ZEPHANIA 2:9 - Mara Bible RV (BSI)

⁹ Chavâta ei hrona reipa ta ei reih,” Pheisaihzy Abeipa, Izarei Khazohpa ta a tah. “Môabâ cha Sawdawmâ hawhta châ aw ta, Amawna mo cha Kawmawrâ hawhta ama châ aw; Sipopa su nata alôh khaoh lâta a lie aw ei ta, Chhâzaw ta roryhrapa ta ama y aw. Ei phopi laibâhpazy ta âmo cha hrao aw ei ta, Ei râh liata a hroh tlakaihpazy ta Ama râh cha ryu ta ama to aw.

ZEPHANIA 2:9 ပူးပေါင်းရင်းမြစ်များ

ISAI 11:14

Epharai nata Zudâh cha, Notla lâta Philistinâ mo ngiatlâh liata a zâ zaw aw ei ta; Hmaohkha ta nochhi sawzy ama hrao aw. Edômâ nata Môabâ chô liata ama ku hy aw ei ta, Amawri mo ta ama rei amâ ngiah aw.

ISAI 25:10

He tlâhpi liata Abeipa ku a pahâ aw ta, Viahchao ie liata sawphao tlypâpa hawhta, Môabâ cha ano su liata tlypâpa a châ aw.

ISAI 49:18

A heih la, na chheipâh zydua moh tua, Na saw zydua a pahmaoh ei ta, Ama cha vaw pangai hih. Ei hrona reipa ta ei reih,” Abeipa ta a tah. “Sôh nata thih hawhta, Âmo cha nâ tobina ta hmâh aw chi ta, Myuh thieh chysia hawhta nâ tobi aw ei.

ZEREMIAH 46:18

“Ei hrona reipa ta ei reih, Abeipa, a moh Pheisaihzy Abeipa ta a tah. Tlâhpizy hry liata tlâh sâh chaipa Tabaw tlâh hawhpa a vy aw ta, Tilaipi kiah liata Kâmel tlâh hawhpa â vy aw.

ZEREMIAH 48:1

Môabâ kyh liata, Pheisaihzy Abeipa, Izarei Khazohpa ta hetana heta a tah: “Nebô cha roryhrapa ta y ta, A hu a po kaw dia! Kiriathai chhao lapa châ ta, Maophyuhpa ta a y; Thokhy paraopa châ ta, Maophyuhpa ta a y.

ZEREMIAH 49:1

Amawna mo kyh liata, Abeipa ta hetana heta a tah: “Izarei ta sawchapawzy hnei vei ma? Ryutotuhpa hnei vei ma? Khazia Mikô ta Kâdâ cha pho ta, Ano phopi cha Kâdâ khihpizy liata a pahrâsa tly?

ZEREMIAH 49:18

Sawdawmâ nata Kawmawrâ nata a chheipâh liata khihpizy paraopa ta a ypa hawhna khata, cha liata ahy hmah pahrâ khao leipa aw ei ta, ahy hmahta cha lâ a paih khao aw veih ei,” Abeipa ta a tah.

ZEREMIAH 49:33

“Hâzaw cha changiezy tlaihna su châ aw ta, Chhâzaw ta roryhrapa ta a y aw; Cha liata chyhsa pahrâ khao leipa aw ei ta, Cha lâ a paihpa y khao aw veih ei,” Abeipa ta a tah.

ZEREMIAH 50:40

Khazohpa ta Sawdawmâ nata Kawmawrâ parao ta, A chheipâh khihpizy a parao khai hapa hawhna khata, Cha liata ahy hmah pahrâ khao leipa aw ei ta, Cha lâ a paihpa chyhsa saw ahy hmah y aw veih ei,” Abeipa ta a tah.

AMÔSÂ 1:13

Abeipa ta heta na heta a tah: “Amawna mo moleina miathôh vâta, Âh, miapalih vâ chhao rai ta, Hriena chalihsa aw va na; Ama râh ama pakawh thei nawpa ta, Kilia chanô sawphaohpazy py taihta ama pahypa vâta.

AMÔSÂ 2:1

Abeipa ta heta na heta a tah: “Môabâ moleina miathôh vâta, Âh, miapalih vâ chhao rai ta, Hriena chalihsa aw va na; Edômâ bei rupazy rao ta, Meipaoh lâta a palie hapa vâta.

ZEPHANIA 2:14

Sahroh zawzy a chhôh liata a byu aw ei ta, Râhsa tozy ta amâ byu aw. A otôh lakizy liata vaku nata raawhzy a rie aw ei ta, Ama sâpa pyu ta ochhizy a khaipahlie aw; Chhikao thabyzy cha o keina ta bie aw ta, Sidy thozy â thyvawh hôlô aw.

ZEPHANIA 2:7

Cha râh cha Zudâh pathla laibâhpazy ta ama hnei aw; Cha liata ama sahrohzy pasa aw ei ta, Zâlâ ta Askelaw ozy liata amâ zia tyh aw. Abeipa ama Khazohpa ta âmo cha pachâ aw ta, Vânoh a patosa heih aw ei.

ZEPHANIA 3:13

Izarei laibâhpazy cha, Hmo doleipa tao khao aw veih ei; Haipa bie reih khao leipa aw ei ta, Ama pakâh liata paleih dôvei hmâhpa y khao aw vei. Ama lao bâpa ta a byu aw ei ta, Ahy ta hmah âmo cha pachisa khao aw veih ei.

ZEKARIA 2:13

Chyhsapa zydua saih u, Abeipa cha a pahrâna su pathaihpa tawhta kaw thyu ha ta, chavâta a hmiakô liata sidiapa ta y muh vy.

MALUHREINA 14:21

Châhrasala ei hrona reipa ta ei reih; leilô zydua he Abeipa rônahna ta a bie aw.

RAWMA 14:11

“Ei hrona reipa ta ei reih, Abeipa ta a tah; Pakhu to ei hmiakô liata paneih aw ei ta, Paleih to ta Khazohpa ama reithai aw,” tahpa ropa hawhta.

RYHPACHANEINA 29:22

“Chhâ a vaw y awpa, nama hnôhlâ ta nama saw a vaw y awpazy nata chihropa chyhsa râh hlapi tawhta a vy awpazy ta, cha râh liata Abeipa ta potlana nata hri a chareisapazy ama hmô aw.

RYHPACHANEINA 29:23

A râh pôhpalôhpa cha, kaih nata alôh nata kârypa, khâpa chi hmah cheih leina, khâpa hmah pyu leina, sibiepazy chhao thao leina, Abeipa ta hiehâhpa nata pathi iapa ta a paraopa Sawdawmâ nata Kawmawrâ nata Adamâ nata Zebaw râhzy hawhta paraopa a châ aw.