ZEKARIA 2:8 - Mara Bible RV (BSI)

⁸ Châ hraotuhpazy râh lâ a rônahna ta nâ tuahtuhpa Pheisaihzy Abeipa ta hetana heta a tah: “Nâ châ hriapa cha ei mosaw a hriapa a châ.

ZEKARIA 2:8 ပူးပေါင်းရင်းမြစ်များ

ÂTHAONA 20:6

Khazohpa ta a mâ lâta, “Â do na, palôh dopa ta kha hmo kha na tao tahpa ei pahno. Chavâta ei chô liata hmo na parao lei nawpa ta, keima tlai ta cha pakhâ na ta, ano na hria awpa ei cha pasai leipa a châ.

2 ABEIZY 24:2

Abeipa ta Kaldia pheisaihzy, Aramia pheisaihzy, Môabâ pheisaihzy nata Amawna pheisaihzy cha Zehôki a dyuh awpa ta tuah ta. Abeipa ta a chakaotuhpa hrohsopazy hmâpa ta a vaw rei hapa Abeipa bie hawhta, Zudâh siehnao ta parao awpa ta a tuapa ei a châ.

HLAZY 17:8

Na mosaw hawhta na vaih la, Na mathlaw nohdi ry liata na nyu mah y.

BIESOZY 7:2

Ei biepiepazy zyhpa ta hroh la, Ei pachuna cha na mosawpa hawhta a vao mah y.

ISAI 49:19

“Khih rypa nata roryhrapa ta cha tao ei ta, Râh raopa ta cha tao ha hra ei sala, Tahmâ cha na khihsawzy châta Na buah tuna lâ châ aw ta, Châ palâtuhpazy kha, Lâhlapi lâta ama y khai aw.

ZEREMIAH 12:14

Abeipa ta hetana heta a tah: “Ei phopi Izarei hnohta ryuto râh ei piepa a chhutuhpa ei chheipâh râh moleipa zydua cha, moh teh u, ama râh tawhta phia aw ei na ta, Zudâh pathlazy chhao ama hry tawhta ei phia aw ei.

ZEREMIAH 27:7

Ano râh daihti chhâna a tlô hlâta cha, phopi zydua ta ano nata a sawchapawpa nata a samohpa chakao aw ei ta, cha hnôhlâ ta deikua cha, phopi hluhpi nata bei rônahpazy ta ano cha sei ta ama tao aw.

EZEKIA 25:12

“Abeipa Zehôvâh ta hetana heta a tah: Edômâ cha phuh lanazie ta a pielyu ta, Zudâh pathlazy chô liata phuh lapa ta, thata hmo a paraopa vâta,

EZEKIA 25:15

“Abeipa Zehôvâh ta hetana heta a tah: Philistinâ mo cha phuh lanazie ta a pielyu ei ta, palôh chhiepa phaopa ta, akhakhaina chhâ thai khao leipa ta Zudâh a khakhai ei ta, Zudâh cha pahleipadia amâ chhuahpa vâta,

EZEKIA 26:2

“Chyhsa sawchapawpa y, Tyre ta Zerusale kyh liata, ‘A pha kaw dia, phopizy chhikao rao ha ta, ei châta â pahy haw. Tahmâ cha khih rypa châ ha ta, chavâta ei dôhkhâh ha aw,’ a tahpa vâta,

EZEKIA 26:20

hlâno chyhsa khaohtlô lâ a zu hapazy hnohta cha pazusa aw na ta, alei ry liata ei cha pahrâsa aw. Khaohtlô lâ a zu hapazy hnohta, hlâno tawhta roryhrapa ta a y hapa khaohtlô liata ei cha pahrâsa aw. Chyhsa pahrâna châ khao aw va chi. Ahrohpazy râh liata deikua cha, ei chhithaina ei chareisa aw.

EZEKIA 35:5

“Izarei khâ a khakhai chi ta, Izarei sawzy cha ama chhiena nata âmo hriena chhâna daihti liata, zaozi hmotaotheina liata na hlâ ha ei.

EZEKIA 36:11

Nama chô liata chyhsapa nata sa zy papôhsa aw ei na ta, pôh aw ei ta, thei ama pathei aw. Hlâno hawhna khata nama chô liata chyhsa pahrâsa heih aw ei na ta, khahlâ ta nama duahmo hlâta pha via syulyupa ta ei cha tao aw ei. Chatanachata kei he Abeipa ei châ tahpa nama pahno aw.

EZEKIA 38:11

‘Thokhy a hnei leipa khihzy yna râh siehnao aw na ta, chhôhmohpa ta a ypa chyhsazy ei tla thlu aw ei. Ama zydua ta thokhy hnei leipa ta a pahrâpazy châ ei ta, thokhy chhikao nata ahraina thuatlai a hnei leipazy ama châ,’ na tah aw.

EZEKIA 38:14

“Chavâta chyhsa sawchapawpa y, hrohsona bie phuah la, Kawkâ hnohta hetana heta reih teh. Abeipa Zehôvâh ta hetana heta a tah: Cha noh, ei phopi Izarei â bohpa ta ama pahrâ nawpa daihti cha pahno va chi ma?

AMÔSÂ 1:11

Abeipa ta hetana heta a tah: “Edômâ moleina miathôh vâta, Âh, miaplih vâ chhao rai ta, Hriena chalihsa aw va na; Zaozi ta a unawhpa a chadai ta, Ngiachhiena zydua thy khaipa ta, A hiehâhna ta khâ hriechheih ta, A pathiiana chhâzaw ta â vao thlâh hapa vâta.

