ZEKARIA 4:6 - Mara Bible RV (BSI)

⁶ Ano ei hnohta: “He he Zerubâbe châta Abeipa bie a châ: ‘Thatlôna vâta châ leipa ta, biehneina vâta châ hra leipa ta, ei Thlahpa ta tlao châ mawh sy,’ Pheisaihzy Abeipa ta a tah.

ZEKARIA 4:6 ပူးပေါင်းရင်းမြစ်များ

ÂTHAONA 41:16

Zawsi ta Phiraoh cha a chhy ta, “Cha cha keima liata y vei. Khazohpa ta Phiraoh hnohta palôtlâh a chhihpa achhyna tlao a pie aw,” tah ta.

1 ABEIZY 19:12

Alo â sih khai tawhta mei vaw pua ta, châhrasala Abeipa cha mei liata y leipa ta. Mei khai tawhta ao nai zualuapa vaw pua ta.

2 THÂTIHZYRONA 14:11

Âsâ cha Abeipa a Khazohpa pado ta, “Hy Abeipa, thatlôpa ku tawhta chiehleipa a pachha thei awpa cha, nâ leipa ta ahy hmah y veih ei. Hy Abeipa eima Khazohpa y, rie miah bao mah y. Nâma a ngâchhâpa ta, na moh ta he pheisaih hluh ngaitapa he eimâ vaw dyuh. Hy Abeipa y, nâ cha eima Khazohpa châ chi ta, chyhsapa ta cha pahnie khah sy,” tah ta.

EZRÂ 2:2

Chazy cha Zerubâbe, Zesua, Nehemiah, Seriah, Relai, Môdekai, Bilsâ, Mispâ, Bikavai, Rehu nata Bânâ zy hnohta â liepazy ama châ. He he seichâna tawhta a vaw kuapa Izarei phopi maluh a châ:

EZRÂ 3:10

Osatuhpazy ta Abeipa Achhyna o lôbô ama bô nahta, theihthaipazy ta ama theihthaipa chysiazy ta a tobipa ta, chiahmiezy chabapa ta hmia lâ vaw pua ei ta, Livai chi Asâpha pathlazy chhao paotlâzy chabapa ta, Izarei bei Dâvi biepiepa hawhta Abeipa reithai awpa ta vaw pua hra ei ta.

EZRÂ 5:2

Siati sawchapawpa Zerubâbe nata Zôzadâ sawchapawpa Zesua cha thyu ei ta, Zerusale liata Khazohpa o paduapathina rai cha hria pathao heih ei ta. Khazohpa hrohsopazy chhao, âmo bao awpa ta ama hnohta y ei ta.

HLAZY 33:16

Abei cha a pheisaih hluh ngaitapa vâta pachhapa ta y leipa ta, Pasaipha chhao a thatlô ngaitapa vâta pachhapa ta y vei.

BIECHHOTUHPA 9:11

Noh ry liata ei hmô heihpa cha he he a châ: Arâpasuana liata a râ theipa ta pahniena to hlei leipa ta, Adyuhna liata chhao thatlôpa ta pahniena to hlei vei; Asopa ta nie a phahla ta, Novâhpa hneirôh hlei leipa ta, Athaipa chhao khokheina to hlei vei. Chyhsa to ta daihti nata ryhpaohna ama hnei chyu.

ISAI 30:1

“Saw chhorupazy ama hu a po na,” Abeipa ta a tah. “Ryhraona tao ei ta, Châhrasala keima ryhraopa châ vei; Azaona tao ei ta, Châhrasala ei Thlahpa ta taopa châ vei. Chavâta moleina ama baichha via lymâ.

ISAI 32:15

Chô lâ tawhta Thlahpa hrypa eima châ tita, Râhchawhpa cha lei phapa lyu lâta a lie aw ta, Lei phapa lyu cha râhmâhpa a lyu hlâlei cha, Cha hawhta a châ aw.

