ZEKARIA 3:1 - Mara Bible RV (BSI)

¹ Chatawhcha Abeipa vâlyuhchâpa hmiakô liata â duahpa theihthai beichaipa Zawsua nata ano leih awpa ta a chachâh lâta a duahpa Sâtâ na pahmô ta.

ZEKARIA 3:1 ပူးပေါင်းရင်းမြစ်များ

ÂTHAONA 3:15

Nâ nata chanô likah liata, Akhakhaina paysa aw na ta, Na pathla nata a pathla chhao amâ khakhai aw. Ano ta na luh cha pakei aw ta, Nâ ta a phei ngavâhmaothy thi na padôsa aw,” tah ta.

ÂTHAONA 48:16

Hmo pha leipa zydua tawhta nâ chatlaituhpa Vâlyuhchâpa ta, Hawtizy he byhnâ pie sala, Âmo liata ei moh phaoh lymâpa châ mawh sy. Nâ pathlatuhpa Abarahâ nata Aisika zy moh chhao, Phaoh lymâpa châ sala; Alei chô liata thata vaw pôh mawh ei sy,” tah ta.

1 THÂTIHZYRONA 21:1

Sâtâ ta Izarei a dyuh awpa ta thyu ta, Izarei maluhpi rei awpa ta Dâvi cha reipasao ta.

2 THÂTIHZYRONA 29:11

Ei saw saih u, diathlâpa ta y khuh vy. Abeipa ta a hmiakô liata a duah ta, ano chakao ta, ano châta chakaotuhpazy châpa ta, atheihnazy hlâ awpa ta a châ tlyh ei hih,” tah ta.

EZRÂ 10:18

Hezy he theihthaipa sawzy hry tawhta chihropa chanô lapinô ta a hneipazy ama châ: Zôzadâ sawchapawpa Zesua pathlazy nata a unawhzy tawhta Mâsei, Elieze, Zari nata Kedaliah zy châ ei ta,

EZRÂ 2:2

Chazy cha Zerubâbe, Zesua, Nehemiah, Seriah, Relai, Môdekai, Bilsâ, Mispâ, Bikavai, Rehu nata Bânâ zy hnohta â liepazy ama châ. He he seichâna tawhta a vaw kuapa Izarei phopi maluh a châ:

EZRÂ 5:2

Siati sawchapawpa Zerubâbe nata Zôzadâ sawchapawpa Zesua cha thyu ei ta, Zerusale liata Khazohpa o paduapathina rai cha hria pathao heih ei ta. Khazohpa hrohsopazy chhao, âmo bao awpa ta ama hnohta y ei ta.

HLAZY 106:23

Chavâta âmo cha pahleipadia a chhuah ta, A hiehâhna pakuasa awpa ta, A chyhsa atlyhpa Mawsi ta, Âmo nata Khazohpa likawh liata a duah vei mawh sala, A pahleipadia khai ha aw ei.

HLAZY 109:6

Leihtuhpa a dyuh awpa ta chyhsa moleipa rao la, Leihtuhpa cha a chachâh lâta a duah mawh sy.

ZEREMIAH 15:19

Chavâta Abeipa ta hetana heta a tah: “Na vaw kua khiahta cha, Cha paduapathi aw na ta, Ei hmiakô liata nâ duah heih aw. Hmo sôhpa kyh reih la, Hmo phahnai leipa na reih leipa khiahta cha, Ei pakah hawhta na châ aw. Nâ lâ a vaw heih aw ei ta, Nâ deikua cha âmo lâ a heih aw va chi.

EZEKIA 44:11

Ei supathaihpa liata chakaotuhpa châ aw ei ta, Achhyna o chhikaozy vaih aw ei ta, Achhyna o chhôh liata chakaona rai ama hria aw. Zawpi ta raona hlâna nata atheihna ama hlâpa sazy thiepa aw ei ta, zawpi chakao awpa ta ama hmiakô liata amâ duah tyh aw.

EZEKIA 44:15

“Izarei sawzy ta eina tleisai ha no ei ta ei supathaihpa a mohôhpa, Zadô pathla Livai chi theihthaipazy deikua cha, na chakao awpa ta nâ vaw hnia aw ei ta, thaw nata thisaih na hlâ awpa ta ei hmiakô liata amâ duah aw, Abeipa Zehôvâh ta a tah.

HÂKAI 1:1

Bei Dâria abeina kô nona, thla charuna, noh khana noh ta, hrohsopa Hâkai hmâpa ta Siati sawchapawpa Zudâh râh ryureituhpa Zerubâbe nata Zehôzadâ sawchapawpa theihthai beichaipa Zawsua hnohta Abeipa bie vaw tlô ta.

