ZEKARIA 2:9 - Mara Bible RV (BSI)

⁹ Pachâ teh u, ama chô liata ei ku hy aw na ta, âmo seizy tlai ta ama hrao aw. Chatanachata Pheisaihzy Abeipa ta eina tuah tahpa nama pahno aw.

ZEKARIA 2:9 ပူးပေါင်းရင်းမြစ်များ

ISAI 10:32

Tanoh tlai he Nôbâ khih liata châh aw ta, Zaio sawchanô tlâh, Zerusale tlâh byuhpa lia tlai ta, A kutô a chalyu aw.

ISAI 11:15

Abeipa ta Izi Tilaipi paleih cha, Tlokhuh pahleipadia aw ta; Ufrâti Chavah chhao, A ku ta thlih lalôhpa a chatho thlu aw; Vahtie miasari ta pachhaihna taihta tu aw ta, Pheiky dâ leipa ta ama chaka aw.

ISAI 12:6

Hy Zaio sawzy saih u, Nama hry liata a ypa Izarei Mo Pathaihpa cha, Rônah ngaitapa a châpa vâta, Thata awh u la, alypa ta hla sa teh u.”

ISAI 13:2

“Tlâh padâ tawhta ngiana poh chaluahpa ta, A paropa ta Babylaw mo cha awsao u la, Beimachâ chhikaozy liata a ngia awpa ta, Nama ku thliethlâpa teh u.

ISAI 14:2

Phopizy ta Izarei pathlazy cha a chhipa ta, ama y nawpa su tlôkhei aw ei ta, Izarei pathlazy ta âmo cha seichapawzy nata seichanôzy ta Abeipa râh liata ama hnei aw. Sei ta âmo a vaw patu tyhpazy kha, Izarei pathlazy ta sei ta patu aw ei ta, âmo a vaw tlybai tyhpazy chô liata ryu ama reih aw.

ISAI 19:16

Cha noh liata, Izi mo cha chanô lyu aw ei ta, Pheisaihzy Abeipa ta ama chô liata a ku a chatho thlupa hmiakô liata chipa ta amâ chalyu aw.

ISAI 26:1

Cha noh liata, he hla he Zudâh râh liata ama sa aw: “Khihpi thatlôpa hnei pi ta, Cha khihpi pachha nawpa ta, Khazohpa ta khihpi cha, Thokhyzy nata diahsuazy ta a chhôh.

ISAI 33:1

Nâ, a pahleipadiatuhpa y, Pahleipadiapa châ mâh vei hra la, Na hu a po na! Nâ, a paphasaituhpa y, A paphasaipa châ mâh vei hra la, Na hu a po na! Chyhsa na pahleipadiapa tawhta nâ chalih tita, Pahleipadiapa châ hra aw chi ta; Nâ paphasaipa na patlô tita, Ama châ paphasai hra aw.

ISAI 33:21

Cha liata Abeipa cha a rônahna chhaota, Eima châta chavah kawhpa hawhta châ aw ta, Vahtiepazy hawhta a châ aw; Cha liata balyh hiana chhaopazy sie leipa aw ei ta, Balyh laipazy ta siepahlie aw veih ei.

ISAI 33:23

Na chaorizy padaopa châ ta, Poh zawna tôh pa-i thei leipa ei ta, Balyh poh pakai thei vei. Hraona sôh hluhpizy raipa châ aw ta, Pheisypazy chhao ta amâ phao hra aw.

ISAI 4:5

Chatawhcha Abeipa ta Zaio Tlâh liata pahrâna su zydua chô liata nata pakhypi a hmâhpa zydua chô liata, nohchhô ta meihdo, zâ ta meikhuh nata meipaleih khaihna a paysa aw. Cha hmo rônahpa zydua chô lâta khuna y aw ta,

ISAI 48:16

Nâ vaw hnia u la, He bie he thei teh u; Hmo vaw y awpa kyh liata, Âthaona tawhta arulâta bie reih beih leipa na ta, A vaw y daihti lia chhao ta ei y.” Tahmâ he Abeipa Zehôvâh ta na tuah ta, A Thlahpa ta eina tuah.

ISAI 60:18

Thachahra hmâna pyu cha, Na râh liata thei khao leipa aw chi ta; Chhiena nata raona zy chhao, Na râhri chhôh liata thei khao aw va chi. Na thokhy cha Pachhana tah aw chi ta, Na thokhy chhikaozy cha Reithaina na tah aw.

ISAI 60:19

Noh cha nohchhô ta na châta khaihna châ khao leipa aw ta, Thlâpâ chhao zâ ta na châta khaihna châ khao aw vei. Abeipa cha na châta tlyzaw khaihna châ aw ta, Na Khazohpa cha na rônahna a châ aw.

ZEREMIAH 27:7

Ano râh daihti chhâna a tlô hlâta cha, phopi zydua ta ano nata a sawchapawpa nata a samohpa chakao aw ei ta, cha hnôhlâ ta deikua cha, phopi hluhpi nata bei rônahpazy ta ano cha sei ta ama tao aw.

