ZEKARIA 9:8 - Mara Bible RV (BSI)

⁸ Hrâsiepazy tawhta vaih awpa ta, Ei o liata riehmo ei paryh aw; Chatanachata ama siena lâta tlyma, Amâ liena lâta tlyma, A siehnaopa y khao aw veih ei. Tahmâ cha keima mo tlai ta ei vaih ha awpa vâta, Tlybaituhpa ta sie thlu khao aw vei.

ZEKARIA 9:8 ပူးပေါင်းရင်းမြစ်များ

2 SAMUELA 16:12

Abeipa ta ei chô liata â doleipa ta a hmotaopa he hmô aw ta, tanoh ta ei chô liata chhie a sapa he a phapa lâta Abeipa ta eina thô thei mâh tâh,” tah ta.

2 ABEIZY 19:34

Keima vâta nata nâ chakaotuhpa Dâvi vâta, he khihpi he vaih aw na ta, ei pabohsa aw,” tah ta.

2 ABEIZY 23:29

Zôsia â bei nota, Izi bei Phiraoh Nekô cha Asuria bei a dyuh awpa ta Ufrâti chavah lâ khy ta. Bei Zôsia cha sie ta, Phiraoh Nekô cha Mekidô khih liata a kei duakhâh ta. Phiraoh Nekô ta Zôsia cha hmô ta, a thie haw.

2 ABEIZY 24:1

Zehôki â bei nota Babylaw bei Nebukaneza ta Zerusale siehnao ta, Zehôki cha ano chakaotuhpa ta kô thôh y ta. Cha khai tawhta Zehôki ta Nebukaneza cha a heihsaipa ta, a chariah ha ta.

HLAZY 34:7

Abeipa a chituhpazy cha, A vâlyuhchâpazy ta chadô ei ta; Ama kiapâh liata riehmo paryh ei ta, Âmo cha ama pachha tyh.

HLAZY 72:4

Râhsaw dyhchhiepazy a duakhei sala, Phahlapa sawzy pachhapa ta, Tlybaituhpazy chanaoh mawh sy!

PUASAINA 3:7

Abeipa ta, “Izi râh liata ei phopi a ypazy riethei taozie hmô na ta, ama raihria hyutuhpazy vâta ama awhna ao chhao thei na ta, ama pachârôhnazy ei pahno.

PUASAINA 3:9

Pachâ teh, Izarei sawzy awhpa ao ta ei kô na kaw daih ha ta, cha dei châ leipa ta, Izi mo ta âmo ama tlybaina chhao ei hmô haw.

BIESOZY 3:25

Eikhapi ta chichhihpa a vaw tlô awpa a ngiaroh leipa la, Hmoparaopazy chô liata chhiena a vaw tlô awpa chhao a ngiaroh khah y.

ISAI 26:1

Cha noh liata, he hla he Zudâh râh liata ama sa aw: “Khihpi thatlôpa hnei pi ta, Cha khihpi pachha nawpa ta, Khazohpa ta khihpi cha, Thokhyzy nata diahsuazy ta a chhôh.

ISAI 31:5

Pavawzy ta ama tawzy chô liata ama heihpa hawhta, Pheisaihzy Abeipa ta Zerusale cha a pabohsa aw. Zerusale cha pabohsapa ta pachha aw ta, Pahlôh aw ta a pachha aw.”

ISAI 4:5

Chatawhcha Abeipa ta Zaio Tlâh liata pahrâna su zydua chô liata nata pakhypi a hmâhpa zydua chô liata, nohchhô ta meihdo, zâ ta meikhuh nata meipaleih khaihna a paysa aw. Cha hmo rônahpa zydua chô lâta khuna y aw ta,

ISAI 52:1

Hy Zaio, a hra la, a hra la, Na thatlôna ta a tobi mah y; Hy Zerusale, khihpi pathaihpa, Na chysia a ngiapazy ta a tobi mah y. Tahmâ tawhta cha, Chopawtaileipa nata pathaih leipazy Na chhôh liata a ngia khao aw veih ei.

