ZEKARIA 8:12 - Mara Bible RV (BSI)

¹² “Thlalôhna chi tupa a châ bâ aw. Kre zôh ta a thei papua aw ta, chhaohlei ta kôvei papuapa ta, avâ ta diati a patlasa aw. He hmo zydua he phopi laibâhpazy hnohta ama ryuto châta ei pie aw ei.

ZEKARIA 8:12 ပူးပေါင်းရင်းမြစ်များ

ÂTHAONA 26:12

Aisika cha, cha râh liata chi cheih ta, Abeipa ta byhnâ pie ta, cha kô ta a lie za kha ta kô pavei ta.

ÂTHAONA 27:28

Khazohpa ta avâ diati cha piepa ta, Lei phapa cha pie sala, Sâh nata kresawhti hluhpi cha pie mawh sy.

1 ABEIZY 17:1

Kilia râh Tisabi khih liata Tisabi chyhsa Elaizâh ta Ahabâ hnohta, “Ei chakao tyhpa Abeipa, Izarei Khazohpa hrona reipa ta ei reih. Kô khazie chhôh tlyma cha ei bie leipa ta diati nata vâsua rai tla aw vei,” tah ta.

HLAZY 72:3

Tlâhpizy ta na phopi châta sivâphana papua ei sala, Tlâhthlôhzy ta adona byhnâzy papua mawh ei sy!

HLAZY 85:12

Abeipa ta hmo phapa pie aw ta, Eima râh liata kôvei a pha aw.

BIESOZY 19:12

Abei hiehâna cha chakeibarôhneipa a rôhpa hawhta châ ta, A khokheina deikua cha sibiepa chôta diati a tlapa hawhta a châ.

ISAI 30:23

Chhaohlei liata na tupa chizy châta Abeipa ta vâsua cha pie aw ta, chhaohlei tawhta niedo phapa hluhpi a pua aw. Cha noh liata, nama sahrohzy cha sibiepa su kawhpazy liata ama lao bâ aw ei ta,

ISAI 61:7

Nama nozana vyuhpa ta, Tovyuh a lie no ta to aw ei chi ta; Nohzaona vyuhpa ta, Ama tovyuh liata amâ ly aw. Chavâta ama râh liata tovyuh a lie no ta hnei aw ei ta, Chhâzaw lyna ama hnei aw.

ZEREMIAH 31:12

A vy aw ei ta, Zaio tlâh sâhpa liata hla sapa ta awh aw ei ta, Abeipa phana vâta hmiakai ngaitapa ta ama y aw; Sâh zy, kresawhti zy, sathaw zy vâta Ama hmiakai aw ta; Mietaku dawpa nata viahchao dawpazy vâta Ama hmia a kai kaw aw. Ama hrona cha, Ti pie phapa sadô hawhta châ aw ta, Panao khao aw veih ei.

EZEKIA 34:28

Phopizy ta ama hraopa châ khao leipa aw ei ta, râh sahrâhpazy ta âmo cha sie khao aw veih ei. Â bohpa ta pahrâ aw ei ta, ahy hmahta pachisa khao aw veih ei.

EZEKIA 36:12

Nama chô liata chyhsazy chareisa aw ei na ta, ei phopi Izarei sawzy ei chareisa aw ei. Âmo ta na tlâh liata pahrâ aw ei ta, ama ryuto râh châ aw chi ta, ama sawzy pathisa khao aw va chi.

EZEKIA 36:30

Tho theilâpa nata lyu kôvei paphasa aw na ta, chakâhna vâta phopizy hry liata maophyuh beih khao aw veih ei chi.

EZEKIA 36:9

Pachâ teh u, nama chhâh a châ aw na ta, nâmo lâ ei vaw heih aw. Nama leizy paliepa châ aw ta, chizy nama tu heih aw.

HÔSIA 13:3

Chavâta mydi ameih hawhta châ aw ei ta, My diati thlai ta a paipa hawhta ama châ aw. Sawhri tawhta sâh sihpa zie pathlahpa hawhta châ aw ei ta, Opy tawhta meikhuh a puapa hawhta ama châ aw.

