ZEKARIA 7:7 - Mara Bible RV (BSI)

⁷ Hezy he Zerusale nata a chheipâh khihzy huhiehpa nata lôhrâtlôpa ta ama y daihti nata Neke nata Sephelâ zy liata chyhsa ama pahrâ daihti liata, hrohsopa hmiatuapazy hmâpa ta Abeipa ta a phuahpa biezy kha châ vei ma?’” tah ta.

ZEKARIA 7:7 ပူးပေါင်းရင်းမြစ်များ

ISAI 55:3

Nama nah pachôhpa ta kei lâ a vy u la, Nama hro thei nawpa ta ei bie nathlie teh u, Nama hnohta tlyzaw biehrai ei tao aw; Dâvi hnohta bie ei taihpa kha pa-i aw na ta, Ei kyhpachâna ngâchhihpa ei pa-i aw.

ZEREMIAH 13:19

Neke khihpizy khawpa châ ei ta, A pahy awpa y veih ei; Zudâh pôhpalôhpa sei ta a chhipa châ ei ta, Ama siekhei khai haw.

ZEREMIAH 17:26

Zudâh khihpizy nata Zerusale chheipâhzy tawhta chyhsazy a vy aw ei ta, Benzami râh tawhta zy, Sephelâ bypi râh tawhta zy, tlâh râh tawhta nata Neke chho râh tawhta zy a vy aw ei ta, raopa hlânazy, atheihnazy, niepa hlânazy, deiryhzy ropahâhpazy nata alyna biereina hlânazy Abeipa o lâ ama vaw cheih aw.

ZEREMIAH 22:21

Huhiehpa ta na y nota bie châ chho na ta, Châhrasala, ‘Nathlie aw va na,’ na tah haw. Ei bie na nathlie khoh leipa he, Na thyutlia no tawhta na hrozie a châ.

ZEREMIAH 32:44

“Ama seichâna tawhta pakuasapa ta vânoh ei patosa heih awpa vâ ei ta, Benzami râh liata zy, Zerusale chheipâh suzy liata zy, Zudâh khihpizy liata zy, tlâh râh khihpizy liata zy, Sephelâ bypi râh khihpizy liata nata Neke chho râh khihpizy liata, chyhsazy ta tâkâ ta lyuzy chalei aw ei ta, chaleina ryuchâzy roh aw ei ta, moh chahnaona ta chahnao pa-ipa ta, pahnokheituhpazy ta ama pahnokhei aw,” Abeipa ta a tah.

ZEREMIAH 33:13

Mietaku zawzy cha, tlâh râh khihpizy, Sephelâ bypi khihpizy, Neke chho râh khihpizy, Benzami râh, Zerusale chheipâh suzy nata Zudâh khihpizy liata ama moh a pakituhpazy ku ry liata ama sie heih aw,” Abeipa ta a tah.

ZEREMIAH 44:4

Chatahrasala nâ chakaotuhpa hrohsopazy nâmo lâ khâ vaw tuah ei na ta, ‘He hmo pasichhihpa ei hao ngaitapa he tao khao khuh vy!’ tahpa ta ama cha chho chanei ngâ thlâh ha.

ZEREMIAH 7:23

‘Ei ao nathlie u la, nama Khazohpa châ aw na ta, ei phopi nama châ aw. Bie ei cha piepa zydua zyh u la, nama châta a pha aw,’ tahpa ta bie tlao ei pie ei.

ZEREMIAH 7:5

“Nama hroziezy nata nama hmotaopazy liata a taopathi u la, adona ta a zaokhi raihriepa ta,

ZEKARIA 7:12

Ama palôh cha pachielô châkarôpa hawhta pachâsa ei ta, Pheisaihzy Abeipa Thlahpa ta hrohsopa hmiatuapazy hmâpa ta a reipa ryhpa bie nata chhoreina biezy nathlie khoh veih ei. Chavâta Pheisaihzy Abeipa hiehâhna rarôh ypa cha vaw tlô ta.

ZEKARIA 7:6

Nie ei chi ta nama do nona kha nâmo châta a niepa nata a dohpa tlâ châ veih ei chi ma?

ZEKARIA 7:8

Abeipa bie cha Zekaria hnohta vaw tlô heih ta:

RYHPACHANEINA 34:3

Neke nata Bypi tawhta Zawâ taih pamosa ta. Bypi cha thiahrâ khihpi Zerikô saikao a châ.