AMÔSÂ 1:13

Abeipa ta heta na heta a tah: “Amawna mo moleina miathôh vâta, Âh, miapalih vâ chhao rai ta, Hriena chalihsa aw va na; Ama râh ama pakawh thei nawpa ta, Kilia chanô sawphaohpazy py taihta ama pahypa vâta.

AMÔSÂ 1:9

Abeipa ta heta na heta a tah: “Tyre moleina miathôh vâta, Âh, miapalih vâ chhao rai ta, Hriena chalihsa aw va na; Phopi pôhpalôhpa Edômâ lâ hlâ ei ta, A unawhna biehrai amâ thei khao leipa vâta.

MIKÂ 4:11

“Nâma châ dyuh awpa ta, Phopi hluhpi a hmaohpakhy ei ta, ‘Papuapaleipa ta y sala, Eima mozy ta Zaio tawpâ mawh sy,’ ama tah.

MIKÂ 5:6

Asuria cha zaozi ta parao aw ei ta, Nimraw râh cha â ngiana liata ama parao aw. Asuria cha eima râh lâ a vy sala, Eima râh chhôh liata a phei a vaw tly tita, Ano ta miah a pachha aw.

MIKÂ 7:10

Chatanachata, “Abeipa na Khazohpa cha, Khataih liata ma a y haw?” Nâ tahtuhpa ei chariahpa ta hmô aw ta, Nozana ta a khu aw. Ei mozy ta panawhpa ta a ypa cha moh aw ta, Lâpi chiatlao hawhta tlypâpa a châ bâ aw.

HABAKU 2:17

Lebanaw chô liata Thachahra na hmâpa khata Cha chhei palie aw ta, Sazy na pahleipadiapa khata Na thlah a cha pazo aw. Chyhsa thisaih palopa ta Chhaohlei taochhie chi ta, Khihpizy nata a chhôh liata pahrâpa zydua Na paraopa kha ta a cha chhei palie aw.

HABAKU 2:8

Râh hluhpi hrao chi ta, Chyhsa thisaih palopa ta chhaohlei taochhie chi ta, Khihpizy nata a chhôh liata pahrâpa zydua na paraopa vâta, Phopi laibâhpazy ta ama cha hrao hra aw.

ZEPHANIA 2:8

“Môabâ ta reipachhiena bie a reipa thei na ta, Amawna mo ta pasipasawhna bie ama reipa ei thei; Ei phopi cha reipachhie ei ta, Ama râh chô liata amâ palai thlu.

ZEKARIA 2:11

“Cha noh liata phopi hluhpi ta Abeipa a pazao aw ei ta, ei phopi ama châ aw. Na hnohta pahrâ aw na ta, Pheisaihzy Abeipa ta na hnohta eina vaw tuah tahpa na pahno aw.

ZEKARIA 2:9

Pachâ teh u, ama chô liata ei ku hy aw na ta, âmo seizy tlai ta ama hrao aw. Chatanachata Pheisaihzy Abeipa ta eina tuah tahpa nama pahno aw.

ZEKARIA 8:5

Khihpi tlyliahzy cha a palaopalâpa chapaw hawti nata chanô hawtizy ta ama bie heih aw.

MALAKHAI 3:1

“Moh teh u, ei hmia lâta lâpi a chhuahdy awpa ta, ei lyuhchâpa ei vaw tuah aw. Nama tluapa Abeipa cha ano Achhyna o lâ eikhapi ta â vy aw. Moh teh u, nama tlaichhaipa biehrai lyuhchâpa cha â vy hai,” Pheisaihzy Abeipa ta a tah.

MATHAI 25:40

Abeipa ta âmo cha a chhy aw ta, ama hnohta, ‘Hmeiseihta ta ei cha chho ei, he ei unawhpa chyh chaipazy hry liata pakha chô liata nama taopa cha, ei chô liata a taopa nama châ,’ a tah aw ei.

MATHAI 25:45

Ano ta a chhy aw ei ta, ama hnohta, ‘Hmeiseihta ta ei cha chho ei, he chyhsa chyh chaipazy hryta pakha chô liata nama tao leipa cha, ei chô liata a tao leipa nama châ,’ a tah aw ei.

ZAWHÂNA 14:26

Thlapalôhtuhpa, Paw ta ei moh ta a vaw tua awpa Thlahpa Pathaihpa chata, ato cha pachu aw ei ta, nama hnohta ei reipa zydua kha a cha patheisa heih aw ei.

ZAWHÂNA 17:18

Nâ ta kei khizaw lâ eina tuapa hawhna chi heta, kei chhao ta âmo cha khizaw lâ ei tuah hra ei.

HMOTAOPAZY 9:4

Alei liata pao ta, ao thei ta, ao chata a hnohta, “Sawla, Sawla, khazia eina taola chi?” tah ta.

RYHPACHANEINA 32:10

“Abeipa ta Zakaw cha râhchawhpa liata hmô ta, Râh chhiepa nata râh raohpa liata a hmô. Ano cha chahlôchaeipa ta mohôh ta, A mosaw hawh tlai ta a khâsia.

2 THYSALAWNIKA 1:6

Khazohpa pachiana cha a do ta, nama rie châ patheituhpazy cha rietheina ta viari a thô aw.

1 ZAWHÂNA 4:14

Chatanachata Paw ta a Sawchapawpa cha khizaw Pachhatuhpa châ awpa ta a vaw tuah tahpa hmô pi ta, eimâ duakhei.