ZEPHANIA 3:20 - Mara Bible RV (BSI)

²⁰ Cha daihti liata châ chhi pakhua aw ei na ta, Cha daihti liata ei cha pahmaohpakhy aw ei. Nama mohmô lia tlai ta Vânoh ei cha patosa heih ti ei ta cha, Khizaw phopi zydua hry liata Moh phapa ta cha tao aw ei na ta, Palyupalihpa ta ei cha tao aw ei,” Abeipa ta a tah.

ZEPHANIA 3:20 ပူးပေါင်းရင်းမြစ်များ

HLAZY 35:6

Ama lâpi zohpa ta pahnia sala, Abeipa vâlyuhchâpa ta âmo cha a chadai mawh sy!

ISAI 56:5

Sawchapawzy nata sawchanôzy hlâta pha viapa ei pie aw ei; Atheithlâhna hmo nata moh phana zy Ei o chhôh liata pie aw ei na ta, Ei thokhyzy chhôh liata ei pie aw ei. Tlyzaw ta a y awpa moh pie aw ei na ta, Ama moh lei khao aw vei.

ISAI 56:8

Izarei paipatlapazy a pahmaohpakhytuhpa Abeipa Zehôvâh ta hetana heta a tah: “Ei pahmaohpakhy hapazy thota, Mohropazy chhao ei pahmaohpakhy lymâ aw ei.”

ISAI 60:15

Pathluapa nata a haopa châ chi ta, Châ chapia chahreihpa chhao ama y khao leipa kha, Chhâzaw ta a palaikheipa ta cha tao aw na ta, Kôzaw ta alyna ta ei cha tao aw.

ISAI 61:9

Ama sawzy cha, Râhzy hry liata pahnopa châ aw ei ta; Ama pathlazy cha, Phopizy hry liata pahnopa ama châ aw. A hmôpa maihta âmo cha, Abeipa byhnâ piepa chipathla ama châ tahpa ama pahno aw.

ISAI 62:12

Chatanachata Izarei sawzy cha, Phopi Pathaihpa tah aw ei ta, Abeipa Chatlaipa ama tah aw. Nâ, Zerusale khihpi chhao, Tluapapuapa Khihpi cha tah aw ei ta; Pathlua Leipa Khihpi ama cha tah aw.’”

ISAI 62:7

Zerusale paduapathi sala, Alei chô liata reithai tlâhpa ta a tao hlâlei cha, Abeipa cha pay molosa khuh vy.

ISAI 66:22

“Avâ thiehpa nata alei thiehpa ei taopazy cha, Ei hmiakô liata khâ ama y thlâh ha awpa hawhta, Nama pathlazy nata nama moh chhao khâ a y thlâh ha aw,” Abeipa ta a tah.

ZEREMIAH 23:3

“Ei mietaku zaw laibâhpazy cha âmo ei tona râh zydua tawhta a vaw chhi heih aw na ta, ama sadô liata pangia heih aw na ta, chi hluhpi pathla aw ei ta, ama pôh aw.

ZEREMIAH 29:14

Eina hmô aw ei chi,” Abeipa ta a tah. “Vânoh cha patosa heih aw ei na ta, ei cha pasiesana phopi to nata su to tawhta cha pakhy aw ei na ta, sei ta ei cha patusana su lâ tlai kha ei châ chhi pakhua heih aw ei, Abeipa ta a tah.

ZEREMIAH 30:3

Moh teh, ei phopi Izarei nata Zudâh vânoh tona ei paduapathi heih nawpa nohzy a vaw tlô hai. Âmo pathlatuhpazy ei piepa râh lâ a chhi pakhua heih aw ei na ta, cha râh cha ama hnei heih aw,’ Abeipa ta a tah.”

ZEREMIAH 33:9

Zudâh nata Izarei châta hmo phapa ei taopa thâtih a thei awpa khizaw phopi zydua hmiakô liata, he khihpi he ei châta thaphana, palyupalihna nata rônahna a châ aw. Khihpi châta hmo phapa to nata ativyna ei piepa vâta chipa ta amâ chalyu aw.

EZEKIA 16:53

“Ama pano ta vânoh ei patosa heih aw ei. Sawdawmâ nata a sawchanôzy vânoh patosa heih aw ei na ta, Samâri nata a sawchanôzy vânoh ei patosa heih aw ei. Nâ chhao ama hry liata vânoh ei cha patosa heih hra aw.

EZEKIA 28:25

“Abeipa Zehôvâh ta hetana heta a tah: Izarei pathlazy cha hiepatlapa ta ama yna phopizy tawhta a chhi pakhy heih aw ei na ta, râhzy mohmô ta ei pathaihna ama chô liata ei palâsa tita, nâ chakaotuhpa Zakaw hnohta ei piepa ama râh lia tlai ta ama pahrâ heih aw.

