ZEPHANIA 1:3 - Mara Bible RV (BSI)

³ “Chyhsa nata sazy pahleipadia aw na ta, Avâ pavawzy nata tilaipi ngazy ei pahleipadia khai aw. Moleipazy papao aw na ta, Alei chô tawhta chyhsa ei pamua ha aw,” Abeipa ta a tah.

ZEPHANIA 1:3 ပူးပေါင်းရင်းမြစ်များ

ÂTHAONA 6:7

Chavâta Abeipa ta, “Chyhsapa ei taopa he alei tawhta ei pahleipadia aw. Chyhsapazy, sazy, âlyhpasazy nata avâ pavawzy ei vaw taopa he ei ngiapachhi na,” tah ta.

ISAI 27:9

Chavâta he hmo he hmâpa ta, Zakaw thaileichâna cha chatlaipa châ aw ta, He he a moleina pasiena thei cha a châ aw: Chinaih lôzy pakeichheihpa hawhta, Nothlahpa khazoh maisâhzy liata alô zydua cha, Izarei ta a pakeichheih khai tita, Aseri tôhzy a duah khao leipa aw ta, Ropahâhpa maisâhzy a duah khao aw vei.

ISAI 6:11

Chatawhcha kei ta, “Hy ei Zibeipa, khati taih ma a châ aw?” tah na ta. Abeipa ta hetana heta einâ chhy: “Khihpizy rao khaipa ta, Khihsawzy y khao leipa ta a y hlâlei; Ozy rua khaipa ta, Râh roryhrapa ta a y hlâlei;

ISAI 6:12

Abeipa ta chyhsazy lâhlapi lâ pasiepa ta, Râh chhôh liata su siesaipa hluhpi a y hlâlei cha, Cha hawhta a châ aw.

ZEREMIAH 12:4

Râh he khachâ ma mâchhiesa aw ta, Khachâ ma râh to liata sibiepazy ama uah aw tly? A chhôh liata a pahrâpazy ta Hmo pha leipa tao ei ta, “Khazohpa ta eima chhâna hmô aw vei,” Ama tahpa vâta, Râhsazy nata pavawzy ama thi khai ha hih.

ZEREMIAH 50:3

“Maw lâta phopi ta za siehnao aw ta, A râh roryhrapa ta a tao aw; Chyhsapa nata râhsa zydua a râ khai aw ei ta, Râh liata a pahrâpa y khao aw veih ei.

ZEREMIAH 7:20

Chavâta Abeipa Zehôvâh ta hetana heta a tah: He su chô liata ei hiehâhna nata ei pathiiana patlai thlu aw na ta, chyhsapa, râhsa, lyurâhpa thozy nata chhaohlei theizy kâ khai aw ta, pachhai theipa châ aw vei.”

ZEREMIAH 9:10

Tlâhpizy châta chapa ta sâh aw na ta, Râhchawhpa sibiepa suzy châta mâchhie ei sa aw. Ahy hmahta chapia khoh khao lei awpa ta kâ khai ha ta, Viahchao a aohpa pyu chhao theipa châ khao vei. Avâ pavawzy pai ei ta, Râhsazy ama sie haw.

EZEKIA 44:12

Ama khazoh nothlahpazy hmiakô liata chakao ei ta, Izarei pathlazy châta moleina liata ahluana lô ama châ tyhpa vâta, ku chaluahpa ta bie ei taih haw. Ama moleina maoh ama phaoh tlai aw, Abeipa Zehôvâh ta a tah.

EZEKIA 7:19

Ama tâkâzy khiliah liata thy aw ei ta, ama ngôhzy chhao, hmo pathaih leipa hawhta a châ aw. Ama tâkâ nata ngôhzy ta Abeipa hiehâhna noh liata âmo pachha thei aw vei. Ama nodi papai thei leipa aw ta, ama py pabie aw vei. Tâkâ nata ngôh cha, moleina liata ama pao nawpa lâta âmo â chhi tyhpa deita a châ.

HÔSIA 14:3

Asuria ta miah pachha leipa aw ta, Arâzy kiah khao aw ma pi. Keimo ku ta taopa hmozy lâta, ‘Eima khazohzy nama châ,’ Tah khao hra aw ma pi. Hârapa ta nâ liata Zawngiahna a hmô tyh.

HÔSIA 14:8

“Hy Epharai, Nothlahpazy cha khâpa ma ei taona aw? Kei he châ chyh-eituhpa cha châ na ta, Châ mohôhtuhpa ei châ. Meisah tho hrohpa hawhta châ na ta, Keima tawhta na theizy na hmô.

HÔSIA 4:3

Chavâta râh cha mâchhiesa ta, A chhôh liata a pahrâpa to ama leidia; Râh sazy nata avâ pavawzy siekheipa châ ei ta, Tilaipi ngazy taihta ama siekhei.

ZEKARIA 13:2

“Pheisaihzy Abeipa ta hetana heta a tah: Cha noh liata khazoh nothlahpa mohzy cha râh tawhta phie aw na ta, a thei thlâh khao aw veih ei. Hrohsopazy nata thlahpa puapazy chhao râh tawhta ei papua khai ha aw ei.

MATHAI 13:41

Chyhsa Sawchapawpa ta a vâlyuhchâpazy tuah aw ta, moleina a patlôsatuhpa zydua nata hmo pha leipa a taotuhpa zydua cha, a khinarâh tawhta la papua aw ta,

MATHAI 23:39

Ei cha chho ei, ‘Abeipa moh ta a vypa cha reithaipa ta y mawh sy,’ nama tah hlâlei cha, tahmâ tawhta na hmô khao aw veih ei chi,” tah ta.

BIEPHUAH 2:14

Châhrasala pasina chyhta ei cha hnei. Nama hry liata chyhsa thokha Bâlâma pachuna khâchâ a patupazy y ei ta. Bâlâma cha Izarei sawzy hmiakô liata achapiana lô so awpa ta Bâlâka a pachutuhpa châ ta, Izarei sawzy cha nothlahpa lâta hlâpa niedozy paniesa ta, apatlana moleina pataosa a chhuahpa kha a châ.