ZEKARIA 9:7 - Mara Bible RV (BSI)

⁷ A pakah tawhta a thisaih thy aw na ta, A hâh tho tawhta hmo pasichhihpazy ei thaoh aw. Ano chhao eima Khazohpa châta laibâhpa châ aw ta, Zudâh chi liata pho kha hawhta a châ aw; Ekaraw chhao Zebu mo hawhta a vaw châ aw.

ZEKARIA 9:7 ပူးပေါင်းရင်းမြစ်များ

1 THÂTIHZYRONA 1:14

Zebu mo, Amawri mo, Kikâsi mo,

1 THÂTIHZYRONA 21:15

Zerusale pahleipadia awpa ta Khazohpa ta vâlyuhchâpa tuah ta, châhrasala pahleipadia awpa â chhuah hai nota, Abeipa ta hmô ta, chhiena patlôsa â chhuahpa cha a pathleih haw. Abeipa ta pahleipadiana rai a hria haipa vâlyuhchâpa hnohta, “Â daih haw, na ku hy khao khah y,” tah ta. Abeipa vâlyuhchâpa cha Zebu chyhsa Ôranâ sawhri kiapâh liata a duah ta.

HLAZY 3:7

Hy Abeipa, thyu la, Hy Khazohpa, na pachha mah y. Ei chariahpa zydua ama baih liata chabaih chi ta, Hmoparaopazy hâh na thlo tyh.

HLAZY 58:6

Hy Khazohpa, ama pakah liata hâhzy thlie la, Hy Abeipa, chakeibarôhneipa lochopa naohzy thlie pachhô mah y.

ISAI 65:4

Thlâzy liata a tyuh ei ta, Su dâhthlohpazy liata amâ rie tyh; Vao sa zy nie ei ta, Ama beihzy liata sa pathaih leipazy yna chôta,

ZEREMIAH 48:47

“Châhrasala noh hnôhlâzy liata, Môabâ cha vânoh ei patosa heih aw,” Abeipa ta a tah. Kha rakha kha Môabâ pachiana kyh cha a châ.

ZEREMIAH 49:39

“Noh hnôhlâzy liata deikua cha, Elâmi cha vânoh ei patosa heih aw,” Abeipa ta a tah.

ZEREMIAH 49:6

“Cha khai tawhta deikua cha, Amawna mo cha vânoh ei patosa heih aw ei,” Abeipa ta a tah.

AMÔSÂ 3:12

Abeipa ta hetana heta a tah: “Mietaku vaituhpa ta, Mietaku phei miano tlyma, A nakao chhâ tlyma, Chakeibarôhneipa tawhta a chhu tyhpa hawhta, Samâri liata Izarei sawzy chhao, Rakhô phei nata dyuchhai bâh zy chhaota, Pachhapa ama châ aw.

ZEKARIA 8:23

Pheisaihzy Abeipa ta hetana heta a tah: Cha nohzy liata, râh to nata reih to tawhta chyhsa pahrawhzy ta Zu chyhsa pakha cha a poh pai patupa ta, ‘Khazohpa nama hnohta a y tahpa thei ha pi ta, chavâta nama hnohta bâh sie hra ei suh u,’ ama tah aw.”

ZEKARIA 9:6

Kâpiapazy ta Asadô khih pahrâ aw ei ta, Philistia mo apalaikheipa chhao, Ei chhawh pathlah aw.

ZEKARIA 9:8

Hrâsiepazy tawhta vaih awpa ta, Ei o liata riehmo ei paryh aw; Chatanachata ama siena lâta tlyma, Amâ liena lâta tlyma, A siehnaopa y khao aw veih ei. Tahmâ cha keima mo tlai ta ei vaih ha awpa vâta, Tlybaituhpa ta sie thlu khao aw vei.

KALATIA 3:28

Krista liata cha, Zu tlyma, Krikâh tlyma y leipa ta; sei tlyma, khotalaipa tlyma y hra leipa ta; chapaw tlyma, chanô tlyma y hra vei. Krista Zisu liata cha, nama zydua ta miakha nama châ.