ZEPHANIA 1:18 - Mara Bible RV (BSI)

¹⁸ Abeipa hiehâhna noh liata cha, Ama tâkâ ta âmo pachha thei leipa aw ta, Ama ngôh ta âmo pachha thei aw vei; A hiatliana mei ta râh zydua kâ khai aw ta, Alei liata a pahrâpa zydua chô liata Eikhapi ta chhâna noh a patlôsa aw.

ZEPHANIA 1:18 ပူးပေါင်းရင်းမြစ်များ

ÂTHAONA 6:7

Chavâta Abeipa ta, “Chyhsapa ei taopa he alei tawhta ei pahleipadia aw. Chyhsapazy, sazy, âlyhpasazy nata avâ pavawzy ei vaw taopa he ei ngiapachhi na,” tah ta.

1 ABEIZY 14:22

Zudâh cha Abeipa mohmô ta hmo moleipa tao ta, âmo pathlatuhpazy moleina zydua khôpa ta, ama moleinazy vâta Abeipa cha a hia patliasa ei ta.

ZAWBÂ 21:30

Moleipa cha chhiena noh liata pahlôhpa châ ta, Pathiiana noh liata pachhapa ta a y ama tahpa thei veih ei chi ma?

ZAWBÂ 3:15

Ngôh a hneipa beisawzy, Ama o tâkâ ta a pabiepazy, Hezy hnohna heta a vaw môpa ta ei pahâ ha awpa tlai!

HLAZY 78:58

Ama su sâhpazy vâta a hie pahâh ei ta, Ama khazoh nothlahpazy vâta hiatliapa ta ama paysa.

HLAZY 79:5

Hy Abeipa, khati taih ma a châ aw tly? Chhâzaw ta ma na hie a hâh thlâh ha aw? Na hiatliana cha mei hawhta ma a kâ aw?

BIESOZY 11:4

Hiehâhna noh liata cha, Hneirôna ta phahnaina hnei khao leipa ta; Siana deikua ta cha, Thina tawhta a pachha tyh.

BIESOZY 18:11

Chyhsa hneirôhpa sôh cha â bohna khihpi thokhy châ ta, Thokhy a sâhpa hawhta a mothlaw liata a y tyh.

ISAI 1:24

Chavâta Abeipa, Pheisaihzy Abeipa, Izarei Thatlôpa ta hetana heta a tah: “Âh, ei chariahpazy papai aw na ta, Ei khakhaipazy chô liata phuh ei la aw.

ISAI 10:17

Izarei khaihna cha mei châ aw ta, A Mo Pathaihpa cha mei palei a châ aw; Chatanachata a diahsai nata ahlohzy cha, Noh kha ta a kâ patlô khai aw.

ISAI 10:3

Lâhlapi tawhta chhiena vaw tlôna noh, Hriena noh liata khâpa ma nama tao aw? Baona hia awpa ta ahy lâ namâ râ aw? Khataih liata ma nama sôh nata thih nama siesai aw?

ZEREMIAH 7:20

Chavâta Abeipa Zehôvâh ta hetana heta a tah: He su chô liata ei hiehâhna nata ei pathiiana patlai thlu aw na ta, chyhsapa, râhsa, lyurâhpa thozy nata chhaohlei theizy kâ khai aw ta, pachhai theipa châ aw vei.”

ZEREMIAH 7:34

Zudâh khihpizy liata nata Zerusale khiliahzy liata palaona pyu, thaphana pyu, myuhneituhpa ao nata myuhthieh ao zy chalihsa khai ha aw na ta, râh cha roryhrapa ta a y aw.

ZEREMIAH 9:11

“Zerusale cha raona â pachopa khihpi ta tao aw na ta, Savaizy tlaihna su ta ei tao aw. Zudâh khihpizy cha roryhrapa ta tao aw na ta, Khihsawzy y khao aw veih ei,” Abeipa ta a tah.

