ZEKARIA 3:4 - Mara Bible RV (BSI)

⁴ Vâlyuhchâpa ta, Zawsua chakaotuhpazy hnohta, “A chysia puapazy kha pahluhpa teh u,” tah ta. Zawsua hnohta, “Moh teh, na moleina ei cha lapa haw. Chysia rônahpazy ta ei cha tobi aw,” tah ta.

ZEKARIA 3:4 ပူးပေါင်းရင်းမြစ်များ

2 SAMUELA 12:13

Dâvi ta Nâthâ hnohta, “Abeipa chô liata hmo ei parao haw,” tah ta. Nâthâ ta Dâvi hnohta, “Abeipa chhao ta na moleina a pahlei haw, thi aw va chi.

1 ABEIZY 22:19

Mikai ta, “Chavâta Abeipa bie he nathlie teh: Abeipa cha a beidyuchhai liata â tyupa hmô na ta, vâmo zydua ta a chavei chachâh ta a kiapâh liata amâ duapa ei hmô.

HLAZY 51:9

Ei moleinazy tawhta na hmia nyu la, Ei paraona zydua pahlei khai mah y.

ISAI 43:25

“Kei, keima tlai he, Ei moh vâta na paraonazy a phietuhpa châ na ta, Na moleinazy a thei khao aw va na.

ISAI 44:22

Na paraonazy meihdo hawhta papai ha na ta, Na moleinazy ameih hawhta ei papai haw. Cha chatlai ha na ta, Chavâta kei lâ vaw kua ha mah y.

ISAI 52:1

Hy Zaio, a hra la, a hra la, Na thatlôna ta a tobi mah y; Hy Zerusale, khihpi pathaihpa, Na chysia a ngiapazy ta a tobi mah y. Tahmâ tawhta cha, Chopawtaileipa nata pathaih leipazy Na chhôh liata a ngia khao aw veih ei.

ISAI 61:10

Myuhneituhpa ta theihthaipa hawhta a luh a tobi ta, Myuh ta lôsôhpazy ta â tobipa hawhta; Abeipa ta pachhana chysiazy ta na tobi ta, Siana poh eina pabu; Chavâta Abeipa liata thapha ngaitapa ta y aw na ta, Ei Khazohpa liata ei hro â ly ngaita aw.

ISAI 61:3

Zaio liata mâchhie a sapazy hnohta, Buchâh vyuhpa ta, Khutho pie awpa ta eina tuah; Mâchhiesana vyuhpa ta, Thaphana sa­thaw pie awpa ta tuah ta; Thachhâna thlahpa vyuhpa ta, Reithaina chysia pie awpa ta eina tuah. Abeipa lopa siana ôkâ thozy tahpa ta awpa châ aw ei ta, Abeipa cha palyupalihpa ta a y aw.

ZEREMIAH 52:33

Zehôkhi cha patâhna o chysiazy pahluh ta, a hro chhôh zydua ta abei tlâhkhai liata pati a dôh lymâ.

EZEKIA 36:25

Ti pathaihpa cha thia aw ei na ta, nama pathaih leina zydua tawhta vaw pathaih aw ei chi ta, nama khazoh nothlahpa zydua tawhta chhao ei cha pathai aw ei.

EZEKIA 42:14

Theihthaipazy ta Su Pathaihpa chhôh lâ amâ ngia tita, ama chakaona chysiazy khôtho lâ ama puakhei awpa châ vei. Chysia pathaihpazy a châpa vâta, Su Pathaihpa liata soh aw ei ta, chysia hropazy amâ thla khai tawhta vâtlâh suzy lâ ama pua awpa a châ,” tah ta.

MIKÂ 7:18

Nâ hawhta a ryuto laibâhpazy moleina a ngiahthai ta, Ama paraona a mopakhôpa Khazohpa he, Ahy ma a y? Ano cha kyhpachâna tleih beih leipa liata â lypa vâta, A hiehâhna cha chhâzaw ta a vao thlâh ha vei.

