ZEPHANIA 3:3 - Mara Bible RV (BSI)

³ A chhôh liata beimachâzy cha, Chakeibarôhneipa a rôh ngâpazy châ ei ta; A ryureituhpazy chhao, Zâ changie zohpa ama châ; My ta nie awpa dâhdei chhao, Pahlôh khao tyh veih ei.

ZEPHANIA 3:3 ပူးပေါင်းရင်းမြစ်များ

BIESOZY 28:15

Phopi dyhchhiepa chô liata ryureihtuh chhiepa cha, Chakeibarôhneipa a rôhpa hawhta châ ta, Chavyh a thyupa hawhta a châ.

ISAI 1:23

Na beimachâzy cha chyhsa a chakhia thaipa châ ei ta, Parutuhpazy viasa ama châ. Chyhsa to ta panaopapana tlaichhai ei ta, Kuhriazy amâ chadai tyh. Paw hnei leipazy a duakhei leipa ei ta, Nôhmeizy aduakheina bie chhao ama hnohta tlô beih vei.

ISAI 5:29

Amâ rôhpa pyu chakeibarôhneipa a rôhpa pyu lyu ta, Chakeibarôhneipa lochopazy hawhta amâ rôh. Siechahnuapa ta sa tai aw ei ta, Siekhei aw ei ta, a pachha thei awpa y veih ei.

ZEREMIAH 22:17

Châhrasala nâ cha athôhna doleipa châ deita ta Mokhaoh nata palôh hnei chi ta; Thaileina a hnei leipa thisaih palo ta, Tlybaina nata thachahra hmâna châ deita ta Mokhaoh nata palôh na hnei.”

ZEREMIAH 23:11

“Hrohsopa nata theihthaipa ta Khazohpa papeisa leipa ei ta; Ei o chhôh cheingei liata Ama moleina ei hmô,” Abeipa ta a tah.

ZEREMIAH 34:19

Âmosasyh ta chhie a sa khâhpa ta viahchaotaw patlawpa likawh liata a siepahliepa Zudâh beimachâzy, Zerusale beimachâzy, hrilyupazy, theihthaipazy nata râhsaw zydua cha viahchaotaw patlawpa hawhta ei patlaw aw ei.

ZEREMIAH 5:6

Ama paraonazy hluh ta, Ama paona a lai ngaitapa vâta, Râhmâhpa chakeibarôhneipa ta âmo cha tai aw ta, Râhchawhpa changie ta a sie aw ei; Keihchhoh ta ama khihpizy a byh aw ta, Khihpi tawhta a puapazy a hriechheih lymâ aw ei.

EZEKIA 22:6

“Moh teh, nâma liata a ypa Izarei beimachâzy cha, ama zydua ta ama hmotaotheina lymâ hawhta, thisaih palo a hmâhpa sai ama châ.

EZEKIA 33:26

Zaozi a ngâchhâ ei chi ta, hmo pasichhihpazy taopa ta, chyhsa to ta nama vaih lapinô nama papuapalei. Kheihta râh cha nama hnei thei aw?

HABAKU 1:8

Ama arâzy cha, Keihchhohzy hlâta chatlie via ei ta, Zârâh changiezy hlâta amâ hrâh via; Ama arâ pheisaihzy ama tôh lymâ. Ama arâ pheisaihzy cha, Lâhlapi tawhta a vy ei ta, Vâkhieh sa la awpa ta â pathlôpa hawhta amâ zaw.