ZEPHANIA 2:11 - Mara Bible RV (BSI)

¹¹ Abeipa cha âmo châta chi a chhih ngaita aw ta, Lei khazoh zydua cha, Nodi dâhphipa ta a soh khai aw ei. Phopi to ta ama râh chyu liata A hmiakô liata amâ bôh aw.

ZEPHANIA 2:11 ပူးပေါင်းရင်းမြစ်များ

ÂTHAONA 10:5

He sahlaozy tawhna heta ama reih, ama pho nata ama chi yzie lymâ hawhta ama râh chyu liata pahrâpa liahpahlô phopizy ama vaw pua.

HLAZY 138:4

Hy Abeipa, na pakah biezy ama thei hapa vâta, Lei bei zydua ta alyna bie ama cha hlâ aw.

HLAZY 72:17

A moh chhâzaw ta y sala, Noh a chhi chhôh zydua cha, A moh pathâh lymâ mawh sy! Phopi cha ano liata byhnâ topa ta y sala, Râh zydua ta ano cha nohlaopa tah mawh ei sy!

HLAZY 86:9

Hy Abeipa, phopi na taopa zydua a vy aw ei ta, Na hmiakô liata a bôhpa ta, Na moh ama palyupalih aw.

ISAI 2:18

Khazoh nothlahpazy cha ama leidia khai aw.

ISAI 2:20

Cha noh liata cha chyhsazy ta, A chhy awpa ta âmo ta amâ taopa, Tâkâ nata ngôh nothlahpazy thy aw ei ta, Zabihzy nata pazu tâbalâpazy pahrâ nawpa ta ama siesai aw.

ISAI 42:10

Nâmo, tilaipi lâ zu ei chi ta, Cha liata a ypa zydua saih u, Nâmo, tilaipi kiah râhzy nata a chyhsazy saih u, Abeipa lâ hla thiehpa sa u la, A reithaina hla alei chhâna tawhta sa teh u.

ISAI 42:4

Alei chô liata adona a chareisa hlâlei cha, A thachhâ leipa aw ta, A hnabeidy aw vei; A ryhpa bie cha, Tilaipi kiah râhzy ta ama hâ thlâh ha aw.

ISAI 49:1

Hy tilaipi kiah râhzy saih u, Na nathlie u la; Nâmo, lâhlapi liata phopizy saih u, Nama nah pachôh teh u. Abeipa ta chhi tawhta na aw ta, Ei nô py chhôh tawhta ei moh eina bi.

ZEREMIAH 10:11

Chavâta ama hnohta hetana heta reih teh: “Alei nata avâ taotuhpa a châ leipa khazohzy cha, alei tawhta leidia awh ei ta, avâ ry tawhta ama lei khai aw.”

ZEREMIAH 46:25

Pheisaihzy Abeipa, Izarei Khazohpa ta hetana heta a tah: “Moh teh u, Thebe khihpi liata Amaw khazoh, Phiraoh, Izi nata a khazohzy nata a beizy, Phiraoh nata ano a ngâtuhpazy chô liata hriena ei patlôsa aw.

DÂNIAH 11:18

Cha khai tawhta, tilaipi kiah râhzy lâta a heih aw ta, râh hluhpi a la aw. Châhrasala â palaina cha pheisaih hyutuhpa pakha ta panawhsa aw ta, â palaina chata ano chô liata â lie thlu aw.

HÔSIA 2:17

“Bâlâ mohzy a pakah tawhta thy aw na ta, Ama mohzy reipa châ beih khao aw vei.

ZÔELA 2:11

Abeipa cha a pheisaihzy hmiakô liata ao papua ta, A riehmo a lai ngaita; Ano cha hmotaotheipa châ ta, A bie a patlôpa a châ. Abeipa noh cha rônah ta, A rarôh y ngaita; Cha noh cha ahy ma a tao thei aw?

ZEPHANIA 1:4

“Zudâh chô liata ei ku hy aw na ta, Zerusale khihsawzy chô liata ei ku ei hy aw. Bâlâ laibâhpazy cha, He su tawhta chhawh pathlah aw ei na ta, Nothlahpa theihthaipa mohzy chhao, A theihthaipazy chhaota ei chhawh pathlah khai aw ei.

ZEPHANIA 3:9

“Cha daihti liata, Phopizy hmao panano aw na ta, Hmao pathaihpa ta ei tao aw ei; Chatanachata ama zydua ta Abeipa moh pado aw ei ta, Lôraohpa ta ano ama chakao aw.

ZEKARIA 13:2

“Pheisaihzy Abeipa ta hetana heta a tah: Cha noh liata khazoh nothlahpa mohzy cha râh tawhta phie aw na ta, a thei thlâh khao aw veih ei. Hrohsopazy nata thlahpa puapazy chhao râh tawhta ei papua khai ha aw ei.

ZEKARIA 2:11

“Cha noh liata phopi hluhpi ta Abeipa a pazao aw ei ta, ei phopi ama châ aw. Na hnohta pahrâ aw na ta, Pheisaihzy Abeipa ta na hnohta eina vaw tuah tahpa na pahno aw.

ZEKARIA 8:20

“Pheisaihzy Abeipa ta hetana heta a tah: Phopizy nata khihpi hluhpi liata a pahrâpazy a vy aw ei ta,

ZEKARIA 8:23

Pheisaihzy Abeipa ta hetana heta a tah: Cha nohzy liata, râh to nata reih to tawhta chyhsa pahrawhzy ta Zu chyhsa pakha cha a poh pai patupa ta, ‘Khazohpa nama hnohta a y tahpa thei ha pi ta, chavâta nama hnohta bâh sie hra ei suh u,’ ama tah aw.”

MALAKHAI 1:11

“Noh chhina tawhta noh tlana taihta phopizy hry liata ei moh palyupalihpa ta y aw ta, su to liata ropahâhpa nata hmohlâpa pathaihpazy ei moh ta ama hlâ tyh aw. Phopizy hry liata ei moh palyupalihpa ta a y aw,” Pheisaihzy Abeipa ta a tah.

MALAKHAI 1:14

“A sahroh zaw hry liata seina hnei leipa a chapawpa hnei thlâh ha tlôh ta, cha cha pie awpa ta bie chhao a vaw taih ha ta, hnôhlâ ta seina a hneipa sahroh Abeipa lâta a hlâpa, dôvei hmâhpa chyhsa cha chhiesapa ta a y aw. Kei he Bei rônahpa châ na ta, ei moh he phopizy hry liata chizapa ta a y aw,” Pheisaihzy Abeipa ta a tah.

RYHPACHANEINA 32:38

Amâ theihna thaw nie ei ta, Ama dopa hlâna kresawhti a doh tyhpazy kha, Khataih lia ama y haw? Vaw thyupa ta cha bao ei sala, Châ pabohsa bao ei sa!

1 TIMAWTHY 2:8

Chapawzy cha su to liata ku pathaihpa avâ lâ pazawhpa ta, hiehâh leipa nata a eichhia leipa ta thlah ama chhâ tyh awpa ei khoh.

BIEPHUAH 11:15

Chatawhcha vâlyuhchâpa pasarina ta a chiahmie tô ta, “Khizaw khinarâh cha eima Beipa nata a Krista khinarâh a vaw châ haw. Ano ta chhâzaw nata tlyzaw ta ryu a reih aw,” tahpa ta ao paro ngaitapazy avâ liata vaw y ta.