ZEKARIA 6:12 - Mara Bible RV (BSI)

¹² A hnohta, ‘Pheisaihzy Abeipa ta hetana heta a tah: Moh teh, Chhyh tahpa ta moh bipa chyhsa cha, a yna su tawhta a chhyh kaw thao aw ta, ano ta Abeipa Achhyna o a sa aw.

ZEKARIA 6:12 ပူးပေါင်းရင်းမြစ်များ

2 SAMUELA 7:13

Ano ta ei moh châta o sa aw ta, kei ta â beinarâh beidyuchhai cha chhâzaw châta ei pa-i aw.

EZRÂ 3:10

Osatuhpazy ta Abeipa Achhyna o lôbô ama bô nahta, theihthaipazy ta ama theihthaipa chysiazy ta a tobipa ta, chiahmiezy chabapa ta hmia lâ vaw pua ei ta, Livai chi Asâpha pathlazy chhao paotlâzy chabapa ta, Izarei bei Dâvi biepiepa hawhta Abeipa reithai awpa ta vaw pua hra ei ta.

EZRÂ 3:8

Zerusale liata Khazohpa o ama tlô tawhta kô nona, thla nona liata, Siati sawchapawpa Zerubâbe nata Zôzadâ sawchapawpa Zesua nata ama heinawh theihthaipazy, Livai pathlazy nata seichâna tawhta Zerusale lâ a vaw liepa zydua ta Achhyna o paduapathina rai hria pathao ei ta. Kô kih tawhta chô lâ Livai pathlazy cha Abeipa o sana raihria hyutuhpazy ta ama rao.

ISAI 11:1

Zese thabypa tawhta chhyh vaw thao aw ta, A tharizy tawhta a chiah a thaopa a pathei aw.

ISAI 4:2

Cha noh liata, Abeipa chiah cha a ngia ngaitapa ta rônah ngaita aw ta, râh theizy cha Izarei laibâhpazy châta amâ palaikheipa nata ama rônahna a châ aw.

ISAI 53:2

Ano cha tho daw hawhta Abeipa hmiakô liata laiseih ta, Alei hipa liata tho thari hawhta a laiseih. Mo khoh kaw awpa pizie phana hnei leipa ta, Chhithaina hnei vei; Eima tlaichhai kaw awpa Angiana hnei hra vei.

ZEREMIAH 23:5

“Moh teh u, Davi châta Chiah siapa ei padua nawpa daihti a vaw tlô hai. Ano cha ryureituhpa abei châ aw ta, so ngaitapa ta hmo tao aw ta, adona nata siana ta râh liata ryu a reih aw,” Abeipa ta a tah.

ZEREMIAH 33:15

“Cha nohzy liata nata cha daihti liata, Dâvi châta Chiah siapa papyusa aw na ta, adona nata siana ta râh liata ryu a reih aw.

EZEKIA 37:25

Nâ chakaotuhpa Zakaw hnohta râh ei piepa, châ pathlatuhpazy vaw pahrâ tyhna râh liata ama pahrâ aw. Cha liata âmo nata ama sawzy nata ama samohzy chhâzaw ta pahrâ aw ei ta, nâ chakaotuhpa Dâvi cha chhâzaw ta ama bei a châ aw.

EZEKIA 41:1

Chatawhcha chyhsa chata Achhyna opi lâ nâ chhi ta, a pâhchhô chatipazy thlie ta, a kâ chavei chachâh ta dy charu chha ta, cha cha byureih hâ a châ.

AMÔSÂ 9:11

“Cha noh liata, Dâvi byureih a pao hapa cha, Ei pathyu aw; Apyupazy pamai aw na ta, Araopazy ei padua aw; Hlâno tahpa hawhna khata, Ei paduapathi heih aw.

MIKÂ 5:5

Ano cha ama thlalôhna a châ aw. Asuria ta eima râh lâ a vypa ta, Eima abei ozy a tlypâ khiahta cha, Ano a dyuh awpa ta, Mietaku vaituhpa pasari pathyu aw pi ta, Beimachâ pacharie eima pathyu aw;

ZEKARIA 13:7

“Hy Zaozi, a hra teh; Ei mietaku vaituhpazy a dyuh la, Nâ chakaotuhpa a dyuh teh,” Pheisaihzy Abeipa ta a tah. “Mietaku vaituhpa tu la, Mietakuzy pai aw ei ta, Mietakutawzy chô liata ei ku ei pazawh aw.