MIKÂ 7:19

Zawh miah a ngiah heih aw ta, Eima moleinazy phei ta a tlypâ aw. Eima moleina zydua cha, Tilaipi ry lâ na thy ha aw.

ZEKARIA 3:1

Chatawhcha Abeipa vâlyuhchâpa hmiakô liata â duahpa theihthai beichaipa Zawsua nata ano leih awpa ta a chachâh lâta a duahpa Sâtâ na pahmô ta.

ZEKARIA 3:7

“Pheisaihzy Abeipa ta hetana heta a tah: Ei lâpizy a chhihpa ta, ei biepiepazy na zyh khiahta cha, ei o liata ryurei aw chi ta, ei dôhpachhôh tlyhmia liata chhao biehnei aw chi ta, he liata chakaotuhpazy hry liata su ei cha pie aw.

ZEKARIA 3:9

Zawsua hmiakô liata alô ei sopa he a phapa ta ngia teh u, mokhaoh miasari a hneipa alô a châ. A chô liata bie roh aw na ta, he râh moleinazy he noh kha chhôh ta ei pahlei khai aw.

MATHAI 22:11

“Abei cha kyhchhi a hlaopazy moh awpa ta a vaw ngia ta, cha liata chyhsa pakha ahneina chysia a tobi leipa hmô ta,

LUKA 1:19

Vâlyuhchâpa ta a chhy ta, “Kei he Kabriel ei châ. Khazohpa hmiakô liata a duah tyhpa châ na ta, bie cha chho ta, he thâtih lychhihpa he cha vaw tlôkhei awpa ta tuapa ei châ.

LUKA 15:22

Châhrasala a paw ta a chakaotuhpazy hnohta, ‘Poh pha chaipa kha vaw cheih para u la, vaw pabu teh u. A ku liata kusadi paky u la, a phei liata pheiky paky teh u.

ZAWHÂNA 1:29

A mylâ ta Zawhâna cha Zisu ta a vaw pangai haipa hmô ta, “Moh teh u, Khazoh Mietakutaw, khizaw moleina a siekheituhpa huh!

RAWMA 3:22

Cha Khazohpa siana cha, Zisu Krista amâ ngiapâpa vâta ngiapâtuhpa zydua hnohta paluahsapa ta a y. Ananona rai y vei.

RAWMA 6:23

Moleina hlao cha thina châ tlôh ta, Khazohpa hmosaipiepa deikua cha, eima Beipa Krista Zisu zawhzi ta chhâzaw hrona a châ.

1 KAWRINI 6:11

Nama hry liata thokha chhao, cha hawhpa chyhsa nama châ tyhpa kha. Châhrasala pasipa nata pathaisapa châ ha ei chi ta, Abeipa Zisu Krista moh ta nata eima Khazohpa Thlahpa ta thai pachâsapa nama châ haw.

2 KAWRINI 5:21

Krista zawhzi ta Khazohpa siana eimâ hly thei nawpa ta, moleina rai a hnei leipa cha, Khazohpa ta keimo vâta moleipa ta a tao.

KAOLAOSÂ 3:10

Chyhsa thiehpa ta a tobi ha ei chi ta, cha chyhsa thiehpa cha pahnona hnei awpa ta, ano taotuhpa lyupa ta tao pathipa ta a y lymâ.

HEBRAI 8:12

Ama paraopazy liata zawh a ngiah aw na ta, Ama moleinazy a thei khao aw va na.”

BIEPHUAH 5:11

Chatawhcha kaw moh na ta, beidyuchhai nata hmohrohneipazy nata machâzy chheipâh liata vâlyuhchâpa hluhpi ao thei na ta, ama hluhzie cha thysâh hluhpi ama châ.

BIEPHUAH 7:14

Kei ta a hnohta, “Pâpuh, pahno va na, nâ ta tlao na pahno,” tah na ta. Ano ta ei hnohta, “Hezy he rietheipasana ru ngaitapa tawhta a vaw puapazy ama châ hih. Ama pohzy Mietakutaw thisaih ta pasupa ta ama padiehsa haw.