HÔSIA 14:5

Izarei châta diati hawh châ aw na ta, Ano cha lilipaw hawhta pawh aw ta, Lebanaw tho hawhta thari a thla aw.

ZÔELA 2:19

Abeipa ta a phopi cha chyh-ei ta, Hetana heta â chhy ei: “Nathlie teh u, sâh vaw patlôsa aw na ta, Kresawhti nata sathaw zy ei vaw patlôsa aw; Chatanachata lôhrâtlôpa ta y aw ei chi ta, Phopizy hry liata Pahneiparâsaopa ta cha tao khao aw veih ei na.

ZÔELA 2:22

Râhsazy saih u, chi khuh vy; Râhchawhpa sibiepazy kaw thao heih ei ta, Thozy ama pathei heih hih; Theiku kôzy ta thei hluhpi pathei heih ei ta, Kre zôhzy ta thei hluhpi ama pathei heih hih.

THEIHTHAINA 26:3

“Ei bieraopazy zipa ta, ei biepiepazy zyhpa ta nama tao khiahta cha,

ZEPHANIA 3:13

Izarei laibâhpazy cha, Hmo doleipa tao khao aw veih ei; Haipa bie reih khao leipa aw ei ta, Ama pakâh liata paleih dôvei hmâhpa y khao aw vei. Ama lao bâpa ta a byu aw ei ta, Ahy ta hmah âmo cha pachisa khao aw veih ei.

HÂKAI 1:10

Chavâta nama chô lâta avâ ta diati pakhâ ta, alei ta kôvei a pakhâ haw.

HÂKAI 2:18

“Tanoh tawhna heta pakhâta ta pachâ teh u. He thla chakina, noh kih nata noh palihna noh, Abeipa Achhyna o sa nawpa châta lôbô bô noh tawhna heta pakhâta ta pachâ teh u.

HÂKAI 2:19

Sawvâ liata chi a y chy ma? Hmeiseihta cha, Kre zôh, theiku kô, pawmikarânâ nata ôli kô zy pathei tlâ khao veih ei. Tanoh tawhta deikua cha, byhnâ ei cha pie aw ei,” tah ta.

ZEKARIA 8:6

Pheisaihzy Abeipa ta hetana heta a tah: Kha daihti nota, he phopi laibâhpa châta hmotheileipa a lyupa kha, keima châta cha hmotheileipa a châ hlei rai ma? Pheisaihzy Abeipa ta a tah.

MALAKHAI 3:11

“Arievazy ta nama chhaohlei theizy ama nie lei nawpa ta pakhâ aw ei na ta, nama sadô liata kre zôhzy pathei leipa ta y aw vei,” Pheisaihzy Abeipa ta a tah.

MATHAI 6:33

Khazohpa khinarâh nata a siana tlua tua u la, cha hmo zydua cha baichhapa nama châ aw.

1 KAWRINI 3:21

Chavâta ahy hmahta chyhsazy a palaikhei khah sy. Hmo to zydua nâmo eih a châ.

RYHPACHANEINA 32:2

Ei pachuna avâ hawhta suah sala, Ei bie diati hawhta tla mawh sy; Si panyupa chô liata avâ di hawhta tla sala, Sihnapa chô liata avâ hawhta suah mawh sy.

RYHPACHANEINA 33:13

Zawsi châta byhnâ awna: “Abeipa ta a râh byhnâ pie sala, Avâ hmo sôhpa diati patlasa sala, Alei ry lâta ti athupazy pie mawh sy.

RYHPACHANEINA 33:28

Chatanachata Izarei cha, Sâh nata kresawhti râh liata â bohpa ta ypa ta, Avâzy ta diati ama patlasana liata â bohpa ta y ta, Zakaw pahrâna cha thlalôhpa ta a y.

ZÂMIE 3:18

Siana thei cha adyryhna taotuhpazy ta adyryhna liata chi ama tupa patheipa a châ.