ZEKARIA 3:8

Hy Zawsua, theihthai beichaipa y, tahmâ na thlie la, na hmiakô liata a tyuhpa, theihthaipa na châ lâhpazy chhao ta nathlie mawh ei sy. Âmo cha hmo vaw tlô awpa ngianazy ama châ. Moh teh, Chhyh a vaw chhi aw na ta, ano cha nâ chakaotuhpa a châ.

ZEKARIA 8:9

Pheisaihzy Abeipa ta hetana heta a tah: “Nâmo, tahmâ nota hrohsopazy pakah tawhta a puapa biezy a thei tyhpazy saih u, nama ku thapatlô teh u. He hrohsopazy he Achhyna o, Pheisaihzy Abeipa o lôbô bô nota a y hrapazy ama châ.

MATHAI 16:18

Chavâta ei cha chho, nâ cha Pity na châ. He lôpanô chô liana heta ei Awnanopa padua aw na ta, Athihkhih chhikaozy ta pahnie aw vei.

MATHAI 26:61

“He chyhsa heta, ‘Khazohpa Achhyna o he phie thei na ta, noh thôh chhôh ta ei paduapathi thei,’ a tah,” tah ei ta.

MÂKA 14:58

“He chyhsa heta, ‘He Achhyna o, ku ta sapa he phie aw na ta, noh thôh chhôh ta Achhyna o hropa ku ta sa leipa ei padua aw,’ a tahpa eima thei,” tah ei ta.

MÂKA 15:29

Cha su a chapiapazy ta ama luh chahuahpa ta, “Âh! Nâ, Achhyna o phie ta, noh thôh ta a sa heih awpa chi,

MÂKA 15:39

A hmiakô liata a duahpa pheisaih za kha hyutuhpa ta, cha hawhta a hu chhâpa cha a hmô nahta, “He chyhsa he Khazohpa Sawchapawpa a châ hmeiseih tlai na,” tah ta.

LUKA 1:78

Eima Khazohpa zawngiahna vâta, Chô lâ tawhta noh chhipa ta miah a za tly aw;

ZAWHÂNA 1:45

Phili ta Nâthaniah a hmô nahta, a hnohta, “Ryhpa châbu liata Mawsi ta a thâtih a ropa nata hrohsopazy ta ama ropa kha eima hmô haw. Ano cha Zawsi sawchapawpa Nâzari Zisu a châ,” tah ta.

ZAWHÂNA 19:5

Zisu cha hloh lakho a khopa nata poh saihlawpa a bupa ta vaw pua ta. Pilâ ta ama hnohta, “Moh teh u, he chyhsa hih!” tah ta.

HMOTAOPAZY 13:38

Chavâta unawh saih u, he hmo he pahno teh u, cha chyhsa vâta moleinazy ngiahthaina kyh nama hnohta phuahpa a châ hih.

HMOTAOPAZY 17:31

Ano ta â tlyhpa hmâpa ta, siana ta khizaw a pachia nawpa noh a rao haw. Â tlyhpa chyhsa cha athihpa hry tawhta a pathyuna liata, pachiana a y tlai awpa a châzie chyhsa zydua hnohta a pa-i haw,” tah ta.

1 KAWRINI 3:9

Keimo he Khazohpa hrialâhpazy châ pi ta, nâmo Khazohpa lyu châ ei chi ta, Khazohpa o sapa nama châ.

HEBRAI 10:12

Krista deikua cha, moleinazy châta atheihna miakha, chhâzaw châta ei kha a hlâ khai tawhta, Khazohpa chachâh lâta a tyuh ta,

HEBRAI 7:24

Zisu deikua cha, chhâzaw ta a hrohpa a châpa vâta, a thla beih leipa, chhâzaw theihthaipa a châ.

HEBRAI 7:4

Cha chyhsa rônahzie cha pachâ tua u! Pathlatuhpa Abarahâ chhao khata hraona sôh tawhta su hrawh su kha a piepa kha a châ.

HEBRAI 8:3

Theihthai beichaipa maih cha hmopiepa nata atheihnazy hlâ awpa ta raopa ama châ. Chavâta he theihthai beichaipa chhao he, khâpa chhâ tlyma hlâ awpa a hnei awpa a byuh.