ZEPHANIA 2:1 - Mara Bible RV (BSI)

¹ Hy nozana a pahno leipa phopi, A hmaoh u la, a hmaohpakhy teh u;

ZEPHANIA 2:1 ပူးပေါင်းရင်းမြစ်များ

2 THÂTIHZYRONA 20:4

Zudâh pathlazy cha Abeipa baona hiah awpa ta a hmaohpakhy ei ta. Abeipa tlua awpa ta Zudâh khihpi to tawhta vaw tlô ei ta.

NEHEMIAH 8:1

Chyhsa zydua reihkha tlapa ta, Ti Chhikao tlyhmia tlyliah liata a hmaohpakhy ei ta. Chârohtuhpa Ezrâ hnohta, Abeipa ta Izarei sawzy bie a piepa Mawsi Ryhpa châbu vaw cheih awpa ta chho ei ta.

NEHEMIAH 9:1

Cha thla, noh kih nata noh palihna noh liata, Izarei sawzy a hmaoh ei ta, kâhvileipa ta y ei ta, latho poh a bupa ta, ama luh liata alei a mia ei ta.

ESTHERI 4:16

“Vawh la, Susâ liata a ypa Zu chyhsa zydua pakhy khai la, ei châta kâhvileipa ta y u la, noh thôh chhôh, chhô nah zâ ta khâpa hmah nie leipa u la, khâpa hmah doh hra khuh vy. Kei nata ei laihsazy chhao, nâmo taopa hawhta kâhvileipa ta y hra aw pi ta, cha khai tawhta abei lâ cha ei ngia aw. Ryhpa chakhiapa a châ awpa vâta, ei thi hapa chhao ta, thi lah vâ na,” tah ta.

ZEREMIAH 3:3

Chavâta vâsua pakhâpa châ ta, Châhvâ avâ suah khao vei. Chatanachôta âzuahnô hmia phaoh chy chi ta, Nozana châh chhao pahno va chi.

ZEREMIAH 6:15

Hmo pasichhihpa ama tao no khata, Nozana châh zy ama pahno tlyma i? Khâpa nozana châh cha ma ama pahno bao aw! Ama noza tiarâh leipa ta, Hmiachhie nawpa châh chhao pahno veih ei. Chavâta a paopazy hry liata pao hra aw ei ta, Âmo ei hriena daihti liata thy pathlahpa ama châ aw,” Abeipa ta a tah.

ZÔELA 1:14

Kâhvileipa daihti phuah u la, Pakhypi pathaihpa aw teh u. Machâzy nata râhsaw zydua Abeipa nama Khazohpa o lâ awpakhy u la, Abeipa awsao teh u.

ZEPHANIA 3:5

A chhôh liata a ypa Abeipa cha sia ta, Hmo doleipa tao beih vei; My chareih ta a ryureina dopa palâsa ta, Â doleipa ta ryureih beih vei. Chyhsa doleipa deikua cha, Nozana châh chhao pahno vei.

ZEKARIA 11:8

Châhrasala thla kha chhôh ta vaituhpa pathôh ei pabâh ha ei. Ama chô liata ei palôh chhâ kaw ta, âmo chhao ta eina ai kaw hra ei.

MATHAI 18:20

Pano tlyma, pathôh tlyma, ei moh ta amâ hmaohna maihta ama hry liata ei y tyh,” tah ta.