ZEREMIAH 28:9

Adyhna nata thlalôhna bie a chhochhieliepa hrohsopa deikua cha, a biereipa a vaw tlô tita, cha hrohsopa cha Abeipa ta a tuapa tlai a châ tahpa pahnopa a châ aw,” tah ta.

ZEREMIAH 8:19

Râh do nata hâ liata, Ei phopi zuah chana ao he nathlie tua u: “Zaio liata Abeipa y vei ma? A chhôh liata ano Bei y vei ma?” “Khazia ama nothlahpa taopazy ta ei hie na pahâh ei ta, Chihropa khazoh nothlahpazy ta ei hie eina pahâh ei?”

EZEKIA 39:10

Adyuhna chhaichhizy cha, mei tho châta ama hmâh awpa vâta, lyurâhpa tho ama phao awpa byuh khao leipa aw ta, râhmâhpa tho thlu awpa byuh khao hra aw vei. Âmo a hraotuhpazy hraona sôh chhu aw ei ta, âmo hmo a parutuhpazy hmo ama parupa aw, Abeipa Zehôvâh ta a tah.

ZÔELA 2:27

Izarei hry liata ei y tahpa pahno aw ei chi ta, Kei he Abeipa nama Khazohpa châ na ta, Khazoh hropa y vei tahpa nama pahno aw. Ei phopi cha, Maophyuhpa ta y heih khao aw veih ei.”

HABAKU 2:17

Lebanaw chô liata Thachahra na hmâpa khata Cha chhei palie aw ta, Sazy na pahleipadiapa khata Na thlah a cha pazo aw. Chyhsa thisaih palopa ta Chhaohlei taochhie chi ta, Khihpizy nata a chhôh liata pahrâpa zydua Na paraopa kha ta a cha chhei palie aw.

HABAKU 2:8

Râh hluhpi hrao chi ta, Chyhsa thisaih palopa ta chhaohlei taochhie chi ta, Khihpizy nata a chhôh liata pahrâpa zydua na paraopa vâta, Phopi laibâhpazy ta ama cha hrao hra aw.

ZEPHANIA 2:9

Chavâta ei hrona reipa ta ei reih,” Pheisaihzy Abeipa, Izarei Khazohpa ta a tah. “Môabâ cha Sawdawmâ hawhta châ aw ta, Amawna mo cha Kawmawrâ hawhta ama châ aw; Sipopa su nata alôh khaoh lâta a lie aw ei ta, Chhâzaw ta roryhrapa ta ama y aw. Ei phopi laibâhpazy ta âmo cha hrao aw ei ta, Ei râh liata a hroh tlakaihpazy ta Ama râh cha ryu ta ama to aw.

ZEPHANIA 3:15

Abeipa ta nâma hriena pachhâsa ha ta, Na chariahpazy a pasipathai ha ei. Abeipa, Izarei Beipa cha na hnohta y ta, Hmo pha leipa chi beih khao aw va chi.

ZEKARIA 2:11

“Cha noh liata phopi hluhpi ta Abeipa a pazao aw ei ta, ei phopi ama châ aw. Na hnohta pahrâ aw na ta, Pheisaihzy Abeipa ta na hnohta eina vaw tuah tahpa na pahno aw.

ZEKARIA 2:8

Châ hraotuhpazy râh lâ a rônahna ta nâ tuahtuhpa Pheisaihzy Abeipa ta hetana heta a tah: “Nâ châ hriapa cha ei mosaw a hriapa a châ.

ZEKARIA 4:9

“He o pathaona lôbô he Zerubâbe ku ta bôpa châ ta, ano ku ta a patlô aw. Chatanachata Pheisaihzy Abeipa ta nama hnohta eina tuah tahpa nama pahno aw.

ZEKARIA 6:15

“Lâhlapi liata a ypazy a vy aw ei ta, Abeipa Achhyna o sana liata amâ hlao hra aw. Chatanachata Pheisaihzy Abeipa ta nama hnohta eina tuah tlai tahpa nama pahno aw. Abeipa nama Khazohpa bie pakhâta ta nama zyh khiahta la, he hmozy he a vaw tlô aw,” tah ta.

ZEKARIA 9:15

Pheisaihzy Abeipa ta âmo cha vaih aw ta, Cheisiah lôzy hmâpa ta ama chariahzy pahnie aw ei ta, Ama parao aw; Doh aw ei ta, Kresawhti paripa hawhta ama palopasah aw; Biebuh hawhta ti ta pabiepa châ aw ei ta, Maisâh kizy hawhta dâ kaniehpa ta ama y aw.

ZAWHÂNA 13:19

Tahmâ a vaw tlô hlâta ei cha chho ei, a vaw tlô tita, keima he ano cha ei châ tahpa namâ ngiapâ thei nawpa ta.

ZAWHÂNA 16:4

Ama daihti a vaw tlô tita, ei cha chho chhieliepa ei a châpa namâ thei nawpa ta, he biezy he nama hnohta ei reih. “Nama hnohta ei ypa vâta, he biezy he âthaona tawhta cha chho veih ei na.