ZEKARIA 9:3 - Mara Bible RV (BSI)

³ Tyre cha thokhy a taopa ta, Dohlei hawhta tâkâ pathlu ta, Khiliah chiatlao hawhta ngôh a pathlu.

ZEKARIA 9:3 ပူးပေါင်းရင်းမြစ်များ

2 SAMUELA 24:7

Tyre thokhy tlô ei ta, Hivi mo nata Kâna mo khih zydua chahryh ei ta, Zudâh chho lâ sie ei ta, Besebâ tlô ei ta.

1 ABEIZY 10:21

Bei Sawlawmaw nyu zydua cha ngôh nyu sai châ ta, Lebanaw Râhmâhpa O liata hmobaoh zydua chhao ngôh suapa ta taopa sai a châ. Tâkâ ta taopa y tlâ vei. Sawlawmaw daihti liata la, tâkâ cha khâpa saw ta reih veih ei.

1 ABEIZY 10:27

Abei ta tâkâ cha alô hawhta pachâna taihta Zerusale liata pachô ta, sidy tho chhao Sephelâ liata theiku tho hawhta hluhpa ta a pachô.

ZAWBÂ 22:24

Ngôhzy dohlei liata pabu la, Ôphi ngôhzy chavah lôzy hry liata na pabu khiahta cha,

ZAWBÂ 27:16

Dohlei hawhta tâkâ pachopa ta, Beihlei hawhta chysia pathlu hra sala,

ZAWBÂ 3:15

Ngôh a hneipa beisawzy, Ama o tâkâ ta a pabiepazy, Hezy hnohna heta a vaw môpa ta ei pahâ ha awpa tlai!

ISAI 23:11

Abeipa ta tilaipi chô liata a ku pazawhpa ta, Abeinarâhzy chalyu ta; Kâna thokhyzy parao awpa ta, Bie a pie haw.

ISAI 23:8

Ahy ma beilakhozy a pakhosatuhpa Tyre chô liata He hmo he tao a chhuah tly? Tyre sôdaohpazy cha beimachâzy châ ei ta, Cha liata sôhpalietuhpazy chhao, Lei chyhsa zachhihpazy mah ama châ tâh.

EZEKIA 26:12

Na hneirônazy cha hrao aw ei ta, na sôhpalienazy ama cha chhu khai aw. Na thokhyzy pacho aw ei ta, na o phapazy ama parao khai aw. Na tho nata lô nata lei phapa zy ti liata ama thy aw.

EZEKIA 27:27

Na paona noh liata cha, Na hneirônazy nata na hmobaohzy nata na sôhdaohnazy, Na balyh pheisaihzy nata na balyh haohtuhpazy, Na balyh taotuhpazy nata na sôdaohpazy, Nâ liata a ypa na pheisaih zydua, Na balyh liata hriatuhpa zydua nata na chhôh liata a ypa zydua cha, Tilaipi chhôh liata pamôhpa ama châ aw.

EZEKIA 27:33

Na hmozy tilaipi tawhta a vaw tlô tita, Phopi hluhpi lôhrâ na patlô tyh; Na hneirôna nata na sôdaohna hluh ngaitapazy hmâpa ta, Lei beizy na pahneirôhsa ei.

EZEKIA 27:34

Tahmâ deikua cha, Tilaipi liata paraopa châ chi ta, Ti athupazy liata na rao haw; Na hmozy nata na balyh liata hriatuhpa zydua chhao, Na hnohta ti ry lâ amâ ngua khai haw.

EZEKIA 28:1

Abeipa bie ei hnohta vaw tlô ta:

AMÔSÂ 1:9

Abeipa ta heta na heta a tah: “Tyre moleina miathôh vâta, Âh, miapalih vâ chhao rai ta, Hriena chalihsa aw va na; Phopi pôhpalôhpa Edômâ lâ hlâ ei ta, A unawhna biehrai amâ thei khao leipa vâta.

ZAWSUA 19:29

Cha tawhna chata râhri cha Râmâ lâta pako ta, thokhy hneipa Tyre khihpi lâta sie ta, cha tawhna chata Hôsâ lâta pako ta, Akazi râh tilaipi liata a chhâ.