EZEKIA 16:38

Chanô â pheipa pachiapa hawhta cha pachia aw na ta, thisaih a palopa pachiapa hawhta ei cha pachia aw. Chatanachata hiehâhna nata hiatliana thisaih maoh cha na chô liata ei patlôsa aw.

EZEKIA 23:25

Ei hiatliana na chô liata patlôsa aw na ta, hiehâh ngaitapa ta na chô liata hmo ama tao aw. Na hnapasuzy nata na nakhaohzy chhawh pathlah aw ei ta, a laibâhpazy zaozi ta ama pao aw. Na sawchapawzy nata na sawchanôzy cha lapa aw ei ta, a laibâhpazy cha mei ta a kâsao aw ei.

EZEKIA 7:11

Nôchhiena cha kaw pitloh ta, moleina chôchahrei lâta â lie haw. Ahy hmahta y khao leipa aw ei ta, ama zawpi nata ama hneirôna zy y khao hra leipa aw ta, ama hry liata hmo sôhpazy chhao y tlâ khao aw vei.

EZEKIA 7:19

Ama tâkâzy khiliah liata thy aw ei ta, ama ngôhzy chhao, hmo pathaih leipa hawhta a châ aw. Ama tâkâ nata ngôhzy ta Abeipa hiehâhna noh liata âmo pachha thei aw vei. Ama nodi papai thei leipa aw ta, ama py pabie aw vei. Tâkâ nata ngôh cha, moleina liata ama pao nawpa lâta âmo â chhi tyhpa deita a châ.

EZEKIA 7:5

“Abeipa Zehôvâh ta hetana heta a tah: Chhiena! Chhiena sai! Moh teh, chhiena a vaw tlô.

ZEPHANIA 1:11

Nâmo, sôdaohna su liata a pahrâpazy saih u, A rôh teh u; Sôhpaliepa zydua y khao leipa ei ta, Tâkâ a pathliahpa zydua ama leidia khai haw.

ZEPHANIA 1:15

Cha noh cha hiehâhna noh châ aw ta, Nôpona nata pachârôhna noh a châ aw; Raona nata roryhrana noh châ aw ta, Zohna nata thohna noh a châ aw; Meihdo achhohna noh châ aw ta, Zoh kaluhna noh a châ aw.

ZEPHANIA 2:2

Noh taihpa vaw tlô hlâta, Cha noh cha sâh sihpa hawhta â zaw hlâta, Abeipa hiehâhna rupa nama chô liata a tlô hlâta, Abeipa ruchhôna noh nama chô liata a vaw tlô hlâta, A hmaohpakhy teh u.

ZEPHANIA 3:8

Chavâta pachia awpa ta Ei duah nawpa noh vaw hâ teh u,” Abeipa ta a tah. “Phopizy pahmaoh aw na ta, Khinarâhzy ei awpakhy aw; Ei hiehâhna lei thlu aw ei na ta, Ei pathi sah ngaitapa ei lei thlu aw ei; Biechhâna ei tao haw. Ei hiatliana mei ta Khizaw zydua a kâ khai aw.”

MATHAI 16:26

Chyhsa ta khizaw he a pôhpalôhpa ta hnei sala, a thlahpa a pahlei tlôh khiahta cha, a châta khâpa a phahnai aw? Cha leipa chhao ta, chyhsa ta a thlahpa vyuhpa ta khâpa a pie aw?

1 KAWRINI 10:22

Abeipa cha a hia patliasapa ta, a hie pahâh eimâ chhuah mâ? Ano hlâta eima tha a tlô via mâ?

RYHPACHANEINA 31:17

Cha noh ta ama chô liata ei pathi ia aw ta, ei pathlua aw ei. Âmo tawhta ei hmia nyu aw na ta, pahleipadiapa ama châ aw. Hmo pha leipa nata nôpona hluhpi ama chô liata tlô aw ta, cha noh ta, ‘Eima Khazohpa eima hnohta a y leipa vâta, he hmo pha leipa he eima chô liata a vaw tlôpa châ vei ma?’ ama tah aw.