ZEKARIA 9:11 - Mara Bible RV (BSI)

¹¹ Nâma kyh liata chhao, Na hnohta ei hraipa ei biehrai thisaih vâta, Na chyhsa atâhpazy cha, Ti y leina khaohtlô tawhta ei thaoh papua aw ei.

ZEKARIA 9:11 ပူးပေါင်းရင်းမြစ်များ

2 SAMUELA 13:13

Kei he ei noh vaw zao ha sala, ahy hnohta ma ei tlôkhei khao aw? Nâ chhao, Izarei liata chyhsa hrupa ta pachâpa na châ aw mâh tâh. Chavâta tahmâ, ngiachhiepa ta abei chho mah y, eina hnei awpa chi cha paryhsa leipa ta y aw vei,” tah ta.

2 THÂTIHZYRONA 7:17

Nâ chhao, na paw Dâvi hawhta ei mohmô liata y la, bie ei cha piepa zydua tao la, ei bieraopazy nata ei pachianazy na zyh khiahta cha,

ZAWBÂ 33:30

A thlahpa khaohtlô tawhta a chhi pakhua heihpa ta, Hrona khaihpa ta a chô liata a khaih thei nawpa ta, Cha hmo cha a taopa a châ.

HLAZY 30:3

Hy Abeipa, Athihkhih tawhta ei thlahpa thaoh papua chi ta, Khaohtlô lâ a zupazy tawhta ei hrona na pahro heih.

HLAZY 40:2

Leidiana khaohtlô tawhta na thaoh ta, Chiatlao kiapa tawhta na thaopa ta, Ei pheizy lôpanô chô liata soh ta, Ei lâsie a pabohsa.

HLAZY 69:33

Abeipa ta phahlapazy ao thei ta, A phopi atâhpazy mohnao vei.

PUASAINA 24:8

Mawsi ta thisaih la ta, zawpizy chô liata thia ta, ama hnohta, “Moh teh u, he he biehrai thisaih a châ. Abeipa ta he bie zydua hmâpa ta nama hnohta bie a hraih haw,” tah ta.

ISAI 24:22

Atâhpazy hawhta khaohtlô liata pahmaohpa ta, Patâhna o liata khôpa châ aw ei ta, Noh hluhpi a sie tawhta hriepa ama châ aw.

ISAI 42:22

He phopi deikua he cha, Hrao hapa phopi châ ei ta; Ama hmo ama la hapa phopi ama châ. Ama zydua ta khaohtlô liata pathla ei ta, Patâhna o liata ama nyu. Pachhatuh a hnei leipa hraona sôh lâta a lie ei ta, “Pie pakhua ha teh u,” a tah awpa a hnei leipa Parupa sôh lâta amâ lie haw.

ISAI 42:7

Mochaopazy mo pavâsa aw chi ta, Atâhpazy na papua aw ei; Âmo cha lei ry patâhna o tawhta papua aw chi ta, Patâhna o zohpa tawhta na papua aw ei.

ISAI 49:9

Chatanachata atâhpazy hnohta, ‘Pua teh u,’ tah aw ei chi ta, Zohna liata a ypazy hnohta, ‘A vaw luah teh u,’ nama tah aw. Lâpizy liata ama lao bâ aw ei ta, Aw tlâhzy cha ama tlaihna a châ aw.

ISAI 51:14

Alei lâ a khu thlâh hapa atâhpa cha thlai papuapa châ aw ta, Thipa ta khaohtlô lâ zu leipa aw ta, Niedo chhao a phahla aw vei.

ISAI 58:12

Bohpi a ry hapa na khihpizy cha, Paduapathipa châ aw ta; Chhâ hluhpi ta ama bôpa lôbô a cho hapazy chhao, Na padua heih aw. Araopa a taopathituhpa cha tah aw ei ta, Pahrâna lâlaizy a paduapathituhpa ama cha tah aw.”