ISAI 52:12

Abeipa ta hmia châ sahpa aw ei ta, Izarei Khazohpa ta nama hnôh lâ a cha vaih awpa vâ ei ta, A para kawpa ta pua awpa byuh leipa ta, A râ awpa byuh aw vei.

ISAI 54:14

Siana ta paduapa châ aw chi ta, Tlybaina tawhta lâhlapi ta na y bâ awpa vâta, Chi khao aw va chi; Chichhihpa tawhta lâhlapi ta y aw chi ta, Châ hnia khao aw vei.

ISAI 60:18

Thachahra hmâna pyu cha, Na râh liata thei khao leipa aw chi ta; Chhiena nata raona zy chhao, Na râhri chhôh liata thei khao aw va chi. Na thokhy cha Pachhana tah aw chi ta, Na thokhy chhikaozy cha Reithaina na tah aw.

ZEREMIAH 31:12

A vy aw ei ta, Zaio tlâh sâhpa liata hla sapa ta awh aw ei ta, Abeipa phana vâta hmiakai ngaitapa ta ama y aw; Sâh zy, kresawhti zy, sathaw zy vâta Ama hmiakai aw ta; Mietaku dawpa nata viahchao dawpazy vâta Ama hmia a kai kaw aw. Ama hrona cha, Ti pie phapa sadô hawhta châ aw ta, Panao khao aw veih ei.

ZEREMIAH 46:13

He he Babylaw bei Nebukaneza a vy aw ta, Izi râh â dyuh awpa kyh Abeipa ta hrohsopa Zeremiah hnohta a reipa a châ:

ZEREMIAH 46:2

He he Izi kyh châ ta, Zôsia sawchapawpa Zudâh bei Zehôki abeina kô palihna liata, Ufrâti chavah kiah liata Kâkhemi khihpi liata adyuhna y ta, cha liata Babylaw bei Nebukaneza ta Izi bei Phiraoh Nekô pheisaihzy a pahniena kyh a châ:

EZEKIA 39:29

Âmo tawhta ei hmia nyu khao leipa aw na ta, Izarei pathlazy chô liata ei Thlahpa tlao ei hry aw, Abeipa Zehôvâh ta a tah.”

AMÔSÂ 9:15

Ama râh liata loh aw ei na ta, Râh ei piepa tawhta phiapa ta y heih khao aw veih ei,” Abeipa nama Khazohpa ta a tah.

ZEKARIA 12:4

Cha noh liata, arâ zydua ama no pamaoh aw na ta, a kiahpazy chhôh ei pazohsa aw. Zudâh pathlazy chô liata ei mo padeih aw na ta, phopizy arâzy deikua cha ama mo ei pachaosa khai aw ei.

ZEKARIA 12:8

Cha noh liata, Abeipa ta Zerusale liata a pahrâpazy pabohsa aw ta, ama hry liata chyhsa chiehlei chaipazy chhao, cha noh liata cha Dâvi hawhta châ aw ei ta, Dâvi pathlazy cha Khazohpa hawhta châ aw ei ta, ama hmia lâta a siepa Abeipa vâlyuhchâpa hawhta ama châ aw.

ZEKARIA 14:11

Cha liata chyhsa pahrâ aw ei ta, tlokhuh parao awpa ta biepiepa châ khao beih aw vei. Zerusale cha a bohpa ta a y aw.

ZEKARIA 9:7

A pakah tawhta a thisaih thy aw na ta, A hâh tho tawhta hmo pasichhihpazy ei thaoh aw. Ano chhao eima Khazohpa châta laibâhpa châ aw ta, Zudâh chi liata pho kha hawhta a châ aw; Ekaraw chhao Zebu mo hawhta a vaw châ aw.

HMOTAOPAZY 7:34

Izi râh liata ei phopi a ypazy rietheizie hmô na ta, amâ hrôna chhao ei thei haw. Chavâta âmo pachha awpa ta ei zu. A vy teh, Izi râh lâ ei cha tuah aw,’ tah ta.

BIEPHUAH 20:9

Alei chô zydua hrâsie ei ta, mopathaihpazy riehmo nata khihpi kho ngaitapa cha chadô ei ta. Châhrasala avâ tawhta mei za tla ta, a kâ khai ha ei.