ZEPHANIA 1:10 - Mara Bible RV (BSI)

¹⁰ “Cha noh liata, Nga Chhikao tawhta chana ao a pua aw; Vaih Thieh tawhta pachârohna ao pua aw ta, Tlâhthlôhzy tawhta raona pyu paro ngaitapazy a pua aw.

ZEPHANIA 1:10 ပူးပေါင်းရင်းမြစ်များ

2 SAMUELA 5:7

Châhrasala Dâvi ta Zaio thokhy cha a la haw. Cha cha Dâvi khihpi a châ.

2 SAMUELA 5:9

Dâvi cha thokhy chhôh liata pahrâ ta, cha cha Dâvi khihpi tahpa ta a moh a bi. Milô tawhta pathaopa ta khihpi chhôh zydua cha Dâvi ta thokhy ta dôh ta

2 ABEIZY 22:14

Chatanachata theihthaipa Hikia, Ahikâ, Akabaw, Sâphâ nata Asiah zy cha chysia sona mohôhtuhpa Harhâ sawchapawpa Tikavâ sawchapawpa Sâluh lapinô hrohsonô Huldâ kei chho ei ta. Ano cha â hnai lâta Zerusale liata a pahrâpa a châ.

2 THÂTIHZYRONA 3:1

Sawlawmaw ta Abeipa o cha Zeru­sale khihpi chhôh Môria Tlâh liata sa pathao ta. Cha su cha a paw Dâvi hnohta Abeipa â luahna su, Zebu chyhsa Ôranâ sawhrihmo kha châ ta, Dâvi ta â vaw tlyhpa su a châ.

2 THÂTIHZYRONA 32:22

Cha hawhna chata Abeipa ta Hezekia nata Zerusale khihsawzy cha, Asuria bei Senâkeri ku tawhta nata a chariah zydua ku tawhta pachha ta, amâ ngiahpazy kao to tawhta a tlôkheipa lymâ ei.

2 THÂTIHZYRONA 33:14

Cha hnôhlâ ta Dâvi khihpi notla daih lâta saikao liata thokhy cha khôtho lâ tawhta thokhy hropa ta patho thlu ta, Nga Chhikao angiana liata chhao khôtho lâ tawhta thokhy patho hra ta, Ôphe taihta padôpa ta â sâh ngaitapa ta sa ta. Thokhy a hneipa Zudâh khihpi zydua liata pheisaih hyutuhpazy soh ta.

2 THÂTIHZYRONA 34:22

Chatanachata Hikia nata abei tuapazy cha hrohsonô Huldâ lâ vawh ei ta, abei bie reipa kyh a kei saohiah ei ta. Hrohsonô Huldâ cha Sâluh lapinô châ ta, Sâluh cha Tôkhâ sawchapawpa châ ta, Tôkhâ cha chysiazy vaituhpa Hâsrâh sawchapawpa a châ. Hrohsonô Huldâ cha Zerusale vaih nona liata a pahrâpa a châ.

NEHEMIAH 12:39

Epharai Chhikao, Zesanah Chhikao, Nga Chhikao, Hânane Osâhpa nata Zakha Osâhpa chô lia zy ta sie laih ei ta, Mietaku Chhikao tlôna taihta sie ei ta, Vaituhpa Chhikao liata amâ duah.

NEHEMIAH 3:3

Hâsenâ sawchapawzy ta Nga Chhikao paduapathi ei ta. A tlâhzy pakhâh ei ta, a ochhizy, a hrainazy nata a lâhreizy ama tao.

ISAI 59:11

Chavyhzy hawhta eima zydua ta sâh pi ta, Vachhuhzy hawhta thata eimâ hrô. Adona hâ pi ta, Châhrasala y vei; Pachhana hâ pi ta, Châhrasala miah â hla haw.

ZEREMIAH 39:2

Zedekia abeina kô hrawh hleikhana, thla palihna, cha thla noh chakina noh ta, khihpi thokhy cha su kha liata pacho thei ha ei ta.

ZEREMIAH 4:31

Chanô sawzeihpa chana ao thei na ta, Saw tuapa a sa ngâpa pasataona ao ei thei. Zaio sawchanô ta hu chhâpa ta a kuzy pazawh ta, “Ei hu a po kaw dia! Lianycheihtuhpazy hmiakô liata ei panao haw,” Tahpa ta a chapa pyu ei thei.

EZEKIA 6:13

Tlâh sâhpa to liata zy, tlâh laki to liata zy, tho hrohpa ry to liata nata ôkâ tho buh rôhpa ry to liata zy, ama khazoh nothlahpazy lâta ropahâhpa ama hlâ tyh. Ropahâhpa ama hlâ tyhna su to liata ama maisâh chheipâh ta ama khazoh nothlahpazy hry liata ama ri a zawhpazy ama hmô tita, kei he Abeipa ei châ tahpa ama pahno aw.

AMÔSÂ 8:3

“Cha noh liata cha, Achhyna o hlazy chhao, Chaphôhtuna hlazy lâta amâ lie aw; Athipa ri hluhzie awpa rimâ cha, Su to liata a zawh aw ei ta, A dâh karoh ha aw,” Abeipa Zehôvâh ta a tah.

ZEPHANIA 1:15

Cha noh cha hiehâhna noh châ aw ta, Nôpona nata pachârôhna noh a châ aw; Raona nata roryhrana noh châ aw ta, Zohna nata thohna noh a châ aw; Meihdo achhohna noh châ aw ta, Zoh kaluhna noh a châ aw.

ZEPHANIA 1:7

Zehôvâh Khazohpa hmiakô liata a chalih teh u, Abeipa noh â hnia haw; Abeipa ta atheihna a chhuanoh ha ta, A hruapazy a pathaisa haw.