ZEKARIA 9:9 - Mara Bible RV (BSI)

⁹ Hy Zaio sawchanô, thapha ngaitapa ta y la, Hy Zerusale sawchanô, thata awh teh! Moh tua, na bei cha nâ lâta â vy hai; Mosiapa nata pachhatuhpa a châ; Areisipa ta alâ vaw kiah ta, Alâtaw, alâ panô taw tlai vaw kiah ta â vy.

ZEKARIA 9:9 ပူးပေါင်းရင်းမြစ်များ

1 ABEIZY 1:38

Chatawhcha theihthaipa Zadô, hrohsopa Nâthâ, Zehôdâ sawchapaw­pa Benai, Khere mo nata Pele mozy cha zu ei ta, Dâvi alâ chô liata Sawlawmaw cha pakiasa ei ta, Kihaw lâ a chhi ei ta.

HLAZY 149:2

Izarei cha a Taotuhpa chô liata a thapha sala, Zaio sawzy cha ama Beipa chô liata a ly mawh ei sy!

HLAZY 2:6

“Ei tlâh pathaihpa Zaio tlâh liata, Ei Beipa ei patyusa haw,” a tah aw.

HLAZY 45:1

Ei palôh he bie thlôhpa ta khô pathlah ta, He hla châhzy ta abei cha hla phi na ta, Ei paleih he chârohtuhpa phapa châsôh hawhta a châ.

ISAI 12:6

Hy Zaio sawzy saih u, Nama hry liata a ypa Izarei Mo Pathaihpa cha, Rônah ngaitapa a châpa vâta, Thata awh u la, alypa ta hla sa teh u.”

ISAI 30:6

He he Neke râhsazy kyh chhochhieliena bie a châ: Neke cha nôpona nata thlazohna râh a châ; Chakeibarôhneipa panô puana râh châ ta, Chakeibarôhneipa tôhpa puana râh a châ; Vâzi puana râh châ ta, Parih a zaw theipa puana râh a châ. Cha râh tawhna chata, Ama châta phahnaina a hnei leipa phopi pie awpa ta, Ama hneirônazy cha, Alâzy paphaosa ei ta; Ama ryusôhpazy cha, Râraoseihpazy ky byuhpa liata ama paphaosa.

ISAI 33:22

Abeipa cha miah pachiatuhpa châ ta, Abeipa cha ryhpa miah pietuhpa a châ. Abeipa cha eima bei châ ta, Ano ta miah a pachha aw.

ISAI 40:9

Hy Zaio lâ thâtihpha a tlôkheituhpa y, Tlâh sâhpa lâ khi kiah mah y. Hy Zerusale lâ thâtihpha a tlôkheituhpa y, Hmotaotheina chhaota na ao papua mah y. Chi leipa ta na ao papua la, Zudâh khihpizy hnohta, “Nama Khazohpa he moh teh u!” tah mah y.

ISAI 43:11

“Kei, kei tlai he, Abeipa cha châ na ta, Keima leipa ta pachhatuh hropa rai y veih ei.

ISAI 43:3

Kei he Abeipa na Khazohpa châ na ta, Izarei Mo Pathaihpa ei châ; Châ pachhatuhpa châ na ta, Izi cha nâma chatlaina sôh ta ei pie; Kusi nata Sibâ chhao, Nâma vyuhpa ta ei pie.

ISAI 45:21

Reih u la, nama bie cha a vaw duakhei teh u; A saohiah tua tlai ei sa! Khahlâ tawhta ahy ma a chhochhielie tyh? Hlâno tawhta ahy ma a phuah tyh? Kei, Abeipa he châ va na ma? Keima leipa ta khazoh hropa y veih ei; Kei he Khazohpa siapa nata Pachhatuhpa cha châ na ta, Keima leipa ta ahropa y veih ei.

ISAI 52:7

Thlalôhna bie phuahpa ta, Lôtlâhna bie vaw tlôkhei ta, Zaio pachhana phuahpa ta, Zaio hnohta, “Na Khazohpa ta ryu a reih,” a tahtuhpa, Tlâhzy liata thâtihpha a vaw tlôkheituhpa phei cha, Â ngia ngaita kaw dia!

