ZEKARIA 8:6 - Mara Bible RV (BSI)

⁶ Pheisaihzy Abeipa ta hetana heta a tah: Kha daihti nota, he phopi laibâhpa châta hmotheileipa a lyupa kha, keima châta cha hmotheileipa a châ hlei rai ma? Pheisaihzy Abeipa ta a tah.

ZEKARIA 8:6 ပူးပေါင်းရင်းမြစ်များ

ÂTHAONA 18:14

Abeipa châta hmo ru tupa a y ma? Daihti raopa liata nâ lâ a vy heih aw na ta, hâhkô tahmâ ti heta Sârâ ta sawchapaw a sa aw” tah ta.

2 ABEIZY 7:2

Pheisaih hyutuhpa, abei ta a ku liata â pahniehpa ta Khazohpa chyhsa hnohta, “Abeipa ta avâ opyzy a pahypa chhao ta, cha hawhpa hmo cha a y thei aw ma?” tah ta. Khazohpa chyhsa ta, “Na mo tlai ta na hmô aw, châhrasala nie aw va chi,” tah ta.

HLAZY 118:23

Cha cha Abeipa taopa châ ta, Eima mo liata â ngia ngaita.

ZEREMIAH 32:17

Hy Abeipa Zehôvâh, avâ nata alei he, nâma tlai ta na hmotaotheina rônahpa nata na bâh pazawhpa ta, na taopazy a châ hih! Nâma châta la hmo ru tupa y vei.

ZEREMIAH 32:27

“Pachâ teh, kei Abeipa he hmohrohneipa zydua Khazohpa ei châ. Ei châta hmo a ru tupa a y ma?

MATHAI 19:26

Zisu ta âmo cha moh ta, ama hnohta, “Cha hmo cha chyhsapa châta la, tao thei rimâ awpa châ vei. Khazohpa châta deikua cha, ato tao theipa a châ,” tah ta.

LUKA 1:20

Pachâ teh, a daihti raopa liata a vaw tlô awpa ei bie reipazy na zo leipa vâta, cha hmozy a vaw tlô hlâlei cha, bie reih thei khao aw va chi, nâ thlih thlâh ha aw,” tah ta.

LUKA 1:37

Khazohpa châta tao thei leipa hmo y vei,” tah ta.

LUKA 18:27

Zisu ta, “Chyhsapa tao thei leipa he Khazohpa châta cha tao theipa a châ,” tah ta.