ZEKARIA 8:14 - Mara Bible RV (BSI)

¹⁴ Pheisaihzy Abeipa ta hetana heta a tah: “Châ pathlatuhpazy ta ei hie eina pahâh no ei kha, nama chô liata chhiena patlôsa khâchâ a vaw chhuah na ta, ei palôh panano va na,” Pheisaihzy Abeipa ta a tah.

ZEKARIA 8:14 ပူးပေါင်းရင်းမြစ်များ

2 THÂTIHZYRONA 36:16

Châhrasala Khazohpa lyuhchâpazy cha pasipasawh tyh ei ta, Khazohpa biezy cha khâpasaw ta reih leipa ei ta, a hrohsopazy chhao ama pahneisao tyh. Achhâna liata Abeipa pathiiana a phopi chô liata vaw tlô ta, patlâh thei awpa châ khao vei.

HLAZY 33:11

Abeipa ryhraona deikua cha chhâzaw ta a duah ta, A palôh achhuahnazy chhao chhâ zydua ta â duah aw.

ISAI 14:24

Pheisaihzy Abeipa ta, “Ei pachhuahpanohpa hawh tlai ta vaw tlô aw ta, Ei chhuahpa hawhta a vaw tlô aw.

ZEREMIAH 20:16

Cha chyhsa cha Abeipa ta ngiachhie leipa sala, A parao hapa khihpizy hawhta châ mawh sy. My ta chana ao thei sala, Nohchhô ta zikyurâna pyu thei mawh sy,

ZEREMIAH 29:11

Nâmo châta achhuahna ei hneipa ei pahno thlâh haw. Nama chhie nawpa châ leipa ta, nama pha nawpa châta achhuahna hnei na ta, hmialâ daihti phapa nata hnabeiseihna cha pie awpa ei ta achhuahna ei hnei, Abeipa ta a tah.

ZEREMIAH 31:28

“Chatawhcha hetana heta a vaw châ aw. Izarei sawzy nata Zudâh sawzy phiapa ta y ei ta, paraopa nata thypa ta ama ypa mokhâh na ta, pahleipadiapa nata pasasapa ta ama ypa ei mokhâhpa hawhna ei khata, âmo cha paduapathipa ta ama ypa nata lopa ta ama y awpa chhao ei mokhâh aw ei,” Abeipa ta a tah.

ZEREMIAH 32:42

“Abeipa ta hetana heta a tah: He phopi chô liata chhiena rarôh ypa ei patlôsapa hawhna khata, ama hnohta hmo phapa bie ei taihpa zydua chhao kha ei patlôsa aw.

ZEREMIAH 4:28

Cha vâna chata alei cha, Mâchhiesapa ta y aw ta, Chô lâ avâzy a zoh aw. Bie reih ha na ta, Ei chhuah haw; A ngiapachhi leipa na ta, Pathleih hra aw va na.”

EZEKIA 24:14

Kei Abeipa ta reih ha na ta, a vaw tlô tlai aw. Ei tao tlai aw. A sy leipa aw na ta, pahlôh hra leipa aw na ta, pathleih hra aw va na. Na hroziezy nata na hmotaopazy hawhta pachiapa na châ aw, Abeipa Zehôvâh ta a tah.”

ZEKARIA 1:2

“Châ pathlatuhpazy chô liata Abeipa a hie a hâh ngaita.

ZEKARIA 1:6

Nâ chakaotuhpa hrohsopazy hnohta ei biepiepa nata ei pachunazy ta châ pathlatuhpazy kha chhao ha veih ei ma? Chavâta âmo cha ro ei ta, ‘Eima taozie nata hrozie lymâ hawhta Pheisaihzy Abeipa ta eima chô liata tao a chhuah ta, a tao ha tlaipa a châ,’” ama tah.