ZEPHANIA 3:1 - Mara Bible RV (BSI)

¹ Khihpi thuhnypa nata puapa, Tlybai a hmâhpa khihpi cha, A hu a po na!

ZEPHANIA 3:1 ပူးပေါင်းရင်းမြစ်များ

ISAI 30:12

Chavâta Izarei Mo Pathaihpa ta hetana heta a tah: “Ei bie dythapa ta, Tlybaina tlao ngâ ei chi ta, Dôveina liata namâ pahniehpa vâta,

ISAI 5:7

Pheisaihzy Abeipa kre sadô cha, Izarei pathlazy he châ ta; Zudâh chyhsazy he, A chichei khochhihpazy cha ama châ. Adona mokhâh ta, Châhrasala moh teh u, thisaih palona tlao a hmô. Siana mokhâh ta, Châhrasala moh teh u, chana pyu tlao a thei.

ISAI 59:13

Hmoparaopa ta Abeipa a paphasai pi ta, Eima Khazohpa eima pazipa eima kuasai tyh; Tlybaina nata adyuhna biezy reih pi ta, Eima palôh ta haipa saw phaoh ta, Chazy cha eima reihpapua tyh.

ISAI 59:6

Zytôpuhpa bu ama râpazy cha, A bu tlâh châ leipa aw ta; Ama thaisapazy chhao, Chysia ta a tobi tlâh châ aw vei. Ama raihriazy cha, Moleina raihriazy châ ei ta; Thachahra hmâpa ta hmotaopazy Ama ku liata a y.

ZEREMIAH 22:17

Châhrasala nâ cha athôhna doleipa châ deita ta Mokhaoh nata palôh hnei chi ta; Thaileina a hnei leipa thisaih palo ta, Tlybaina nata thachahra hmâna châ deita ta Mokhaoh nata palôh na hnei.”

ZEREMIAH 5:23

“Châhrasala he phopi he palôh kuhchhapa châ ei ta, Chhorupa ama châ; Lâpi tlei ei ta ama sie nano syulyu haw.

ZEREMIAH 6:6

Pheisaihzy Abeipa ta hetana heta a tah: “Zerusale thozy thlu u la, Khihpi dôh awpa ta, A thokhyzy alei pacho thlu teh u. Tlybaina ta a biepa khihpi châ ta, Hrie tlâhpa khihpi a châ.

ZEREMIAH 6:7

Tikhaoh ta ti khâ a papuapa hawhta, A moleina khâ a papua. Atudaina nata raona pyu a chhôh liata theipa châ ta, Pasana nata hmahphaona zy ei hmiakô liata khâ ama y.

EZEKIA 22:29

Râhsawzy chhao ta, chyhsa hmozy chhu ei ta, chyhsazy hrao ei ta, dyhchhiepa nata phahlapazy tlybaipa ta, chihropa mapaihpazy chô liata nôchhiepa ta y ei ta, amâ dona nata tovyuhzy ama pakhâ tyh.

EZEKIA 22:7

Nôpaw za leina khihpi chhôh liata y ta, chihropa mapaihpa tlybaipa ta a hmo chhu ei ta, paw hnei leipa nata nôhmei chô liata â doleipa ta ama tao tyh.

EZEKIA 23:30

phopizy liata â zuahpa ta, ama khazoh nothlahpazy ta nâ papuapaleipa vâta, he hmozy he na chô liata a vaw tlôpa a châ.

THEIHTHAINA 1:16

A hmi chhaota a daoh hlaih aw ta, maisâh kiapâh nochhi lâchhâh ta buchâh thyna su liata a thy aw.

AMÔSÂ 3:9

“Asadô abei ozy liata phuah u la, Izi râh abei ozy liata phuah teh u: ‘Samâri tlâhpizy liata a hmaohpakhy u la, Cha liata tymâna rarôh ypazy moh u la, A chhôh liata tlybainazy a ypazy moh teh u.’”

AMÔSÂ 4:1

“Nâmo, Samâri tlâhpi liata Bâsanâ viahchao panôzy saih u, He bie he nathlie teh u; Nâmo, dyhchhiepazy tlybai ei chi ta, Phahlapazy chanaohpa ta, Nama vahpazy hnohta, ‘Do awpa vaw cheih la, Doh ei suh u,’ A tahtuhpazy saih u, He bie he thei teh u!

MIKÂ 2:2

Lyuzy uahvapa ta chhu ei ta, Ozy chhao uahvapa ta amâ la tyh; Chyhsa o chhu ei ta, Chyhsa ryu ama chhu tyh.

ZEKARIA 7:10

Nôhmeizy, hârapazy, khichhaipa nata dyhchhiepazy tlybai leipa u la, nama palôh liata nama unawhpa chhiena awpa pachâ khuh vy,” tah ta.

MALAKHAI 3:5

“Pachia awpa ta châ vaw hnia aw ei na ta, dyuthaipazy, apheipazy, haipa ta bie â taihpazy, ama raihriatuhpazy hlao â dopa ta a pie leipazy, nôhmei nata hara a tlybaipazy, chihropa nama hry liata a ypazy chô liata adoleipa ta hmo a taopazy nata nâ chi leipazy châta, a chatliepa ta âmo a leihtuhpa ei châ aw,” Pheisaihzy Abeipa ta a tah.