ISAI 57:15

Moh chônôpa nata cheihchalopa ta hetana heta tah ta, Tlyzaw ta a ypa, a moh Pathaihpa bipa ta hetana heta a tah: “Areisipazy thlahpa pahra ta, Angiapachhipazy palôh pahra awpa ta, Kei he su sâhpa nata su pathaihpa liata pahrâ na ta, Angiapachhipa nata areisipazy hnohta ei pahrâ.

ISAI 62:11

Pachâ teh u, Abeipa ta phuah ha ta, Khizaw kaokih taihta a phuah haw. “Zaio sawchanô hnohta hetana heta tah teh u: ‘Moh teh, na pachhana cha a vaw tlô haw, Lymâ a pie awpa ano liata y ta, Pahleipa a thô nawpa a hmiakô liata a y.

ZEREMIAH 30:9

Abeipa ama Khazohpa nata ama bei châta ei padua awpa Dâvi tlao ama chakao aw,” Pheisaihzy Abeipa ta a tah.

EZEKIA 21:32

Mei liata tipa châ aw chi ta, alei liata na thisaih loh aw ta, a thei thlâh hapa châ khao aw va chi, kei Abeipa ta ei reih haw,’ tah mah y,” tah ta.

HÔSIA 1:7

Zudâh chhôhkha hnohta deikua cha ei kyhpachâna ei palâsa aw. Pahniena pie aw ei na ta, libaw ta tlyma, zaozi ta tlyma, adyuhna ta tlyma, arâ nata a kiahtuhpazy vâta tlyma pahniena châ leipa aw ta, Abeipa ama Khazohpa vâta pahniena a châ aw,” tah ta.

MIKÂ 4:8

“Hy nâ, mietaku zaw o sâhpa, Zaio sawchanô pahrâna tlâh y, Kha hlâta abeina kha nâ lâ vaw tlô heih aw ta, Zerusale sawchanô abeina nâ lâ a vaw tlô heih aw.

MIKÂ 5:2

Nâ, Bethlehe Ephrâthâ y, Zudâh phozy hry liata chyh chaipa châ hra la, Nâma tawhta ei châta Izarei ryureituhpa a vaw pua aw. Ano cha hlâno tawhta a y hapa châ ta, Chhâzaw ta a y kôzawpa a châ.

ZEKARIA 2:10

“Hy Zaio Sawchanô y, awh la, a ly teh! Moh teh, ei vy hai, na hnohta ei pahrâ aw,” Abeipa ta a tah.

MATHAI 1:21

Sawchapaw sa aw ta, a chyhsazy ama moleinazy tawhta a pachha awpa vâta, a moh Zisu na bi aw,” tah ta.

MATHAI 11:29

Ei raopaky a ky u la, kei tawhta a chu teh u. Kei cha areisipa nata palôh nônaipa ei châ. Nama thlahpazy châta apahâna nama hmô aw.

MATHAI 2:2

“Zuzy bei a pihpa cha khataih liata a y? Nochhi lâta ano awhsi hmô pi ta, ano a naoh awpa ta eimâ vy,” tah ei ta.

MÂKA 11:7

Alâtaw cha Zisu lâ a vaw chhi ei ta, ama pohzy ta a ky padia ei ta, Zisu ta alâ cha kiah ta.

LUKA 24:27

Chatanachata Mawsi nata hrohsopa zydua tawhta pathaopa ta, Biehrai liata ano thâtih ropa zydua cha âmo chhopasia lymâ ta.

ZAWHÂNA 1:49

Nâthaniah ta a chhy ta, “Râbai, Khazohpa Sawchapawpa na châ! Izarei Beipa na châ!” tah ta.

ZAWHÂNA 19:15

Âmo ta, “Pahleipadia teh, pahleipadia teh, khaipâ teh!” tahpa ta awh ei ta. Pilâ ta ama hnohta, “Nama Beipa he ei khaipâ aw ma?” tah ta. Theihthai beizy ta a chhy ei ta, “Kaisarâ leipa ta bei hropa hnei ma pi,” tah ei ta.

RYUREITUHPAZY 10:4

Zairâ cha alâ sythôh a kiah tyhpa sawchapaw­ sythôh a hnei. Khihpi sythôh hnei ei ta, chazy cha tanoh taihta Hâvô Zairâ tahpa ta awpa a châ.