ZEKARIA 8:16 - Mara Bible RV (BSI)

¹⁶ Hezy he nama tao awpa hmozy cha a châ: Biedopa a chho raihrie u la, adyhna a tlôkhei awpa pachiana dopa ta nama hawkazy liata ryureih teh u.

ZEKARIA 8:16 ပူးပေါင်းရင်းမြစ်များ

HLAZY 15:2

Seina hnei leipa ta hmo dopa a taopa, A palôh liata biedopa a reihpa;

HLAZY 34:15

Abeipa mo cha mosiapazy lâ a heih ta, Ama awna lâ a nah a pachôh tyh.

BIESOZY 12:17

Pahnokheituh ngâchhihpa cha biedopa reih ta, Pahnokheituh pakheipa deikua cha haipa bie a reih tyh.

BIESOZY 12:19

Biedopa hmao cha chhâzaw a daih ta, Haipa paleih deikua cha buakha dei â daih.

ISAI 9:7

Dâvi beidyuchhai nata a khinarâh chô liata A ryureina laiseih lymâpa cha chhâna hnei leipa aw ta, Adyhna a tao awpa ta chhâna hnei aw vei. A ryureina nata adyhna cha, Adona nata siana ta paduapa ta pa-i aw ta, Tahmâ tawhta tlyzaw taihta a y thlâh ha aw. Pheisaihzy Abeipa phahnai ngiahna ta Chazy cha a tao aw.

ZEREMIAH 22:3

Abeipa ta hetana heta a tah: Adona nata siana tao u la, ama hmo ama hrao hapazy cha, tlybaituhpazy ku tawhta pachha teh u. Chihropa mapaihpazy, paw hnei leipazy nata nôhmeizy chô liata â doleipa ta hmo tao leipa u la, thachahra hmâ thlu hra leipa u la, he su liana heta thaileina a hnei leipa thisaih palo khuh vy.

EZEKIA 18:8

a pôhna hneipa ta a sôh dyu pacheisa leipa ta, â thôhna la hra leipa ta, adoleina tao lei awpa ta a ku pako ha sala, pachiana dopa ta chyhsa nata chyhsa likah pachia sala,

EZEKIA 45:9

“Abeipa Zehôvâh ta hetana heta a tah: Hy Izarei beizy saih u, a daih bâ se! Atudaina nata tlybaina bâhsai u la, ryureina dopa ta ryureih teh u. Siana ta hmo tao u la, ei phopi ama râh tawhta nama papua tyhpa bâhsai teh u, Abeipa Zehôvâh ta a tah.

THEIHTHAINA 19:11

“Nama paru awpa châ leipa ta, dôveipa ta hmo nama tao awpa châ hra leipa ta, haipa bie namâ chho raihrie awpa châ vei.

AMÔSÂ 5:15

Chhiena a haopa ta phana khoh u la, Thokhy chhikao liata ryureina dopa padua teh u; Cha hawhta nama tao khiahta cha, Zehôvâh, Pheisaihzy Khazohpa ta Zawsi chi laibâhpazy cha, A ngiachhie thei ngyu aw.

AMÔSÂ 5:24

Chazy hlâta cha, Ryureina dopa cha chavah hawhta loh sala, Siana cha vahtie ti kua beih leipa hawhta loh mawh sy.

MIKÂ 6:12

Khihpi liata hneirôhpazy cha, Thachahra hmâna ta ama bie; A khihsawzy ta haipa biezy reih ei ta, Ama paleih ta ama pakah chhôh liata Dôveina bie a reih tyh.

MIKÂ 6:8

“Hy chyhsapa, Abeipa ta hmo phapa a cha chho haw; Abeipa ta khâpa ma a châ hnaw? Adona taopa ta, Ngâchhihna pasô ta, Nawhna hro hrokheipa ta, Na Khazohpa nata charei khohpa he châ vei ma?”

ZEPHANIA 3:13

Izarei laibâhpazy cha, Hmo doleipa tao khao aw veih ei; Haipa bie reih khao leipa aw ei ta, Ama pakâh liata paleih dôvei hmâhpa y khao aw vei. Ama lao bâpa ta a byu aw ei ta, Ahy ta hmah âmo cha pachisa khao aw veih ei.

ZEKARIA 7:9

“Pheisaihzy Abeipa ta hetana heta a tah: Ryureina dopa ta ryureih u la, unawhzy chô liata hmo pha tao u la, zawh a ngiah raihrie teh u.

ZEKARIA 8:19

“Pheisaihzy Abeipa ta hetana heta a tah: Thla palihna kâhvileina, thla pangawhna kâhvileina, thla sarina kâhvileina nata thla hrawhna kâhvileina daihtizy he alyna nata thaphana lâta a lie aw ei ta, Zudâh châta alyna kyhchhizy lâta amâ lie aw. Chavâta adona nata adyhna pasô muh vy.

ZEKARIA 8:3

Abeipa ta hetana heta a tah: Zaio lâ kua aw na ta, Zerusale liah liata ei pahrâ aw. Chatanachata Zerusale cha Khihpi Ngâchhihpa tahpa ta bipa châ aw ta, Pheisaihzy Abeipa tlâh cha Tlâh Pathaihpa tahpa a châ aw.

MATHAI 5:9

“Aryhna taotuhpazy ama nohlao na, Khazohpa sawzy bipa ama châ awpa vâta.

EPHESI 4:17

He he Abeipa liata reih na ta, ei cha chho ei: Pachâna hraoleipa a hneipa Zenitaizy hawhta nama y khao awpa châ vei.

EPHESI 4:25

Chavâta haipa bâhsai u la, nama vaih hnohta biedopa reih chyu teh u. Pôhpa miakha tawhta a pachiahpa sai eima châ.

1 THYSALAWNIKA 4:6

He kyh liata ahy hmah a unawhpa chô liata moleipa ta hmopha leipa a tao awpa châ vei. Cha chho chhielie ha pi ta, a phapa ta zikyu eima châ râ hapa hawhta, Abeipa cha, cha hawhpa hmo a taotuhpa zydua chô liata phuh latuhpa a châ.

BIEPHUAH 21:8

Riahchhiepazy, ngiapâleipazy, pasichhihpazy, lianycheihpazy, sihryhpazy, dyuthaipazy, nothlahpa achhypazy nata haiphiahpa zydua to awpa deikua cha, mei nata kaih ta a kâ ngâpa tipo châ aw ta, cha cha thina einona a châ,” tah ta.