ZEPHANIA 1:13 - Mara Bible RV (BSI)

¹³ Ama hmozy hraopa châ aw ta, Ama ozy a rua aw. Ozy sa hra ei sala, Cha liata pahrâ aw veih ei; Kre sadôzy tao hra ei sala, A kresawhti doh aw veih ei,” Abeipa ta a tah.

ZEPHANIA 1:13 ပူးပေါင်းရင်းမြစ်များ

ISAI 6:11

Chatawhcha kei ta, “Hy ei Zibeipa, khati taih ma a châ aw?” tah na ta. Abeipa ta hetana heta einâ chhy: “Khihpizy rao khaipa ta, Khihsawzy y khao leipa ta a y hlâlei; Ozy rua khaipa ta, Râh roryhrapa ta a y hlâlei;

ZEREMIAH 15:13

“Na moleinazy vâta, na râh zydua liata na hneina nata na ryusôhpazy cha, hraona sôh ta a mâ leipa ta pie aw.

ZEREMIAH 17:3

Na râh su to liata su sâhpazy taopa ta moleina hmo na taopazy vâta, lyurâhpa liata tlâhpizy nata na hneirôna nata na ryusôhpazy cha, na chariahpazy hnohta hraona sôh châta ei pie aw ei.

ZEREMIAH 4:20

Raokeina nata raokeina a patho ta, Râh pôhpalôhpa a rao haw. Ei poh ozy eikhapi ta paraopa châ ta, Ei pohraipazy buakha chhôh ta paraopa a châ.

ZEREMIAH 4:7

 nyuna sipopa tawhta chakeibarôhneipa vaw pua ha ta, Râhzy paraotuhpa a vaw pua haw; Na râh roryhrapa ta tao awpa ta, A yna su tawhta a vaw pua haw; Na khihpizy cha khihpi rypa châ aw ei ta, A chhôh liata a pahrâpa y khao aw veih ei.

ZEREMIAH 5:17

Na kôvei nata pati zy nie khai aw ei ta, Na sawchapawzy nata sawchanôzy ama nie khai aw. Na mietaku zawzy nata na viahchao hrizy nie khai aw ei ta, Na kre zôhzy nata na theiku kôzy ama nie khai aw. Nâ ngâchhâpa na thokhy khihpizy tlai chhao, Zaozi ta ama parao khai aw.”

ZEREMIAH 9:11

“Zerusale cha raona â pachopa khihpi ta tao aw na ta, Savaizy tlaihna su ta ei tao aw. Zudâh khihpizy cha roryhrapa ta tao aw na ta, Khihsawzy y khao aw veih ei,” Abeipa ta a tah.

ZEREMIAH 9:19

Zaio tawhta hetana heta chana pyu a vaw pua: ‘Eima rao khai ha na! Eima nozazie rimâ cha! Eima ozy rao khai ha tlôh ta, Eima râh eima puasai awpa a byuh ha hih!’”

CHAPHÔHTUNA 5:2

Eima ryuto râhzy cha chihropazy hnohta piepa châ ta, Eima ozy râh hropazy hnohta piepa a châ ha hih.

EZEKIA 22:31

Chavâta ei ruchhôna ama chô liata lei thlu ei na ta, ei hiehâhna mei ta âmo cha pakâpa ta, ama hrozie hawh tlai ta ama luh chô liata ei lie thlu ha ei,” Abeipa Zehôvâh ta a tah.

EZEKIA 7:19

Ama tâkâzy khiliah liata thy aw ei ta, ama ngôhzy chhao, hmo pathaih leipa hawhta a châ aw. Ama tâkâ nata ngôhzy ta Abeipa hiehâhna noh liata âmo pachha thei aw vei. Ama nodi papai thei leipa aw ta, ama py pabie aw vei. Tâkâ nata ngôh cha, moleina liata ama pao nawpa lâta âmo â chhi tyhpa deita a châ.

EZEKIA 7:21

Ama tâkâ nata ngôh cha, chihropazy ku liata hraona sôh ta piepa châ aw ta, lei chyhsa moleipazy hnohta parupa sôh ta pie aw ei na ta, âmo ta ama papuapalei aw.

EZEKIA 7:24

Ama ozy chhu awpa ta, phopizy hry liata phopi chhie chaipa ei vaw chhi aw. Thatlôpazy apalaina pachhâsa aw na ta, ama su pathaihpazy papuapaleipa a châ aw.

AMÔSÂ 5:11

Dyhchhiepazy tlybai ei chi ta, Sâh chhiezy nama kheipa vâta, Alô khaipa ta ozy sa hra u la, A chhôh lia pahrâ aw veih ei chi; Kre sadô khochhih kawpazy tao hra u la, A kresawhti doh aw veih ei chi.

MIKÂ 3:12

Chavâta nâma vâta, Zaio cha leipalie hawhta paliepa châ aw ta; Zerusale cha raona a pachona su a châ aw; Achhyna o tlâh chhao, Râhmâhpa tlâh lâta â lie aw.

MIKÂ 6:15

Chi tu aw chi ta, Châhrasala hria aw va chi; Ôli saoh aw chi ta, Châhrasala sathaw a thu aw va chi; Kre thei saoh aw chi ta, Châhrasala kresawhti doh aw va chi.

ZEPHANIA 1:9

Cha noh liata, Panana châkeih a zawpakhô tyhpa zydua hrie aw ei na ta, Thachahra hmâna nata dôveina ta ama khazoh o a pabiepazy ei hrie aw ei.

RYHPACHANEINA 28:30

“Lapinô a pahawh aw ei chi ta, chyhsa hropa ta â ziakhei aw. O sa aw ei chi ta, tlôh aw veih ei chi. Kre sadô tao aw ei chi ta, a thei nie aw veih ei chi.

RYHPACHANEINA 28:39

Kre sadô tao aw chi ta, mohôh aw chi ta, châhrasala châkariepa ta nie khai aw ta, a kresawhti doh aw veih ei chi. Kre thei chhao lyu aw veih ei chi.

RYHPACHANEINA 28:51

Cha phopi chata nama sahroh zaw nata nama chhaohlei patheipazy nie khai aw ta, tlokhuh a cha pahleipadia khaina taih ei ta nama sâh, nama kresawhti, nama sathaw, nama viahchao hri nata mietaku zaw zy ama nie khai aw. Nama châta khâpa hmah pahlôh aw vei.