ZEPHANIA 2:10 - Mara Bible RV (BSI)

¹⁰ Amâ palaina vâta, Cha cha ama tovyuh a châ aw; Pheisaihzy Abeipa phopi reipachhie ei ta, Amâ palai thlupa vâta.

ZEPHANIA 2:10 ပူးပေါင်းရင်းမြစ်များ

1 THÂTIHZYRONA 16:21

Ahy ta hmah ama tlybai awpa pasaih leipa ta, Âmo vâta beizy ra ta,

PUASAINA 10:3

Mawsi nata Arawna cha Phiraoh lâ a kei ngia ei ta, a hnohta, “Zehôvâh, Hebraizy Khazohpa ta hetana heta a tah: ‘Khachâ ma ei hmiakô liata a panawh khoh leipa ta na y aw? Eina chakao thei nawpa ei ta, ei phopi pasiesa bâ teh.

PUASAINA 9:17

Chatanachôta ei phopi chô liata nâmasasyh a cheihchalo chi ta, âmo cha pasiesa khoh va chi.

ISAI 16:6

Môabâ apalaina thâtih thei pi ta, Â khotlâhna, â palaina, a sâlâna, Âh, â vaw palai kaw tlai na! Châhrasala â reithainazy cha aruapa a châ.

ZEREMIAH 12:14

Abeipa ta hetana heta a tah: “Ei phopi Izarei hnohta ryuto râh ei piepa a chhutuhpa ei chheipâh râh moleipa zydua cha, moh teh u, ama râh tawhta phia aw ei na ta, Zudâh pathlazy chhao ama hry tawhta ei phia aw ei.

ZEREMIAH 48:14

“Kheihta ma, ‘Riahphapa châ pi ta, Adyuhna pasaiphazy eima châ,’ Nama tah thei tly?

ZEREMIAH 48:29

Môabâ apalaina thâtih eima thei, Â vaw khotlâh chaimâh. Â pasâhsazie nata â palaizie thei pi ta, Â khotlâhzie nata a palôh laizie eima thei.

CHAPHÔHTUNA 1:9

A hnorâh liata a pathaih leina a bai ta, A hmialâ daihti awpa pachâ vei; Chavâta pao chhie ta pao ta, Thlapalôhtuhpa hnei khao vei. “Hy Abeipa, ei pasataona he moh tua, Chariahpa ta pahniena a to ha hih!”

EZEKIA 25:6

Abeipa Zehôvâh ta hetana heta a tah: Izarei râh na ku chabaih chie chi ta, na phei a tlai chiepa ta, reipachhiena to ta na reipachhiena liata na palôh â ly kawpa vâta,

DÂNIAH 4:37

Chavâta tahmâ, kei, Nebukaneza ta avâ Beipa cha reithai na ta, palyupalihpa ta, ei parônahsa. Avâ Beipa cha a hmotaopa zydua a do ta, a lâpizy sia ta, a palaipazy a panawh theipa a châ.

ÔBADIA 1:11

Khichhaipazy ta Zerusale sôh a râkhei ei ta, Chihropazy ta a thokhy chhikao a ngiapa ta, Zerusale kyh nuby amâ dao noh kha, Â hlapa tawhta tlâ na moh ei; Chavâta nâ chhao âmo hawhpa na châ hrapa kha.

ÔBADIA 1:3

Nâ lôpanô keina liata y chi ta, Su sâhpa liata pahrâpa ta, “Ahy ma alei lâ nâ pathla thei aw?” Na palôh liata a tahtuhpa y, Na palôh laina ta a cha dôvei haw.

ZEPHANIA 2:8

“Môabâ ta reipachhiena bie a reipa thei na ta, Amawna mo ta pasipasawhna bie ama reipa ei thei; Ei phopi cha reipachhie ei ta, Ama râh chô liata amâ palai thlu.

1 PITY 5:5

Cha hawhna chata nâmo, hawti viapazy saih u, uhthei viapazy liata a ngiarih teh u. Nama zydua ta areisina chysia ta a tobi u la, a chakao raihrie teh u. “Khazohpa ta apalaipazy a dyuh ta, areisipazy deikua cha a ngiachhie tyh.”