ISAI 34:16

Abeipa châbu liata tlua u la, reih teh u: Chazy hry liata pô kha hmahta a ki leipa y leipa aw ta, Kaolâh a hnei leipa pô kha hmah y aw vei. Abeipa pakah ta biepie ha ta, A Thlahpa ta a pahmaoh ha ei.

ISAI 59:19

Abeipa cha Abeipa thlih ta tôh aw ta, Tisaih ru ngaitapa hawhta â vy awpa vâta, Abeipa moh cha notla lâ tawhta chi aw ei ta, A rônahna nochhi lâ tawhta ama chi aw.

DÂNIAH 2:34

Na mo thlâh ha nota, alô miakha cha chyhsa ku ta chakhiapa châ leipa ta ano kho tlai ta zâ chakhia ta, cha chata thua nata beihlei ta taopa nothlahpa phei cha za vi ta, a pazao khai haw.

HÔSIA 1:7

Zudâh chhôhkha hnohta deikua cha ei kyhpachâna ei palâsa aw. Pahniena pie aw ei na ta, libaw ta tlyma, zaozi ta tlyma, adyuhna ta tlyma, arâ nata a kiahtuhpazy vâta tlyma pahniena châ leipa aw ta, Abeipa ama Khazohpa vâta pahniena a châ aw,” tah ta.

HÂKAI 1:1

Bei Dâria abeina kô nona, thla charuna, noh khana noh ta, hrohsopa Hâkai hmâpa ta Siati sawchapawpa Zudâh râh ryureituhpa Zerubâbe nata Zehôzadâ sawchapawpa theihthai beichaipa Zawsua hnohta Abeipa bie vaw tlô ta.

HÂKAI 2:21

“Zudâh râh ryureituhpa Zerubâbe hnohta hetana heta chho teh: ‘Alei nata avâ ei chalyu daihmâ haw.

ZEKARIA 6:12

A hnohta, ‘Pheisaihzy Abeipa ta hetana heta a tah: Moh teh, Chhyh tahpa ta moh bipa chyhsa cha, a yna su tawhta a chhyh kaw thao aw ta, ano ta Abeipa Achhyna o a sa aw.

MALUHREINA 27:16

“Zawpizy he chhihtha awpa ta, Abeipa, chyhsa zydua thlahpa Khazohpa ta chyhsa pakha rao mawh sy.

EPHESI 6:17

Chatawhcha pachhana lakhu a khu u la, Thlahpa zaozi a chaba teh u. Thlahpa zaozi cha Khazohpa bie a châ.

1 PITY 1:12

Cha biezy cha hrohsopazy ta ama rei nota, âmosasyh â chakaopa châ leipa ei ta, nâmo châ chakaopa ama châzie ama hnohta pahnosapa ama châ. Cha hmozy cha vârâh tawhta tuapa Thlahpa Pathaihpa baona ta thâtihpha châ chhotuhpazy ta tahmâ nota ama cha chhopa hmozy he a châ. Cha hmozy cha vâlyuhchâpazy chhao ta hmô awpa ama khoh kaw tyh.

1 SAMUELA 14:6

Zawnathâ ta a chariah chhaichhi a chabatuhpa satliapa hnohta, “A vy teh, chopawtaileipa sahlao pheisaihzy yna lâ hao vaw tua ei si. Abeipa ta hmo miah a taopa thlâh ha ngyu aw. Chyhsa hluhpi ta tlyma, chyhsa chyhta tlyma, pachhana rai hria awpa ta Abeipa cha khâpa ta hmahta pakhâ thei vei,” tah ta.

1 SAMUELA 17:47

He liata ahmaohpakhypa zydua chhao heta, Abeipa ta zaozi nata asei ta pachha vei tahpa ama pahno aw. Adyuhna he Abeipa eih châ ta, Abeipa ta nâmo he eima ku liata miah a pie aw,” tah ta.