ZEKARIA 8:7 - Mara Bible RV (BSI)

⁷ Pheisaihzy Abeipa ta hetana heta a tah: Moh teh u, ei phopi cha nochhi râh nata notla râh zy tawhta pachha aw ei na ta,

ZEKARIA 8:7 ပူးပေါင်းရင်းမြစ်များ

NEHEMIAH 1:9

kei lâ vaw kuapa ta, ei biepiepazy zyhpa ta nama tao khiahta deikua cha, avâ chy chhâna taihta papuapa châ hra u la, cha tawhta châ chhi pakhy aw ei na ta, ei moh y nawpa ta ei tlyhpa su lâ ei châ chhi heih aw ei,’ tahpa ta bie na piepa kha, rie a thei mah y.

HLAZY 113:3

Noh chhina tawhta noh tlana taihta, Abeipa moh cha reithaipa ta y mawh sy!

HLAZY 147:2

Abeipa ta Zerusale padua ta, Izarei phopi hiepatlapazy a pahmaohpakhy heih ei.

HLAZY 50:1

Abeipa, Khazohpa Atotaotheipa ta bie reih ta, Noh chhina tawhta noh tlana taihta, Leilô zydua a awpakhy.

ISAI 49:12

Moh teh u, lâhlapi tawhta ei phopi amâ vy huh; Maw lâ tawhta a vy ei ta, Notla lâ tawhta a vy ei ta, Sini mo râh tawhta amâ vy.”

ISAI 59:19

Abeipa cha Abeipa thlih ta tôh aw ta, Tisaih ru ngaitapa hawhta â vy awpa vâta, Abeipa moh cha notla lâ tawhta chi aw ei ta, A rônahna nochhi lâ tawhta ama chi aw.

ZEREMIAH 31:8

Pachâ teh u, maw lâ râh tawhta a vaw chhi aw ei na ta, Alei su lâhla chaipazy tawhta ei vaw chhi aw ei; Ama hry liata mochaopa nata pheisypazy a hlao aw ei ta, Saw phaohpa nata nawh zeihpazy amâ hlao aw; Chatanachata zawpi hluh ngaita pa ta, He su lâ he ama vaw kua aw.

EZEKIA 11:17

Chavâta ama hnohta, ‘Abeipa Zehôvâh ta hetana heta a tah: Phopizy hry tawhta cha pakhypa ta, hiepatlapa ta nama yna râhzy tawhta cha pahmaoh aw ei na ta, Izarei râh ei cha pie aw ei,’ tahpa ta reih mah y.

EZEKIA 36:33

“Abeipa Zehôvâh ta hetana heta a tah: Nama paraona zydua tawhta ei cha pathaisana noh liata, khihpizy cha chyhsa pahrâna ta tao aw na ta, su rypazy paduapathipa a châ aw.

ZEKARIA 10:6

“Zudâh pathlazy cha, Thapatlô aw ei na ta; Zawsi pathlazy chhao, Ei pachha aw ei. Ei ngia eina chhie kawpa vâ ei ta, Ei chhi pakhua heih aw ei; Ei thy beih leipa hawhta y heih aw ei ta, Abeipa ama Khazohpa ei châpa vâta, Ei chyh-ei aw ei.

MALAKHAI 1:11

“Noh chhina tawhta noh tlana taihta phopizy hry liata ei moh palyupalihpa ta y aw ta, su to liata ropahâhpa nata hmohlâpa pathaihpazy ei moh ta ama hlâ tyh aw. Phopizy hry liata ei moh palyupalihpa ta a y aw,” Pheisaihzy Abeipa ta a tah.

RYHPACHANEINA 30:3

Abeipa nama Khazohpa ta nama seichâna tawhta cha pakuasa aw ei ta, a cha ngiachhie aw ei. Abeipa nama Khazohpa ta a cha papaipatlana râh phopizy tawhta cha pakhy aw ei ta, a cha pakuasa aw ei.