ZEKARIA 9:14 - Mara Bible RV (BSI)

¹⁴ Abeipa ama chô liata a vaw luah aw ta, A châtai dôhla hawhta a pathli aw; Abeipa Zehôvâh ta chiahmie tô aw ta, Chho khisôzy chhaota hrâ a sie aw.

ZEKARIA 9:14 ပူးပေါင်းရင်းမြစ်များ

ZAWBÂ 37:9

Chho lâ tawhta thlihpipa kaw pathli ta, Maw lâ tawhta ziza chakuapa a za pathli.

HLAZY 18:14

A châtaizy kapa ta âmo cha papai ta, Dôhlazy chakeihsa ta â chadaipai ha ei.

HLAZY 18:15

Hy Abeipa, na rana vâta, Na hnapasu tawhta hu a puapa ta, Tilaipi chaozy hmô theipa châ ta, Khizaw abônazy â lâ khai.

ISAI 18:3

Khizaw chyhsa zydua saih u, Alei chô liata a pahrâpa zydua saih u, Tlâhpizy liata ngiana poh ama chaluah tita moh u la, Chiahmie ama tô tita nathlie muh vy!

ISAI 21:1

He he tilaipi kiah râhchawhpa kyh chhochhieliena bie a châ: Khisô ta Neke a chanaohpa hawhta, Chariahpa cha râhchawhpa tawhta a vy ta, Râh chichhihpa tawhta â vy.

ISAI 27:13

Cha noh liata, chiahmie lai ngaitapa tôpa châ aw ta, Asuria râh liata a leipazy nata Izi râh lâta papuapazy a vy aw ei ta, Zerusale liata tlâh pathaihpa liata Abeipa amâ chhy aw.

ISAI 30:30

Chatawhcha hiehâhna ru ngaitapa nata meipaleih a kâ ngâpa hry liata nata, thlihpi nata vâsua nata pareih hry liata, Abeipa ta a ao rônahpa cha thei thei awpa ta papua aw ta, a ku pathlapa cha hmô thei awpa ta a tao aw.

ISAI 31:5

Pavawzy ta ama tawzy chô liata ama heihpa hawhta, Pheisaihzy Abeipa ta Zerusale cha a pabohsa aw. Zerusale cha pabohsapa ta pachha aw ta, Pahlôh aw ta a pachha aw.”

ISAI 66:15

“Moh teh u, a pathiiana lei thlupa ta, Meipaleih ta chhorei awpa ta, Abeipa cha mei chhaota vaw tlô aw ta, A talailihzy cha khisô hawhta a châ aw.

HABAKU 3:11

Na châtai a zawpa nata asei patliepa khaihnazy liata, Noh nata thlâpâ zy ama yna su liata amâ duah.

HABAKU 3:14

Nâ chadaipai awpa ta khisô hawhta a vypa a pasaiphazy, Rietheipazy arulâta palâpa amâ lyna a châpazy cha, Ano châtaizy tlai ta ama luhzy na ka pahlie haw.

ZEKARIA 12:8

Cha noh liata, Abeipa ta Zerusale liata a pahrâpazy pabohsa aw ta, ama hry liata chyhsa chiehlei chaipazy chhao, cha noh liata cha Dâvi hawhta châ aw ei ta, Dâvi pathlazy cha Khazohpa hawhta châ aw ei ta, ama hmia lâta a siepa Abeipa vâlyuhchâpa hawhta ama châ aw.

ZEKARIA 14:3

Cha khai tawhta Abeipa cha vaw pua aw ta, adyuhna noh liata â dyuh tyhpa hawhta, phopizy cha â dyuh aw ei.

ZEKARIA 2:5

keima tlai he Zerusale châta mei thokhy châ aw na ta, a chhôh liata a rônahna ei châ aw,’ Abeipa ta a tah tahpa ta kei chho teh,” tah ta.

MATHAI 24:31

Chiahmie paro ngaitapa chhaota a vâlyuhchâpazy tuah aw ta, âmo chata â tlyhpazy cha kaokih miapalih tawhta pakhy aw ei ta, avâ chy chhâna tawhta hiakha lâ chhâna taihta ama pakhy aw.

MATHAI 28:20

bie ei cha piepa zydua ei kha zyh awpa ta pachu teh u. Nathlie teh u, nama hnohta ei y thlâh ha aw, khizaw chhâna taih ta,” tah ta.

RAWMA 15:19

Krista thâtihpha chakaona rai cha, ngiana nata hmonoâhpa hmotaotheina nata Khazohpa Thlahpa hmotaotheina zy hmâpa ta, Zerusale nata a chheipâhzy tawhta Eliriku râh taihta ei chho khai haw.

HEBRAI 2:4

Khazohpa chhao ta ngianazy, hmonoâhpazy nata hmotaotheina to ta nata a khozie hawhta Thlahpa Pathaihpa hmopiepazy piepa ta a pahnokhei.

ZAWSUA 10:42

Abeipa, Izarei Khazohpa ta Izarei cha â dyuhkheipa vâta, cha bei zydua nata ama râhzy cha Zawsua ta ei kha ta a la khai thei ha ei.

BIEPHUAH 6:2

Kaw moh na ta, arâ râhpa hmô na ta. A chô liata a kiahpa cha libaw a chaba ta, a hnohta lakho piepa châ ta, pahnietuhpa châ awpa nata pahnie lymâ awpa ta pua ha ta.