ZEKARIA 7:5 - Mara Bible RV (BSI)

⁵ “Râh chhôh liata chyhsa zydua nata theihthaipazy hiahri teh, ‘Kha kô sysari chhôh zydua liata, thla pangawhna nata thla sarina maihta kâhvileipa ta nata mâchhiesapa ta nama y tyhpa kha, keima châta kâhvileipa ta a ypa nama châ tlai ma?

ZEKARIA 7:5 ပူးပေါင်းရင်းမြစ်များ

2 ABEIZY 25:23

Babylaw bei ta Kedaliah cha râhvaotuhpa ta a tao tahpa pheisaih hyutuhpa zydua nata ama sahlaozy ta ama thei nahta, Mizpâ khihpi liata Kedaliah lâ sie ei ta. Chazy cha Nethaniah sawchapawpa Ismela, Karia sawchapawpa Zôhanâ, Netôpha chyhsa Tahume sawchapawpa Seriah nata Mâkâ pathla sawchapawpa Zazeniah zy ama châ.

2 ABEIZY 25:25

Châhrasala thla sarina liata, bei pathla Elisâmâ sawchapawpa Nethaniah sawchapawpa Ismela cha, chyhsa pahrawh chhaota a vy ta, Kedaliah cha a dyuh ta, ano nata Zuzy nata Kaldia chyhsa a hnohta a ypazy chhao Mizpâ liata a thie khai ha ei.

ISAI 43:23

Raopa hlânazy châta, Mietakuzy na vaw cheipa leipa chi ta; Atheihna hlâpa ta, Na palyupalih hra va chi. Hmohlâpazy hneibeiseihpa ta, Na phao cha pahri beih leipa na ta; Ropahâhpa hnabeiseihpa ta, Na rie cha pathei beih hra va na.

ISAI 58:3

‘Kâhvileipa ta y pi ta, Khazia na hmô khoh vei? Keimosasyh ta a panawh pi ta, Khazia na pahno khoh vei?’ ama tah. Pachâ teh u, kâhvileipa ta y tlai ei chi ta, Châhrasala nâmo pha nawpa ta nama tao; Nama rai hriatuhpazy nama tlybai pyly.

ZEREMIAH 25:11

“He râh zydua he râh rypa nata roryhrapa vaw châ aw ta, he phopizy heta Babylaw bei cha kô sysari ama chakao aw.

ZEREMIAH 29:10

“Abeipa ta hetana heta a tah: Babylaw atâhna kô sysari a tloh nahta, cha vaw tly aw ei na ta, nama hnohta bie ei taihpa kha patlô aw na ta, he su lâ he ei châ chhi pakhua heih aw ei.

ZEREMIAH 52:12

Babylaw bei Nebukaneza abeina kô hrawh hleichakina, cha kô thla pangawhna, noh hrawhna noh liata, abei vaituhpazy hyutuhpa, Babylaw bei chakaotuhpa Nebuzarâdâ cha Zerusale a ngia ta.

DÂNIAH 9:2

a ryureina kô khana liata, kei, Dâniah heta, Zerusale cha kô sysari chhôh roryhrapa ta a y awpazie, hrohsopa Zeremiah hnohta Abeipa bie a vaw tlôpa cha châbuzy tawhta vaw pahno na ta.

HÔSIA 7:14

Ama palôh hmeiseihpa ta na aw leipa ei ta, Ama rakhô liata tlâ ama awh; Sâh nata kresawhti vâta a pakhy ei ta, Kei deikua eina tleisai ha ei.

ZEKARIA 1:12

Abeipa vâlyuhchâpa ta, ‘Hy Pheisaihzy Abeipa, kô sysari chhôh zydua na palôh châ pachhie hapa Zerusale nata Zudâh khihpizy he, khachâ taih ma thapasa khao leipa ta na y aw tly?’ tah ta.

ZEKARIA 7:3

Pheisaihzy Abeipa o liata a ypa theihthaipazy nata hrohsopazy hnohta, “Kô hluhpi ei vaw tao tyhpa hawhta, thla pangawhna a vaw diehna maihta apananopa ta kâhvileipa ta nata mâchhiesapa ta ei y aw ma?” tahpa ta hiahri ei ta.

ZEKARIA 7:4

Pheisaihzy Abeipa bie ei hnohta vaw tlô ta:

ZEKARIA 7:6

Nie ei chi ta nama do nona kha nâmo châta a niepa nata a dohpa tlâ châ veih ei chi ma?

ZEKARIA 8:19

“Pheisaihzy Abeipa ta hetana heta a tah: Thla palihna kâhvileina, thla pangawhna kâhvileina, thla sarina kâhvileina nata thla hrawhna kâhvileina daihtizy he alyna nata thaphana lâta a lie aw ei ta, Zudâh châta alyna kyhchhizy lâta amâ lie aw. Chavâta adona nata adyhna pasô muh vy.

MATHAI 23:5

Ama hmotaopa zydua chyhsa hmô awpa ta ama tao tyh. Ama ku liata amâ kypa nata ama khiriena zy paphia ei ta, ama poh pai pasisa ei ta,

MATHAI 6:16

“Kâhvileipa ta nama y tita, phapakheipazy hawhta thachhâna hmia phaoh khuh vy. Âmo cha kâhvileipa ta ama ypa chyhsazy ta ama pahno thei nawpa ta, thachhâna hmia ama palâsa tyh. Hmeiseihta ta ei cha chho ei, ama lymâ ama hmô haw.

MATHAI 6:2

“Chavâta phahlapazy hmo na pie tita, phapakheipazy ta chyhsa reithaina ama hlao thei nawpa ta, pakhyna ozy liata nata lâlaizy liata ama taopa hawhta, na hmia lâta chiahmie tô laih khah y. Hmeiseihta ta ei cha chho ei, ama lymâ ama hmô haw.

MATHAI 6:5

“Thlah nama chhâ tita, phapakheipazy hawhta tao khuh vy. Âmo cha chyhsa ta ama hmô thei nawpa ta, pakhyna ozy liata nata khiliah suzy liata a duahpa ta thlah ama chhâ tyh. Hmeiseihta ta ei cha chho ei, ama lymâ ama hmô haw.

1 KAWRINI 10:31

Chavâta nama nie tlyma, nama doh tlyma, nama taopa maih Khazohpa rônahna châta tao muh vy.

2 KAWRINI 5:15

Chyhsa zydua châta a thipa vâta, ahrohpazy cha âmo châta hroh khao leipa ta, âmo châta thi ta a thyu heihpa châta ama hroh awpa a châ.

KAOLAOSÂ 3:23

Nama taopa maih, chyhsapa châta taopa hawhta pachâ leipa ta, Abeipa châta taopa hawhta tlao pachâpa ta, palôh pha ngaitapa ta hria lymâ teh u.