ZEPHANIA 1:15 - Mara Bible RV (BSI)

¹⁵ Cha noh cha hiehâhna noh châ aw ta, Nôpona nata pachârôhna noh a châ aw; Raona nata roryhrana noh châ aw ta, Zohna nata thohna noh a châ aw; Meihdo achhohna noh châ aw ta, Zoh kaluhna noh a châ aw.

ZEPHANIA 1:15 ပူးပေါင်းရင်းမြစ်များ

ISAI 13:9

“Moh teh u, Abeipa noh a vaw tlô hai, Ngiachhiena a hnei leipa noh châ ta, Pathiiana nata hiehâhna ru ngaitapa noh a châ. Râh cha roryhrapa ta paysa aw ta, A chhôh liata moleipazy a pahleipadia khai aw ei.

ISAI 22:5

Pheisaih Abeipa Zehôvâh noh cha, Aluahna saikao liata vaw tlô aw ta; Cha noh cha tymâna noh châ aw ta, Tlypâna nata nôpona noh a châ aw; Thokhy paraona noh châ aw ta, Tlâhpizy awsaona noh a châ aw.

ISAI 8:22

Alei lâ moh aw ei ta, nôpona nata zohna nata pachârôhna zohmyhna ta a biepa hmô aw ei ta, zohna chha kaluhpa liata thypa ama châ aw.

ZEREMIAH 30:7

Cha noh rônahzie rimâ cha! Cha noh a lyupa rai y veih ei; Zakaw nôpona noh châ ta, Châhrasala cha tawhtapa cha pachhapa ta a y aw.

ZÔELA 2:11

Abeipa cha a pheisaihzy hmiakô liata ao papua ta, A riehmo a lai ngaita; Ano cha hmotaotheipa châ ta, A bie a patlôpa a châ. Abeipa noh cha rônah ta, A rarôh y ngaita; Cha noh cha ahy ma a tao thei aw?

ZÔELA 2:2

Zohna nata zoh myhna noh châ ta, Meihdo a chhohpa nata zoh kaluhna noh a châ. Avyhpa ta khupa hawhta, Phopi thatlôpa nata maluh hluh ngaitapa ta Tlâhpizy cha a khu khai haw. Cha hawhpa cha y beih leipa ta, Chhâ vaw y awpa zydua liata chhao y heih khao aw vei.

ZÔELA 2:31

Abeipa noh rônahpa nata rarôh ypa a vaw tlô hlâta, Noh cha zohna lâta a lie aw ta, Thlâpâ chhao thisaih lâta â lie aw.

ZEPHANIA 1:18

Abeipa hiehâhna noh liata cha, Ama tâkâ ta âmo pachha thei leipa aw ta, Ama ngôh ta âmo pachha thei aw vei; A hiatliana mei ta râh zydua kâ khai aw ta, Alei liata a pahrâpa zydua chô liata Eikhapi ta chhâna noh a patlôsa aw.

ZEPHANIA 2:2

Noh taihpa vaw tlô hlâta, Cha noh cha sâh sihpa hawhta â zaw hlâta, Abeipa hiehâhna rupa nama chô liata a tlô hlâta, Abeipa ruchhôna noh nama chô liata a vaw tlô hlâta, A hmaohpakhy teh u.

MATHAI 24:29

“Cha nohzy liata rietheipasana a y khaipata nahta, noh pazohsapa châ aw ta, thlâpâ khaih khao leipa aw ta, avâ tawhta awhsizy tla aw ta, avâ hmotaotheinazy cha chalyupa ta a y aw.

RAWMA 2:5

Na palôh kuhchhana nata ro khoh leina vâta, hiehâhna noh, Khazohpa pachiana siapa â vaw luahna noh châta, nâmasasyh ta hiehâhna nâ pachôpakhy.

RYHPACHANEINA 28:52

“Nama râh chhôh zydua liata nama ngâpa thokhy a sâhpa nata a ipazy ama pacho khai hlâlei nama khihpi zydua liata cha dôh aw ei ta, Abeipa nama Khazohpa ta râh a cha piepa liata nama khihpi zydua lia tlai ta ama cha dôh aw.

2 PITY 3:7

Châhrasala cha bie lilaw chata tahmâno ta avâ nata alei a ypazy he mei châta pachô ta, Khazohpa a uasa leipazy pachiana nata leidiana noh a tlô hlâlei â pakhei chy ei.

BIEPHUAH 6:17

Ama hiehâhna noh rarôh y ngaitapa vaw tlô ha ta, ahy ma a duah thei aw?” tah ei ta.