ZEKARIA 4:7 - Mara Bible RV (BSI)

⁷ Hy tlâhpi laipa, khâ ma na châ hlei tly? Zerubâbe hmia liata la pahnaipa ta paby khaipa na châ aw. Alô pha chaipa vaw tlôkhei aw ta, ‘Â ngia tlai na, â ngia tlai na’ tahpa ta awh aw ei ta ama dy aw,” tah ta.

ZEKARIA 4:7 ပူးပေါင်းရင်းမြစ်များ

EZRÂ 3:10

Osatuhpazy ta Abeipa Achhyna o lôbô ama bô nahta, theihthaipazy ta ama theihthaipa chysiazy ta a tobipa ta, chiahmiezy chabapa ta hmia lâ vaw pua ei ta, Livai chi Asâpha pathlazy chhao paotlâzy chabapa ta, Izarei bei Dâvi biepiepa hawhta Abeipa reithai awpa ta vaw pua hra ei ta.

HLAZY 114:4

Tlâhpizy ta mietaku tôhpazy hawhta châki zoh ei ta, Tlâhthlôhzy ta mietakutawzy hawhta châki ama zoh.

HLAZY 114:6

Hy tlâhpizy saih u, Khazia mietaku tôhpazy hawhta châki nama zoh? Hy tlâhthlôhzy saih u, Khazia mietakutawzy hawhta châki nama zoh?

HLAZY 118:22

O satuhpazy alô kho leipa kha, Abôna lô a vaw châ haw.

HLAZY 84:11

Zehôvâh Khazohpa cha noh nata vyhphao châ ta, Abeipa cha khokheina nata palyupalihna a pietuhpa a châ. Âdopa ta a ypazy châta cha, Hmo phapa thlyu aw vei.

ISAI 28:16

Abeipa Zehôvâh ta hetana heta a tah: “Moh teh u, Zaio liata alô bô na ta, Alô pasia chiehpa a châ; A ki liata alô sôhpa châ ta, Abôna a ipa a châ: ‘A ngiapâpa maih a chalyu aw veih ei.’

ISAI 41:15

Pachâ teh, sâh tlyna chhaichhi ta ei cha tao aw; Sâh tlyna thiehpa nata tiahpa ta cha tao aw na ta, Sâ tlyna hâh hneipa ta ei cha tao aw. Tlâhpizy tlypa ta pazao aw chi ta, Tlâhthlôhzy sâh sihpa hawhta na tao aw ei.

ZEREMIAH 33:11

Alyna nata thaphana aozy thei heihpa châ aw ta, myuhneituhpa nata myuh aozy chhao thei heihpa châ aw ta, Abeipa o lâta alyna biereina hmohlâpa a vaw cheihpazy ao chhao thei heihpa châ aw ta, “‘Pheisaihzy Abeipa hnohta alyna bie reih teh u, Abeipa cha pha ta, A kyhpachâna tlyzaw ta a ypa a châ!’ ama tah aw. Hmiatuapa daihti hawhna khata, râh cha vânoh ei patosa heih aw,” Abeipa ta a tah.

ZEREMIAH 51:25

“Hy khizaw zydua a paraotuhpa tlâhpi, Moh teh, ei châ dyuh hih; Na chô liata ei ku hypa ta, Lôkâh sâhpa tawhta cha pahluah aw na ta, Tlâh kâupa ta ei cha tao aw” Abeipa ta a tah.

MIKÂ 1:4

Mei liata kheihlôh a zaopa hawhta, Pâdawhpa liata ti a chakhaopa hawhta, Tlâhpizy cha ano ry liata zao aw ei ta, Saikaozy ama kaichheih aw.

MIKÂ 4:1

Noh hnôhlâzy liata cha, Hetana heta a vaw châ aw: Abeipa o tlâh cha, Tlâhpi a sâh chaipazy liata paduapa châ aw ta, Tlâhthlôhzy chô lâta chaluahpa a châ aw; Chatanachata phopizy ta ama by aw.

HABAKU 3:6

A duah ta, alei chathosa ta, Moh ta, phopizy a chalyusa. Tlâhpi hlôpazy pao ei ta, Tlâhthlôh hlô thlâhpazy ama cho. A lâpizy cha chhâzaw lâpizy a châ.

ZEKARIA 4:8

Abeipa bie ei hnohta vaw tlô heih ta:

ZEKARIA 4:9

“He o pathaona lôbô he Zerubâbe ku ta bôpa châ ta, ano ku ta a patlô aw. Chatanachata Pheisaihzy Abeipa ta nama hnohta eina tuah tahpa nama pahno aw.

MATHAI 21:21

Zisu ta a chhy ta, “Hmeiseihta ta ei cha chho ei, a lôh leina hnei leipa ta namâ ngiapâ khiahta la, theiku kô chô liata taopa he nama tao thei hrapa dei châ leipa ta, he tlâh hnohna chhao heta, ‘A pasie la, tilaipi liata a thy teh,’ nama tah khiahta cha, nama reipa hawhta a y aw.

MATHAI 21:42

Zisu ta ama hnohta, “Biehrai liata, “‘O satuhpazy alô kho leipa cha, A ki lô a vaw châ haw; Cha cha Abeipa taopa châ ta, Eima mo liata â ngia ngaita,’ tahpa bie reih beih veih ei chi ma?

MÂKA 12:10

Biehrai liata, “‘O satuhpazy alô kho leipa kha, A ki lô a vaw châ haw;

LUKA 20:17

Zisu ta âmo cha moh ta, “Cha khiahta cha, he bie ropa he khâpa ma a châ tly? “‘O satuhpazy alô kho leipa cha, A ki lô a vaw châ haw,’ tahpa hih,” tah ta.

LUKA 3:5

Saikao to pabiepa châ aw ta, Tlâhpi nata tlâhthlôh to pahnaipa a châ aw. Lâpi akopazy patlâpa châ aw ta, Lâpi chhiepazy pamihpa a châ aw.

HMOTAOPAZY 4:11

Cha Zisu cha, nâmo, o satuhpazy ta alô nama kho leipa, a ki liata alô phahnai chaipa a châ.

RAWMA 11:6

Ngiachhiena vâta a châ khiahta cha, hmotaopa vâta châ khao vei. Cha hawhta a châ vei khiahta cha, ngiachhiena cha ngiachhiena châ khao aw vei.

EPHESI 2:20

Krista Zisu cha a ki liata alô peimawh chaipa châ ta, lyuhchâpazy nata hrohsopazy lôbôpa chô liata sapa nama châ.

1 PITY 2:7

Chavâta Krista cha nâmo, ngiapâtuhpazy châta hmo sôh ngaitapa châ ta, ngiapâleipazy châta deikua cha, “O satuhpazy kho leipa alô cha, A ki liata alô phahnai chaipa a vaw châ haw;

BIEPHUAH 16:20

Liahpahlô zydua a râpai ei ta, tlâhzy hmô awpa y khao vei.