ZEKARIA 4:2 - Mara Bible RV (BSI)

² “Khâpa ma na hmô?” na tah ta. Kei ta, “Ngôh suapa ta taopa meiôh tôh, a pawhmao liata a beikoh y ta, beikoh tawhta pâthao miasari kaw pua ta, cha chô liata meiôh miasari a ypa hmô na ta,

ZEKARIA 4:2 ပူးပေါင်းရင်းမြစ်များ

1 THÂTIHZYRONA 28:15

ngôh meiôh patyunazy nata meiôhzy taona châta ngôh hmâ awpa zie zy, meiôh patyuna miakha nata meiôh miakha châta ngôh hmâ awpa zie zy, tâkâ meiôh patyuna miakha nata a meiôhzy châta tâkâ hmâ awpa zie zy cha, chakaona châta meiôh patyuna tao nawpa ta hmâ byuhpa zie lymâ hawhta a chho khai.

2 THÂTIHZYRONA 13:11

Noh chareih nata zâ chareih ta Abeipa lâ raopa hlânazy nata ia-ô pahâhpa ropahâhpazy hlâ ei ta, ngôh suapa ta taopa tlâhkhai liata viahchhâ chaluahpazy soh tyh ei ta, zâ to ta a khaih thei nawpa ta meiôh patyuna nata a meiôhzy ama mohôh lymâ. Keimo la Abeipa eima Khazohpa biepiepa zyh pi ta, nâmo deikua la Abeipa nama tleisai haw.

2 THÂTIHZYRONA 4:7

A taonazie awpa raopa hawhta, ngôh ta meiôh patyuna miahrawh tao ta, Achhyna o chhô liata chho lâchhâh miapangawh, maw lâchhâh miapangawh soh ta.

BIECHHOTUHPA 12:6

tâkâ ri a chie hlâta, ngôh biebuh a kei hlâta, tihnawh liata alei beih pakeipa a châ hlâta, tikhaoh liata tiaki a kei hlâta;

ZEREMIAH 24:3

Abeipa ta, “Zeremiah, khâpa na hmô?” na tah ta. Kei ta, “Theikuzy, theiku phapa a pha ngaitapazy nata theiku chhiepa, nie tlâh leina taihta a chhiepazy ei hmô,” tah na ta.

ZEREMIAH 52:19

nyuzy, mei lanazy, rahôzy, beihzy, sathaw meiôh sonazy, ropahâhpa raona beihkohzy nata dopa hlâna châta hmâpa biebuhzy chhao ama la khai haw. Abei vaituhpazy hyutuhpa ta, ngôh ta taopazy cha ngôh hmobaohzy hry liata soh ta, tâkâ ta taopazy cha tâkâ hmobaohzy hry liata sopa ta a siekhei khai haw.

AMÔSÂ 7:8

Chatawhcha Abeipa ta ei hnohta, “Amôsâ, khâpa ma na hmô?” na tah ta. Kei ta, “Padona ri,” tah na ta. Abeipa ta hetana heta a tah: “Moh teh, ei phopi Izarei sawzy hry liata padona ri parai na ta, Chapia beih khao aw veih ei na;

ZEKARIA 5:2

Ano ta, “Khâpa ma na hmô” na tah ta. Kei ta, “Châ chatypa a zaw ngâpa, a doh lâ dy kih seih ta a hâ lâ dy hrawh a kawhpa ei hmô” tah na ta.

BIEPHUAH 1:12

Ei hnohta biereituhpa ao cha hmô a chhuahpa ta a kaw heih na ta. Ei kaw heih nahta, ngôh meiôh patyuna miasari hmô na ta.

BIEPHUAH 1:20

Ei ku chachâh lâta awhsi miasari na hmôpazy nata ngôh meiôh patyuna miasari na hmôpazy kyh liata bienyupa cha he he a châ: Awhsi miasarizy cha awnanopa hlao sarizy châta vâlyuhchâpazy châ ei ta, meiôh patyuna miasarizy cha awnanopa hlao sarizy ama châ,” tah ta.

BIEPHUAH 4:5

Beidyuchhai tawhna chata dôhlazy, aozy nata tôkalôhpa a thuapa pyuzy vaw pua hôlô ta. Beidyuchhai hmiakô liana cha meirei iapa miasari y ta, chazy cha Khazohpa thlahpa pasarizy ama châ.