ZEKARIA 7:14 - Mara Bible RV (BSI)

¹⁴ Khisô paipa hawhta, ama pahno leipa phopizy lâta ei papai ha ei. Chavâta ama siesaipa râh cha roryhrapa ta y ta, a ngiapa nata a puapa y khao veih ei. Râh khochhih ngaitapa cha roryhrapa râh lâta ama pachâsa haw,” Pheisaihzy Abeipa ta a tah.

ZEKARIA 7:14 ပူးပေါင်းရင်းမြစ်များ

2 THÂTIHZYRONA 36:21

Cha hmo cha râh ta Pahânohzy a hmâh thei nawpa ta, râh cha kô sysari chhôh roryhrapa ta a y awpa kyh, Zeremiah pakah ta a reipa Abeipa bie a vaw tlôpaki nawpa a châ.

HLAZY 58:9

Nama beihzy ahloh tho mei ta a palalôh hlâta, Tho hrohpa ta tlyma, tho raohpa ta tlyma, Moleipa cha phi pathlahpa a châ aw.

ISAI 17:13

Râhzy ta tisaih hawhta a aoh hra ei sala, Abeipa ta âmo cha ra aw ta, Lâhlapi lâ a râ aw ei ta, Tlâh liata saviah thlih ta a phaopa hawhta, Chadai paipa châ aw ei ta; Khisô ta dohlei a phaopa hawhta, Chadai paipa ama châ aw.

ISAI 21:1

He he tilaipi kiah râhchawhpa kyh chhochhieliena bie a châ: Khisô ta Neke a chanaohpa hawhta, Chariahpa cha râhchawhpa tawhta a vy ta, Râh chichhihpa tawhta â vy.

ISAI 60:15

Pathluapa nata a haopa châ chi ta, Châ chapia chahreihpa chhao ama y khao leipa kha, Chhâzaw ta a palaikheipa ta cha tao aw na ta, Kôzaw ta alyna ta ei cha tao aw.

ISAI 66:15

“Moh teh u, a pathiiana lei thlupa ta, Meipaleih ta chhorei awpa ta, Abeipa cha mei chhaota vaw tlô aw ta, A talailihzy cha khisô hawhta a châ aw.

ZEREMIAH 12:10

Mietaku vaituhpa hluhpi ta Ei kre sadô parao ei ta, Ei tovyuh ama tlypâ; Ei tovyuh pha ngaitapa cha, Râhchawhpa roryhrapa ama pachâsa haw.

ZEREMIAH 23:19

Moh teh u, Abeipa thlihpipa huh! Pathiiana pua ta, Khisô chothyu pua ha ta, Moleipazy luh a chanaoh aw.

ZEREMIAH 30:23

Moh tua u, Abeipa thlihpipa huh! A pathiiana chothyu a chamiehpa pathli ha ta, Hmoparaopazy luh a chanaoh aw.

ZEREMIAH 36:19

Beimachâzy ta Bâruka hnohta, “Sie la, Zeremiah nata a kei nyu u la, nama yna su ahy hmahta pahno khah ei sy,” tah ei ta.

ZEREMIAH 44:6

Chavâta ei pathiiana nata ei hiehâhna cha, Zudâh khihpizy liata nata Zerusale khiliahzy liata lei thlupa châ ta, ia ha ta, tanoh duahmo hawhna heta, khihpi rypa nata roryhrapazy lâta amâ lie hapa a châ.

ZEREMIAH 5:15

Hy Izarei pathlazy saih u, Moh teh u, nâmo châ dyuh awpa phopi Lâhlapi tawhta ei vaw chhi aw. Cha phopi cha phopi thatlôpa châ ta, Phopi hlôpa a châ. Ama reih na thei leipa phopi châ ta, Ama bie reipa na pahno leipa phopi a châ,” Abeipa ta a tah.

ZEREMIAH 52:30

Nebukaneza abeina kô kih nata kô thôhna liata, abei vaituhpazy hyutuhpa Nebuzarâdâ ta Zu chyhsa 745 sei ta a chhi ta, ama zydua ta 4,600 ama châ.

EZEKIA 12:19

Chatawhcha râhsawzy hnohta, ‘Abeipa Zehôvâh ta Izarei râh Zerusale khihsawzy kyh liata hetana heta a tah: Zerusale liata a pahrâpazy nôchhiena vâta, Izarei râh cha a chhôh liata hmo a ypa zydua tawhta roryhrapa ta paysapa châ aw ta, nôpopa ta ama pati nie aw ei ta, pachârôhpa ta ama ti ama doh aw.

