ZEKARIA 7:9 - Mara Bible RV (BSI)

⁹ “Pheisaihzy Abeipa ta hetana heta a tah: Ryureina dopa ta ryureih u la, unawhzy chô liata hmo pha tao u la, zawh a ngiah raihrie teh u.

ZEKARIA 7:9 ပူးပေါင်းရင်းမြစ်များ

2 SAMUELA 9:7

Dâvi ta a hnohta, “Chi kha, na paw Zawnathâ vâta na chô liata ngiachhiena ei palâsa aw. Na mapaw Sawla râh zydua kha cha pie pakhua khai aw na ta, ei tlâhkhai liata pati na dôh lymâ aw,” tah ta.

ZAWBÂ 31:20

Ei mietaku hmi ta a palalôh leipa vâta, Byhnâ nâ awpa khoh leipa hmô aw sah la;

ZAWBÂ 6:14

“Viasa chô liata phana a palâsa leipa cha, Atotaotheipa china a heihsaipa a châ.

BIESOZY 21:3

Abeipa châta cha siana nata adona ta hmo taopa he, Atheihna hlâta a pyh tlâh a châ via.

ZEREMIAH 21:12

Hy Dâvi pathlazy saih u! Abeipa ta hetana heta a tah: “‘My ta pachiana dopa ta pachia u la, Ama hmo ama hrao hapazy cha, Tlybaituhpazy ku tawhta pachha teh u. Chataleipatala hmo chhiepa nama taopazy vâta, Ei pathiiana mei hawhta pua aw ta, Ahy hmahta pachhai thei lei awpa ta a kâ pathlei aw na.’”

ZEREMIAH 22:3

Abeipa ta hetana heta a tah: Adona nata siana tao u la, ama hmo ama hrao hapazy cha, tlybaituhpazy ku tawhta pachha teh u. Chihropa mapaihpazy, paw hnei leipazy nata nôhmeizy chô liata â doleipa ta hmo tao leipa u la, thachahra hmâ thlu hra leipa u la, he su liana heta thaileina a hnei leipa thisaih palo khuh vy.

ZEREMIAH 7:23

‘Ei ao nathlie u la, nama Khazohpa châ aw na ta, ei phopi nama châ aw. Bie ei cha piepa zydua zyh u la, nama châta a pha aw,’ tahpa ta bie tlao ei pie ei.

ZEREMIAH 7:5

“Nama hroziezy nata nama hmotaopazy liata a taopathi u la, adona ta a zaokhi raihriepa ta,

EZEKIA 18:8

a pôhna hneipa ta a sôh dyu pacheisa leipa ta, â thôhna la hra leipa ta, adoleina tao lei awpa ta a ku pako ha sala, pachiana dopa ta chyhsa nata chyhsa likah pachia sala,

EZEKIA 45:9

“Abeipa Zehôvâh ta hetana heta a tah: Hy Izarei beizy saih u, a daih bâ se! Atudaina nata tlybaina bâhsai u la, ryureina dopa ta ryureih teh u. Siana ta hmo tao u la, ei phopi ama râh tawhta nama papua tyhpa bâhsai teh u, Abeipa Zehôvâh ta a tah.

HÔSIA 12:7

Sôhdaohpa ta khopathliahna doleipa hmâh ta, Chyhsa tlybaipa a paphasa kaw.

THEIHTHAINA 19:15

“Ryureina liata â doleipa ta nama pachia awpa châ vei. Dyhchhiepa na khokhei via awpa châ leipa ta, chyhsa hmotaotheipa hmia na mo via awpa châ hra vei. Siana ta na vaih na pachia awpa a châ.

AMÔSÂ 5:24

Chazy hlâta cha, Ryureina dopa cha chavah hawhta loh sala, Siana cha vahtie ti kua beih leipa hawhta loh mawh sy.

MIKÂ 6:8

“Hy chyhsapa, Abeipa ta hmo phapa a cha chho haw; Abeipa ta khâpa ma a châ hnaw? Adona taopa ta, Ngâchhihna pasô ta, Nawhna hro hrokheipa ta, Na Khazohpa nata charei khohpa he châ vei ma?”

ZEKARIA 7:7

Hezy he Zerusale nata a chheipâh khihzy huhiehpa nata lôhrâtlôpa ta ama y daihti nata Neke nata Sephelâ zy liata chyhsa ama pahrâ daihti liata, hrohsopa hmiatuapazy hmâpa ta Abeipa ta a phuahpa biezy kha châ vei ma?’” tah ta.

ZEKARIA 7:8

Abeipa bie cha Zekaria hnohta vaw tlô heih ta:

MATHAI 23:23

“Nâmo, ryhpa pachutuhpa nata Phârisaih phapakheipazy saih u, nama hu a po na! Pudinâzy, sysadizy, sykathuzy su hrawh su kha pie ei chi ta, Ryhpa peimawh viapa ryureina siapa, ngiachhiena nata ngâchhihna zy uasa veih ei chi. Ahropazy tao pâna chôta, chazy cha nama tao awpa a châ.

LUKA 11:42

“Nâmo, Phârisaihzy saih u, nama hu a po na! Pudinâ nata sysadi nata âhnalasi to tawhta su hrawh su kha pie tyh ei chi ta, adona nata Khazohpa kyhpachâna hmâchhâh uasa leipa ta nama y. Chazy cha nama tao awpa tlai châ ta, ahropazy chhao uasa leipa ta nama y awpa châ vei.

ZAWHÂNA 7:24

Chôpho lâ alânazie ta pachia leipa u la, pachiana dopa ta pachia teh u,” tah ta.

ZAWHÂNA 7:51

“Thaichâna bie pareisa ha tua leipa nata a hmotaopazy pahno ha tua leipa ta, eima ryhpa ta chyhsa thailei a pachâsa thei rai ma?” tah ta.

RYHPACHANEINA 22:1

“Nama chiheihpa viahchao tôhpa tlyma, mietaku tlyma a leipa nama hmô khiahta cha, pahno lei namâ pachâ awpa châ vei. Nama chiheihpa lâ namâ chhi awpa a châ.