ZEKARIA 6:3 - Mara Bible RV (BSI)

³ talailih miathôhna liata arâzy cha a râhpa châ ei ta, talailih miapalihna liata arâzy cha arâ peipa a chapaipazy ama châ. Ama zydua ta arâ thatlô ngaitapa sai ama châ.

ZEKARIA 6:3 ပူးပေါင်းရင်းမြစ်များ

ÂTHAONA 31:10

Sahrohzy ama vô daihti liata, avâ lâ ua na ta, a paw a kiapa mie tôhpazy cha a kaorâhpazy, a cheichapaipazy nata a chei dipa ta a chapaicharupazy ama châpa ta ei mâ lâta ei hmô tyh.

DÂNIAH 2:33

A pheizy thua ta taopa châ ta, a pheipazahzy cha thokha thua, thokha beihlei ta taopa a châ.

ZEKARIA 1:8

“Zâ ta aluahna hmô na ta, pachâ teh u, chyhsa pakha tlai cha arâ saihpa kiah ta, saikao liata mierâ thozy hry liata a duah ta, a hnôh lâta arâ saihpa, arâ peipa nata arâ râhpazy y ei ta.

BIEPHUAH 19:11

Chatawhcha vârâh a vaw pahy ta, arâ râhpa hmô na ta. A chô liata a kiahpa cha Ngâchhihpa nata Hmeiseihpa moh bipa châ ta, siana ta ryureih ta, chariah a dyuhpa a châ.

BIEPHUAH 20:11

Chatawhcha beidyuchhai diehpa rônahpa nata a chô liata a tyuhpa hmô na ta. A hmiakô tawhta alei nata avâ a râ ei ta, âmo châta su rai y khao vei.

BIEPHUAH 6:2

Kaw moh na ta, arâ râhpa hmô na ta. A chô liata a kiahpa cha libaw a chaba ta, a hnohta lakho piepa châ ta, pahnietuhpa châ awpa nata pahnie lymâ awpa ta pua ha ta.

BIEPHUAH 6:8

Kaw moh na ta, arâ peipa hmô na ta, a chô liata a kiahpa moh cha Thina châ ta, a hnôh lâta Athihkhih ta vaw pazi ta. Khizaw zydua he su palih ta pachhaih ta su kha cha, zaozi, chakâhna, hri nata alei liata sahrâhpazy hmâpa ta thie awpa ta, ama hnohta biehneina piepa a châ.