ISAI 61:1

Dyhchhiepazy hnohta thâtihpha chho awpa ta, Abeipa ta sathaw eina thupa vâta, Abeipa Zehôvâh Thlahpa cha ei chô liata a y. Palôh keichheihpazy patlâh awpa ta na tuah ta, Seizy hnohta puana bie phuah awpa ta eina tuah. Mochaopazy mopavâna bie phuah awpa ta na tuah ta, Atâhpazy puana bie phuah awpa ta eina tuah.

ZEREMIAH 38:6

Chatanachata Zeremiah cha a chhi ei ta, vaituhpazy dôhpachhôh tlyhmia liata a ypa abei sawchapawpa Mâkia khaohtlô liata chaori ta pathliahpa ta pathla ei ta. Khaohtlô liana cha ti y leipa ta, chiatlao sai châ ta, Zeremiah cha chiatlao liana cha za tla ta.

DÂNIAH 2:29

“Hy abei y, rakhô liata nâ zia thlâh ha nota, hmo a vaw tlô awpazy pachâ chi ta, bienyupa a palâhâhtuhpa ta hmo a vaw tlô awpazy cha a cha pahnosa.

MATHAI 26:28

He he ei thisaih, moleinazy a ngiahthai nawpa ta, chyhsa hluhpi châta a lohpa biehrai thiehpa a châ.

MÂKA 14:24

Zisu ta ama hnohta, “He he ei thisaih, chyhsa hluhpi châta a lohpa biehrai thiehpa a châ.

LUKA 16:24

Hneirôhpa cha awh ta, ‘Ei paw Abarahâ y, na ngiachhie la, Lâzarâh kha a kudy pawhmao ti liata ny sala, ei paleih chakuasa awpa ta na vaw tuapa mah y. Meipaleih liana heta ei pasa ngaita,’ tah ta.

LUKA 22:20

Cha hawhna hra chata, zâ pati ama nie khai nahta, nyu cha la ta, “He nyu, nama châta patlaipa he ei thisaih liata biehrai thiehpa, nama châta a lohpa a châ.

LUKA 4:18

“Abeipa Thlahpa cha ei chô liata y ta, Dyhchhiepazy hnohta thâtihpha chho awpa ta sathaw eina thu. Atâhpazy hnohta puana bie chho ta, Mochaopazy mopavâsa awpa ta na tuah ta, Tlybaipazy khotalaina pie ta,

1 KAWRINI 11:25

Cha hawhna chata, zâpati ama nie khai nahta, nyu la ta, “He nyu he ei thisaih liata biehrai thiehpa cha a châ. Nama dona maihta einâ thei thlâh ha nawpa ei chi ta, he he tao tyh muh vy,” tah ta.

RYHPACHANEINA 5:31

Nâ deikua cha ei kiapâh liata a duah la, hnei awpa ta râh ei piepa liata tao awpa na pachu awpa biepiepa, bieraopa nata pachiana zydua ei cha chho aw,’ tah ta.

HEBRAI 10:2

Chata châ leipa sala, achhytuhpazy cha ei kha pathaisapa ama châ ha tawhta cha, molei a pahnona hnei khao leipa aw ei ta, atheihna ama hlâ tyhpa cha pachhâsa ha aw veih ei ma?

HEBRAI 10:29

Khazohpa Sawchapawpa tlypâ ta, ano pathaisana biehrai thisaih papuapaleipa ta, ngiachhiena Thlahpa ru a pachhôpa cha, kha tluta hriena tha viapa to sala nama pangiasa?

HEBRAI 13:20

Tahmâ he thlalôhna Khazohpa, eima Beipa Zisu athihpa hry tawhta a pahro heihpa, chhâzaw biehrai thisaih vâta mietaku vaituhpa rônahpa ta

BIEPHUAH 20:3

Leichiepa khaohtlô liata za thy ta, kô sâh kha a tloh hlâlei phopizy a dôvei khao lei nawpa ta, khaohtlô cha khawhlôh ta, pachawhpâ ha ta. Cha khai tawhta bohpi leipa chhôh pathlie chypa a châ aw.