EZEKIA 34:16

Mietaku a leipa tlua aw na ta, a viavipa a vaw chhi pakhuapa ta, hmaphaohpa chahrypa aw na ta, chiehleipa tha ei patlô aw. Athawhpa nata thatlôpazy chhao ei mohôh aw ei. Mietakuzy cha â khopa ta ei pasa aw ei.

EZEKIA 37:12

Chavâta ama hnohta hetana heta hrohsona bie phuah teh. Abeipa Zehôvâh ta hetana heta a tah: Pachâ teh u, nama thlâzy pahy aw na ta, Hy ei phopi y, nama thlâzy tawhta cha pathyu aw ei na ta, Izarei râh lâ ei châ chhi aw ei.

EZEKIA 37:21

ama hnohta hetana heta reih teh. Abeipa Zehôvâh ta hetana heta a tah: Pachâ teh u, Izarei sawzy cha ama siena râhzy tawhta lapa ta, su to tawhta pakhy aw ei na ta, âmo râh lâ ei chhi aw ei.

EZEKIA 39:13

Râh chyhsa zydua ta âmo cha pabu aw ei ta, ei rônahna ei palâsana noh cha ama moh pathâhna noh a châ aw, Abeipa Zehôvâh ta a tah.

EZEKIA 39:28

Phopizy hry liata seichâna lâ pasiesa ei na ta, châhrasala ama râh lâ ei chhi pakhua heihpa vâ ei ta, kei he Abeipa ama Khazohpa ei châ tahpa ama pahno aw. Phopizy hry liata a ngua awpa ta pakha hmah siesai khao aw veih ei na.

ZÔELA 3:1

“Pachâ teh u, cha nohzy nata cha daihti liata, Zudâh nata Zerusale cha, Vânoh ei patosa heih aw.

AMÔSÂ 9:14

Ei phopi Izarei cha, Vânoh ei patosa heih aw; Khih rypazy paduapathi aw ei ta, Cha liata ama pahrâ heih aw; Kre sadôzy tao aw ei ta, Kresawhti ama doh heih aw; Sadôzy tao aw ei ta, A theizy ama nie heih aw.

MIKÂ 2:12

Hy Zakaw y, nama zydua ta cha awpakhy tlai aw ei na ta, Izarei laibâhpazy cha ei pakhy aw; Mietaku o liata mietakuzy hawhta Cha pahmaohpakhy aw ei na ta, Sibiepa su liata mietakuzy hawhta Ei pahmaohpakhy aw ei; Zasâh manôh ama châpa vâta, Kalihpi ama to aw.

MIKÂ 4:7

Pheisypazy cha, Laibâhpazy ta tao aw ei na ta; Thy hapazy chhao, Râh thatlôpa ta ei tao aw ei; Abeipa ta Zaio tlâh liata, Ama chô liata ryu a reih aw; Tahmâ tawhta ama chô liata ryureih aw ta, Chhâzaw ta ryu a reih aw.

ZEPHANIA 2:7

Cha râh cha Zudâh pathla laibâhpazy ta ama hnei aw; Cha liata ama sahrohzy pasa aw ei ta, Zâlâ ta Askelaw ozy liata amâ zia tyh aw. Abeipa ama Khazohpa ta âmo cha pachâ aw ta, Vânoh a patosa heih aw ei.

ZEPHANIA 3:19

Pachâ teh, cha daihti liata cha, Châ tlybaituhpa zydua ei hrie aw ei; Pheisypazy pachha aw ei na ta, Paipatlapazy ei chhi pakhy heih aw ei. Chatanachata nozapa ta ama paysana râh zydua liata, Palyupalihna nata moh phana ei patosa aw ei.

ZEKARIA 8:13

Hy Zudâh pathlazy nata Izarei pathlazy saih u, phopizy hry liata chhiesana bie châta hmâpa vaw châ tyh hra u la, tahmâ cha cha pachha aw ei na ta, byhnâ nama châ bâ aw. Chi leipa u la, nama ku tha patlô teh u!”

ZEKARIA 8:8

Zerusale liah liata pahrâ awpa ta ei vaw chhi heih aw ei. Ei phopi châ aw ei ta, kei ama Khazohpa ei châ aw, ama Khazohpa ngâchhihpa nata siapa ei châ aw.”

MALAKHAI 3:12

“Chatanachata râh zydua ta nohlaopa cha tah aw ei ta, râh khochhih ngaitapa nama châ aw,” Pheisaihzy Abeipa ta a tah.

RYHPACHANEINA 26:18

Abeipa chhao ta bie a châ taihpa hawh ei ta, tanoh tlai ta nâmo cha a ryu sôhpa nata a biepiepa zydua a zyh awpa phopi ta a cha tao ha ei.

RYHPACHANEINA 26:19

Abeipa nama Khazohpa ta bie â vaw taih hapa hawhta, nâmo cha reithaina, moh phana nata palyupalihna kyhzy liata, phopi a paduapa zydua chô liata y awpa nata Abeipa nama Khazohpa châta phopi pathaihpa châ awpa ta a cha padua ei,” tah ta.