy ma a chhochhielie tyh? Hlâno tawhta ahy ma a phuah tyh? Kei, Abeipa he châ va na ma? Keima leipa ta khazoh hropa y veih ei; Kei he Khazohpa siapa nata Pachhatuhpa cha châ na ta, Keima leipa ta ahropa y veih ei.

ISAI 50:4

Bie hmâpa ta thachhâpazy thapatlôzie ei pahno thei nawpa ta, Abeipa Zehôvâh ta paleih asaomâna na pachu ta, My chareih ta na pahrapa ta, Paleih asaomâna na pachu awpa ta ei nah a pahra tyh.

ZEREMIAH 21:12

Hy Dâvi pathlazy saih u! Abeipa ta hetana heta a tah: “‘My ta pachiana dopa ta pachia u la, Ama hmo ama hrao hapazy cha, Tlybaituhpazy ku tawhta pachha teh u. Chataleipatala hmo chhiepa nama taopazy vâta, Ei pathiiana mei hawhta pua aw ta, Ahy hmahta pachhai thei lei awpa ta a kâ pathlei aw na.’”

ZEREMIAH 3:3

Chavâta vâsua pakhâpa châ ta, Châhvâ avâ suah khao vei. Chatanachôta âzuahnô hmia phaoh chy chi ta, Nozana châh chhao pahno va chi.

ZEREMIAH 6:15

Hmo pasichhihpa ama tao no khata, Nozana châh zy ama pahno tlyma i? Khâpa nozana châh cha ma ama pahno bao aw! Ama noza tiarâh leipa ta, Hmiachhie nawpa châh chhao pahno veih ei. Chavâta a paopazy hry liata pao hra aw ei ta, Âmo ei hriena daihti liata thy pathlahpa ama châ aw,” Abeipa ta a tah.

ZEREMIAH 8:12

Hmo pasichhihpa ama tao no khata, Nozana châh zy ama pahno tlyma i? Khâpa nozana châh cha ma ama pahno bao aw! Ama noza tiarâh leipa ta, Hmiachhie nawpa châh chhao pahno veih ei. Chavâta a paopazy hry liata pao hra aw ei ta, Âmo ei hriena daihti liata, Thy pathlahpa ama châ aw,” Abeipa ta a tah.

CHAPHÔHTUNA 3:23

Na kyhpachâna nata zawngiahna cha my chareih thieh lymâ ei ta, Na ngâchhihna a rônah ngaita.

EZEKIA 18:25

“Chatanachôta, ‘Abeipa lâpi cha a do vei,’ nama tah thlâh ha chy pyly. Hy Izarei pathlazy saih u, nathlie teh u: Ei lâpi cha a do vei ma? Nâmo lâpizy kha adoleipa tlao châ vei ma?

EZEKIA 48:35

“Khihpi padôpa ta a seihna zie cha dy 18,000 châ aw ta, cha noh tawhta cha, khihpi moh chhao, Zehôvâh Sâmâ tahpa a châ bâ aw.”

HÔSIA 14:9

“Chyhsa sopa ta He hmozy he a novâh sala, Chyhsa novâhpa ta Pahno thai mawh sy! Abeipa lâpizy cha a do ta, Mosiapazy ta amâ chhih thei; Moleipazy deikua cha, Amâ chapia aw.”

HÔSIA 6:5

Chavâta hrohsopazy hmâpa ta tuchheih ei na ta, Ei pakah biezy ta ei thie ha ei; Ei hriena cha dôhla hawhta a pathli.

MIKÂ 3:11

Khihpi chhituhpazy ta Panaopapana ta ryureih ei ta, A theihthaipazy ta Ty hneipa ta ama pachu; Hrohsopazy ta tâkâ hmô nawpa ta Pachaona rai ama hria tyh; Chatanachôta Abeipa liata a pahnieh ei ta, “Eima hry liata Abeipa y vei ma? Eima chô liata chhiena vaw tlô aw vei,” Ama tah tyh.

MIKÂ 7:9

A chô liata ei molei hapa vâta, Ei kyh na reikhei sala, Pachiana eina taopa hlâlei cha, Abeipa ruchhôna ei phaoh aw. Khaihna lâ nâ chhi papua aw ta, A thaipachâsana ei hmô aw.

