ZEPHANIA 2:5 - Mara Bible RV (BSI)

⁵ Nâmo, tilaipi kiah liata a pahrâpa Khere phopi y, Nama hu a po na! Nâ, Kâna, Philistinâ râh y, Abeipa bie ta a châ dyuh; Râh liata a pahrâpa pakha hmah y khao leina taihta Ei cha pahleipadia aw.

ZEPHANIA 2:5 ပူးပေါင်းရင်းမြစ်များ

ISAI 14:29

Hy Philistinâ râh zydua saih u, Nâmo châ tupa chôchahrei a tlie hapa vâta a ly hlei khuh vy; Vâzi thari tawhta chyuphao vaw thao aw ta, A thei cha vâzi mei a zawtheipa a châ aw.

ISAI 14:30

Dyhchhie chaipazy chhao ta, Ama tlaih nawpa sibiepa su hnei aw ei ta; Dyhchhiepazy â bohpa ta amâ zia aw. Nâma thari deikua cha, Chakâhna ta thie aw na ta; Na chyhsa laibâhpazy cha, Chakâhna ta a thie khai aw ei.

ZEREMIAH 47:7

Abeipa ta bie a cha pie ha khiahta cha, Kheihta ma nâ chalih thei aw? Askelaw nata tilaipi kiah râh a dyuh awpa ta, Abeipa ta a cha rao haw.”

EZEKIA 25:16

Abeipa Zehôvâh ta hetana heta a tah: Moh teh u, Philistinâ mo chô liata ei ku hy aw na ta, Kirethi khihsawzy chhawh pathlah aw ei na ta, tilaipi kiah liata a ypazy chhao ei pahleipadia aw ei.

AMÔSÂ 3:1

Hy Izarei sawzy saih u, Abeipa ta nama hnohta a reipa bie he nathlie u la, Izi râh tawhta ei chhi papuapa Izarei phopi ta thei teh u:

AMÔSÂ 5:1

Hy Izarei pathla saih u, He bie he thei u la, Nâmo kyh liata ei chaphôhtuna bie he thei teh u.

ZEPHANIA 1:11

Nâmo, sôdaohna su liata a pahrâpazy saih u, A rôh teh u; Sôhpaliepa zydua y khao leipa ei ta, Tâkâ a pathliahpa zydua ama leidia khai haw.

ZEPHANIA 3:6

“Râhzy parao ei na ta, Ama thokhyzy a ry khai haw; Ama lâlaizy ziahzi parohsa na ta, A chhih awpa y khao veih ei. Ama khihpizy roryhrapa ta paysapa châ ta, Chyhsa y khao leipa ei ta, A chhôh liata a pahrâpa rai y khao veih ei.

ZEKARIA 1:6

Nâ chakaotuhpa hrohsopazy hnohta ei biepiepa nata ei pachunazy ta châ pathlatuhpazy kha chhao ha veih ei ma? Chavâta âmo cha ro ei ta, ‘Eima taozie nata hrozie lymâ hawhta Pheisaihzy Abeipa ta eima chô liata tao a chhuah ta, a tao ha tlaipa a châ,’” ama tah.

MÂKA 12:12

Cha pakhona bie cha âmo a nuapa ta a reipa a châ tahpa ama pahnopa vâta, Zisu cha patu awpa khoh ei ta. Châhrasala zawpi ama chipa vâta, Zisu cha siesaipa ta, sie ha ei ta.

ZAWSUA 13:2

Hezy he la mâh leipa râhzy a châ: Philistinâ râh zydua nata Kesuri mo râh zydua;

ZAWSUA 13:3

Izi râh kiapâh liata a ypa Sihaw tawhta maw lâta Ekaraw râhri taihta, Ekaraw cha Kâna râh hawhta pachâpa a châ; Philistinâ bei papangawh ryureina Kâza, Asadô, Askelaw, Kiti nata Ekaraw râhzy nata chho lâta Avimi râh;

RYUREITUHPAZY 3:3

Phopi pahlôhpazy cha, Philistinâ bei papangawh, Kâna mo zydua, Sidaw mo zydua nata Lebanaw Tlâh nata Bâlâhâmaw Tlâh tawhta Lebôhamâ taihta a pahrâpa Hivi mo zydua ama châ.

1 SAMUELA 30:14

Khere mo chho râh, Zudâh râh nata Kâlebâ chho râh zy chho pi ta, Zikalâ chhao mei ta eima rao haw,” tah ta.