HÂKAI 1:12

Siati sawchapawpa Zerubâbe nata Zehôzadâ sawchapawpa theihthai beichaipa Zawsua nata phopi laibâhpa zydua ta Abeipa ama Khazohpa ao cha thei ei ta, hrohsopa Hâkai chhao cha, Abeipa ama Khazohpa tuapa a châpa hawhta, a bie nathlie ei ta. Chyhsazy ta Abeipa ama hnohta a ypa cha chi ngaita ei ta.

HÂKAI 2:4

Chatahrasala, hy Zerubâbe, thatlôpa ta y mah y,’ Abeipa ta a tah. ‘Hy Zehôzadâ sawchapaw theihthai beichaipa Zawsua, thatlôpa ta y mah y. Hy râhsaw zydua saih u, thatlô ngaitapa ta y muh vy,’ Abeipa ta a tah. ‘Thyu u la hria teh u, nama hnohta ei y,’ Pheisaihzy Abeipa ta a tah.

ZEKARIA 1:13

Abeipa ta bie nâ chhotuhpa vâlyuhchâpa cha, bie pha kawpa nata thlalôh chhih kawpa ta a chhy ta.

ZEKARIA 1:19

Bie nâ chhotuhpa vâlyuhchâpa hnohta, “Hezy he khâpa maw?” tah na ta. Ano ta, “Hezy he Zudâh, Izarei nata Zerusale a papaituhpa sakizy ama châ hih” tahpa ta nâ chhy ta.

ZEKARIA 1:9

Kei ta, ‘Ei Zibeipa, hezy he khâpazy ma ama châ tly?’ tah na ta. Bie nâ chhotuhpa vâlyuhchâpa ta, ‘Hezy he khâpazy ma ama châ tahpa ei cha pahmô aw,’ tah ta.

ZEKARIA 2:3

Chatawhcha bie nâ chhotuhpa vâlyuhchâpa kha pua ta, vâlyuhchâpa hropa ta ano a tyh awpa ta a vy ta,

ZEKARIA 3:8

Hy Zawsua, theihthai beichaipa y, tahmâ na thlie la, na hmiakô liata a tyuhpa, theihthaipa na châ lâhpazy chhao ta nathlie mawh ei sy. Âmo cha hmo vaw tlô awpa ngianazy ama châ. Moh teh, Chhyh a vaw chhi aw na ta, ano cha nâ chakaotuhpa a châ.

ZEKARIA 4:14

“Hezy he khizaw zydua liata Abeipa a chakao awpa sathawthupa panozy ama châ,” tahpa ta na chho ta.

ZEKARIA 6:11

Tâkâ nata ngôh zy cha cheih la, beilakhozy tao aw chi ta, Zehôzadâ sawchapawpa theihthai beichaipa Zawsua luh liata na pakho aw.

MALAKHAI 3:1

“Moh teh u, ei hmia lâta lâpi a chhuahdy awpa ta, ei lyuhchâpa ei vaw tuah aw. Nama tluapa Abeipa cha ano Achhyna o lâ eikhapi ta â vy aw. Moh teh u, nama tlaichhaipa biehrai lyuhchâpa cha â vy hai,” Pheisaihzy Abeipa ta a tah.

LUKA 21:36

Cha hmo vaw tlô awpa zydua a khôkhâh tlâhpa nata Chyhsa Sawchapawpa hmiakô liata a duah tlâhpa ta raopa nama châ thei nawpa ta, khâpa no rai ta thlahchhâna chôta riavaihpa ta y teh u,” tah ta.

LUKA 22:31

“Saimaw, Saimaw, pachâ teh, Sâtâ ta sâh chanei ta a cha chanei thei nawpa ta, cha hnei awpa a khoh.

RYHPACHANEINA 10:8

Cha daihti liata Abeipa ta Livai chizy cha Abeipa Biehrai Byh a sy awpa nata Abeipa hmiakô liata a duah ta ano chakao awpa nata a moh ta byhnâ a awtuhpa châ awpa ta panano ta, tanoh taihta cha hawhta ama hria lymâ.

RYHPACHANEINA 18:15

“Abeipa nama Khazohpa ta keima hawhpa hrohsopa nama unawhzy hry tawhta cha paduapa aw ei ta, a bie nama nathlie awpa a châ.

1 PITY 5:8

Palôh pasohpa ta y u la, a hrohrua teh u. Nama khakhaipa ahripa cha chakeibarôhneipa a rôhpa hawhta a rôh ta, a nie thei awpa tluapa ta â khie tyh.

1 SAMUELA 6:20

Beseme khihsawzy ta, “He Khazohpa pathaihpa Abeipa hmiakô liana he ahy ma a duah thei aw? Keimo tawhna heta ahy lâ ma khy sala a pha aw tly?” tah ei ta.