HABAKU 1:3

Khazia moleina na pahmôsa chi ta, Paraona eina pamosa chi? Raona nata atudainazy ei mohmô ta y ta, Ahryuchhiana pôh ta, A-iekhyhnazy a pôh lymâ.

ZEPHANIA 2:1

Hy nozana a pahno leipa phopi, A hmaoh u la, a hmaohpakhy teh u;

ZEPHANIA 3:13

Izarei laibâhpazy cha, Hmo doleipa tao khao aw veih ei; Haipa bie reih khao leipa aw ei ta, Ama pakâh liata paleih dôvei hmâhpa y khao aw vei. Ama lao bâpa ta a byu aw ei ta, Ahy ta hmah âmo cha pachisa khao aw veih ei.

ZEPHANIA 3:15

Abeipa ta nâma hriena pachhâsa ha ta, Na chariahpazy a pasipathai ha ei. Abeipa, Izarei Beipa cha na hnohta y ta, Hmo pha leipa chi beih khao aw va chi.

ZEPHANIA 3:17

Abeipa na Khazohpa cha na hnohta y ta, Khazoh thatlôpa ta a cha pachha aw. Na chô liata a thapha aw ta, A palôh a tlâh aw; A kyhpachâna ta thlah cha palôh aw ta, Na chô liata â lyna hla a sa aw.’

ZEKARIA 2:5

keima tlai he Zerusale châta mei thokhy châ aw na ta, a chhôh liata a rônahna ei châ aw,’ Abeipa ta a tah tahpa ta kei chho teh,” tah ta.

ZEKARIA 9:9

Hy Zaio sawchanô, thapha ngaitapa ta y la, Hy Zerusale sawchanô, thata awh teh! Moh tua, na bei cha nâ lâta â vy hai; Mosiapa nata pachhatuhpa a châ; Areisipa ta alâ vaw kiah ta, Alâtaw, alâ panô taw tlai vaw kiah ta â vy.

LUKA 12:2

A lâ lei awpa ta khupa khâpa hmah y leipa ta, pahno lei awpa ta nyupa khâpa hmah y vei.

RAWMA 2:5

Na palôh kuhchhana nata ro khoh leina vâta, hiehâhna noh, Khazohpa pachiana siapa â vaw luahna noh châta, nâmasasyh ta hiehâhna nâ pachôpakhy.

RAWMA 3:26

Zisu Krista cha mosiapa a châ thei nawpa nata ano ngiapâtuhpa châta thaipachâsatuhpa a châ thei nawpa ta, Khazohpa ta tahmâhlâ daihti liana heta Zisu Krista siana cha a vaw palâsapa a châ.

1 KAWRINI 4:5

Chavâta a daihti a tlô hlâ nata Abeipa â vy hlâta cha, pachiana biepathlupa khâpa hmah tao khuh vy. Ano ta zohna liata hmo nyupazy cha khaihna lâ vaw puakhei aw ta, palôh achhuahnazy a palâsa aw. Cha tita chyhsa to Khazohpa reithaina ama hlao chyu aw.

RYHPACHANEINA 23:14

Cha pachha awpa ei nata nama chariahpazy nama hmiakô liata cha pie awpa ei ta, Abeipa nama Khazohpa cha nama riehmo liata a vaw hlai tyh tlôh aw ta, chavâta nama riehmo cha a pathaih awpa a châ. Chataleipatala nama hry liata hmo pathaih leipa hmô aw ta, a cha siesai pathlei aw ei.

RYHPACHANEINA 32:4

“Lôpanô cha a hmotaopazy siapaki ta, A lâpi zydua â do. Ano cha Khazohpa ngâchhihpa châ ta, Paraona hnei leipa ta, Asiapa nata adopa a châ.

1 PITY 1:17

Khokhei viapa hnei leipa ta, chyhsa to ama hmotaopa chyu hawhta pachiatuhpa cha Paw hawhta nama pado khiahta cha, khizaw liata nama y chhôh cha khitlyhpa hawhta y u la, Paw Khazohpa cha chiza muh vy.