ZEKARIA 9:12 - Mara Bible RV (BSI)

¹² Hnabeiseihna a hneipa atâhpazy saih u, Nama thokhy lâ kua teh u; Tanoh tlai ta ei phuah, A lie no ta ei cha thô aw ei.

ZEKARIA 9:12 ပူးပေါင်းရင်းမြစ်များ

ZAWBÂ 42:10

Zawbâ cha a viasazy châta thlah a chhâ khai nahta, Abeipa ta Zawbâ cha a hneirôna vaohei heih ta. Abeipa ta Zawbâ cha kha hlâta a hneipa hlâta a lie no ta pie ta.

ISAI 24:22

Atâhpazy hawhta khaohtlô liata pahmaohpa ta, Patâhna o liata khôpa châ aw ei ta, Noh hluhpi a sie tawhta hriepa ama châ aw.

ISAI 38:18

Chavâta Athihkhih ta cha reithai thei leipa ta, Thina ta cha palyupalih thei vei. Khaohtlô lâ a zupazy ta cha, Na ngâchhihna hnabeiseih thei veih ei.

ISAI 40:2

Zerusale cha bie pha a chho u la, A hnohta, Â dyuhna chhâ ha ta, A paraona a ngiahthaipa a châ haw; A moleina zydua vyuhpa ta, Abeipa ku tawhta a lie no ta a hmô haw, Tahpa ta chho teh u.

ISAI 49:9

Chatanachata atâhpazy hnohta, ‘Pua teh u,’ tah aw ei chi ta, Zohna liata a ypazy hnohta, ‘A vaw luah teh u,’ nama tah aw. Lâpizy liata ama lao bâ aw ei ta, Aw tlâhzy cha ama tlaihna a châ aw.

ISAI 52:2

Hy Zerusale, thyu la, Dohlei châ baipa kha chatho la, Na beidyuchhai liata a tyuh teh! Hy Zaio sawchanô sei ta a tâhpa y, Na rao liata bâlia nâ kypazy kha pathlâ mah y.

ISAI 61:7

Nama nozana vyuhpa ta, Tovyuh a lie no ta to aw ei chi ta; Nohzaona vyuhpa ta, Ama tovyuh liata amâ ly aw. Chavâta ama râh liata tovyuh a lie no ta hnei aw ei ta, Chhâzaw lyna ama hnei aw.

ZEREMIAH 14:8

Hy Izarei hnabeiseihpa, Nôpo nota ano pachhatuhpa y, Khazia râh liana heta chihropa hawhta y aw chi ta, Zâ kha rie ta a chapiapa khichhaipa hawhta na y aw?

ZEREMIAH 16:19

Hy Abeipa, ei thatlôna nata ei thokhy, Nôpona noh liata ei chhai tyhpa y, Phopizy khizaw kaokih tawhta nâ lâ a vy aw ei ta, Hetana heta ama tah aw: “Haipa biezy tah leipa ta cha, Miah pathlatuhpazy ta khâpa ryu hmah to leipa ei ta; Athôhna a hnei leipa hmo phahnai leipazy tah leipa ta cha, Khâpa ryu hmah to veih ei.

ZEREMIAH 17:13

Hy Abeipa, Izarei hnabeiseihpa y, Châ siesaipa zydua cha maophyuh aw ei ta, Châ tleisaipazy chhao, Abeipa, hrona tihnawh ama siesaipa vâta, Dohlei liata moh ropa hawhta ama leidia aw.

ZEREMIAH 31:17

“Na hmialâ daihti châta hnabeiseihna a y, Na sawzy ama râh lâ ama vaw kua heih aw,” Abeipa ta a tah.

ZEREMIAH 31:6

Epharai tlâh râh liata vaituhpazy ta, ‘Thyu teh u, Zaio lâ sie ei sih la, Abeipa eima Khazohpa lâ sie ei suh u,’ Ama tahna nohzy a vaw tlô aw.”

ZEREMIAH 50:28

“Abeipa eima Khazohpa phuh lana kyh Zaio liata phuahpa ta, Achhyna o phuh lana kyh phuah awpa ta, Babylaw râh tawhta a vaw râpazy ao nathlie u la, Riahnyupazy ao nathlie teh u.

ZEREMIAH 51:10

Abeipa ta thai miah pachâsa ha ta, A vy u la, Abeipa eima Khazohpa hmotaopa cha, Zaio liata phuah suh u.

EZEKIA 37:11

Chatawhcha ei hnohta, “Chyhsa sawchapawpa y, he ruzy he Izarei pathlazy ama châ hih. Pachâ teh, Izarei pathlazy ta, ‘Eima ruzy chawhkaraipa ta, eima hnabeiseihna lei khai ha ta, chhawh pathlahpa ta eima y haw,’ ama tah.

HÔSIA 2:15

Cha liata a kre sadôzy pie pakhua aw na ta, Akhaw Saikao cha, Hnabeiseihna ochhi ta ei tao aw. A thyutlia daihti hawhna khata, Na chyh-ei heih aw ta; Izi râh tawhta a kaw puana no hawhna khata, Eina chyh-ei heih aw.

ZÔELA 3:16

“Abeipa cha Zaio tawhta a rôhpa ta, Zerusale tawhta ao papua ta, Alei nata avâ amâ chalyu. Châhrasala Abeipa cha, A phopi châta amâ chhaina châ ta; Izarei sawzy châta ama thokhy a châ.”

MIKÂ 4:8

“Hy nâ, mietaku zaw o sâhpa, Zaio sawchanô pahrâna tlâh y, Kha hlâta abeina kha nâ lâ vaw tlô heih aw ta, Zerusale sawchanô abeina nâ lâ a vaw tlô heih aw.

NÂHU 1:7

Abeipa cha pha ta, Nôpona noh ta thokhy a châ; Ano liata chhaipazy a pahno ei.

HEBRAI 6:18

Chatanachata hmo anano beih leipa miano vâta, haipa bie rei awpa cha Khazohpa châta hmo thei leipa châ ta, a boh awpa ta ano lâ a râpazy pi heta eima hmiakô liata hnabeiseihna sopa cha thlalôhpa ta eima hnei thei aw.

HEBRAI 6:19

Cha hnabeiseihna cha eima hro a-ina nata abohna châta eima balyh thuacha-ia ta hnei pi ta, pohraipa chhôhchaipa lâ a ngiatuhpa hnabeiseihna a châ.