EZEKIA 22:15

Phopizy hry liata cha hiezâhpa ta, râh to liata cha papai aw na ta, na pathaih leinazy ei pachhâsa aw.

EZEKIA 5:10

“Chavâta pawzy ta ama sawzy khihpi chhôh liata nie aw ei ta, sawzy ta ama pawzy ama nie aw. Cha hrie aw na ta, na chyhsa laibâhpa zydua cha ziza liata ei hiepatla khai aw ei.

DÂNIAH 8:9

Ki palih hry liata ki kha tawhta ki chyhpata vaw pachiah ta, chho lâ, nochhi lâ nata Râh Ngiapa lâzy a heipa ta thata kaw seih ta.

HÔSIA 9:17

A rei amâ ngia leipa vâta, Ei Khazohpa ta dytha aw ei ta, Phopizy hry liata viavipa ta ama y aw.

ZÔELA 2:3

Mei ta ama hmia lâta palâ laih ta, Meipaleih ta ama hnôh lâta a kâ laih. Ama hmia lâta râh cha, Idâh sadô lyu ta; Ama hnôh lâta râh deikua cha, Râhchawhpa roryhrapa hawhta a châ; Âmo tawhta a boh theipa y vei.

THEIHTHAINA 26:22

Sahrâhpazy nama hry liata vaw tuah aw na ta, cha chata nama sawzy cha lapa aw ei ta, nama sahrohzy ama cha siepa aw. Maluh chyhta ta cha tao aw ei na ta, nama lâpizy cha dâh karopa ta a y aw.

THEIHTHAINA 26:33

Phopizy hry liata cha hiepatla aw ei na ta, ei zaozi phiapa ta ei cha chadai aw ei. Chatanachata nama râh cha roryhrapa ta y aw ta, nama khihpizy cha khirypa ama vaw châ aw.

AMÔSÂ 1:14

Chavâta Râbâ thokhy chô liata mei patih aw na ta, Adyuhna noh ta awhsâhpa pyu hry liata, Khisô nata thlihpipa hry liata, Abei ozy a kâ khai aw.

NÂHU 1:3

Abeipa cha hiehâhna kyh liata nainôsôpa châ ta, Hmotaothei ngaitapa a châ; Hmoparaopa deikua cha, Thai pachâ beih aw vei. Khisô nata thlihpipa liata a lâpi y ta, Meihdozy cha a phei doh a châ.

HABAKU 3:14

Nâ chadaipai awpa ta khisô hawhta a vypa a pasaiphazy, Rietheipazy arulâta palâpa amâ lyna a châpazy cha, Ano châtaizy tlai ta ama luhzy na ka pahlie haw.

ZEPHANIA 3:6

“Râhzy parao ei na ta, Ama thokhyzy a ry khai haw; Ama lâlaizy ziahzi parohsa na ta, A chhih awpa y khao veih ei. Ama khihpizy roryhrapa ta paysapa châ ta, Chyhsa y khao leipa ei ta, A chhôh liata a pahrâpa rai y khao veih ei.

ZEKARIA 2:6

“Pua teh u! Pua teh u! Avâ thlih miapalih hawhta cha vaw hiepatla ha hra ei sah la, maw lâ râh tawhna khata a râ syulyu ha teh u,” Abeipa ta a tah.

ZEKARIA 8:1

Pheisaihzy Abeipa bie ei hnohta vaw tlô heih ta.

ZEKARIA 9:14

Abeipa ama chô liata a vaw luah aw ta, A châtai dôhla hawhta a pathli aw; Abeipa Zehôvâh ta chiahmie tô aw ta, Chho khisôzy chhaota hrâ a sie aw.

RYHPACHANEINA 28:33

Nama pahno leipa phopi ta nama chhaohlei patheipa nata nama hriapasana theizy nie khai aw ei ta, nâmo cha khâ tlybai awpa nata riepathei awpa deita nama châ aw.

RYHPACHANEINA 28:49

“Abeipa ta nâmo châ dyuh awpa ta, khizaw chhâna lâhlapi tawhta phopi miakha pahmôhpi a pathlôpa hawhta vaw tuah aw ta, cha phopi cha a reih nama thei leipa,

RYHPACHANEINA 28:64

“Abeipa ta kaokih liata, alei chhâna miakha lâ tawhta miakha lâ chhâna taihta a ypa phopizy hry liata cha papai aw ei ta, cha liata nâmo nata châ pathlatuhpazy ta nama pahno beih leipa tho nata lô khazohzy nama chakao aw.

RYHPACHANEINA 4:27

Abeipa ta phopizy hry liata cha papai aw ei ta, Abeipa ta a cha papaina phopizy hry liata a chyhta dei pahlôhpa nama châ aw.