ZEKARIA 2:6 - Mara Bible RV (BSI)

⁶ “Pua teh u! Pua teh u! Avâ thlih miapalih hawhta cha vaw hiepatla ha hra ei sah la, maw lâ râh tawhna khata a râ syulyu ha teh u,” Abeipa ta a tah.

ZEKARIA 2:6 ပူးပေါင်းရင်းမြစ်များ

ÂTHAONA 19:17

Khôtho lâ ama puakhei tawhta, vâlyuhchâpa pakha ta, “Na hro nawpa ta a râ teh. Na hnôh lâ a heih leipa la, bypi khataih su lia rai ta a duah hra khah y! Tlâhzy lâna khi ta a râ mah y. Chataleipatala na leidia pathlei aw,” tah ta.

HLAZY 44:2

Nâma ku tlai ta phopizy papuapa ta, Miah pathlatuhpazy cha loh chi ta; Phopizy pasasa chi ta, Miah pathlatuhpazy deikua cha na pabohsa ei.

ISAI 48:20

Babylaw tawhta pua u la, Kaldia tawhta a râ teh u; He kyh he hla ta awh u la, A lypa ta phuah teh u; Khizaw kaokih taihta pathâhsa u la, “Abeipa ta a chakaotuhpa Zakaw cha a chatlai haw!” Tahpa ta phuah teh u.

ISAI 55:1

“Hy nâmo, dâhphipa zydua saih u, A vy u la, ti yna lâ a vy teh u. Tâkâ a hnei leipazy chhao a vy u la, Chalei u la, nie teh u! A vy u la, kresawhti nata sâhpiti zy cha, Tâkâ byuh leipa ta chalei u la, A mâ leipa ta chalei teh u.

ZEREMIAH 1:14

Abeipa ta ei hnohta, “Râh liata a pahrâpa zydua chô liata maw lâ tawhta chhiena a vaw tlô aw.

ZEREMIAH 15:4

Hezekia sawchapawpa Zudâh bei Manase ta Zeru­sale liata a hmotaopa vâta, khizaw khinarâh zydua ta rarôh ypa ama tah awpa ta âmo cha ei tao aw ei.

ZEREMIAH 3:18

Cha nohzy liata, Zudâh pathlazy cha Izarei pathlazy a pahlyh aw ei ta, maw lâ râh tawhta ama pathlatuhpazy hnohta ryuto châta ei piepa râh lâ hmaohkha ta amâ zu aw.

ZEREMIAH 31:10

“Hy phopizy saih u, Abeipa bie thei u la, Tilaipi kiah râh hlapazy liata phuah teh u; ‘Izarei a papaituhpa ta, Izarei cha pakhy heih aw ta; Mietaku vaituhpa ta a mietaku zaw a vaipa hawhta, Izarei cha a vaih heih aw,’ tah teh u.

ZEREMIAH 31:38

“Moh teh u, Hânane Osâhpa tawhta Achaki Chhikao taihta Abeipa châta khihpi paduapathi nawpa nohzy a vaw tlô hai,” Abeipa ta a tah.

ZEREMIAH 31:8

Pachâ teh u, maw lâ râh tawhta a vaw chhi aw ei na ta, Alei su lâhla chaipazy tawhta ei vaw chhi aw ei; Ama hry liata mochaopa nata pheisypazy a hlao aw ei ta, Saw phaohpa nata nawh zeihpazy amâ hlao aw; Chatanachata zawpi hluh ngaita pa ta, He su lâ he ama vaw kua aw.

ZEREMIAH 50:8

“Babylaw tawhta a râ u la, Kaldia râh tawhta pua teh u; Mie zaw liata mie tôhpazy hawhta y teh u.

ZEREMIAH 51:45

“Hy ei phopi sawzy, Babylaw chhôh tawhta pua teh u; Abeipa hiehâhna ru ngaitapa tawhta, Chyhsa to ama hrona pabohsa mawh ei sy!

ZEREMIAH 51:50

“Nâmo zaozi a khôkhâhtuhpazy saih u, Sie u la, lâpi liata a duah khuh vy! Abeipa cha lâhlapi tawh chhao ta a thei u la, Nama palôh liata hetana heta Zerusale a lâ mawh sy:

ZEREMIAH 51:6

“Babylaw khih chhôh tawhta a râ u la, Chyhsa to ama hrona pabohsa mawh ei sy! Babylaw moleina vâta leidia khah u; He he Abeipa phuh lana daihti châ ta, Babylaw viari a thôna daihti a châ hih.

EZEKIA 11:16

Chavâta ama hnohta, ‘Abeipa Zehôvâh ta hetana heta a tah: Lâhlapi phopizy lâta papaipa ta, râhzy liata ei hiepatla hapa chhao ei ta, ama siena râhzy liata bohpi leipa ama y chhôh ta, âmo châta supathaihpa ei châpa pyly aw ei,’ tahpa ta reih mah y.

EZEKIA 17:21

A pheisaih pha chaipa zydua zaozi ta pao aw ei ta, a laibâhpazy cha thlih pathlina lâ maihta amâ râpai aw. Chatanachata kei, Abeipa ta ei reih haw tahpa nama pahno aw.

EZEKIA 5:10

“Chavâta pawzy ta ama sawzy khihpi chhôh liata nie aw ei ta, sawzy ta ama pawzy ama nie aw. Cha hrie aw na ta, na chyhsa laibâhpa zydua cha ziza liata ei hiepatla khai aw ei.

EZEKIA 5:12

Na khihsawzy su thôh su kha cha, potlana nata khihpi chhôh liata chakâhna ta ama thi aw. Su thôh su kha hropa cha, na chheipâh zydua liata zaozi ta ama pao aw. Su thôh su kha hropa heih cha, ziza zydua lâta hiepatla aw ei na ta, ei zaozi phia aw na ta, ei chadai aw ei.

DÂNIAH 11:4

 vaw bei tawhta, a khinarâh cha kei chheih aw ta, avâ thlih miapalihzy lâta pachhaihpa ta y aw ta, a pathlazy hnohta piepa châ leipa aw ta, biehneina ta ryu a rei tyhnazie hawhta châ hra aw vei; a khinarâh cha chakhia pathlapa châ aw ta, mohropazy hnohta piepa a châ aw.

AMÔSÂ 9:9

“Pachâ teh u, bie pie aw na ta, Sohhri ta sâh ripa hawhta, Izarei phopi he phopi zydua hry liata ei ri aw; Alô dikaripa chhao, Alei liata tla aw vei.

ZEKARIA 1:16

Chavâta Abeipa ta hetana heta a tah: Zawngiahpa ta Zerusale lâ kua heih aw na ta, cha liata ei o sapa châ aw ta, Zerusale chô liata thliena ri parai heihpa a châ aw,’ Pheisaihzy Abeipa ta a tah.

ZEKARIA 2:7

Hy Zaio, a râ la; nâ Babylaw sawchanô hnohta a pahrâpa y, a râ syulyu ha mah y.

MATHAI 24:31

Chiahmie paro ngaitapa chhaota a vâlyuhchâpazy tuah aw ta, âmo chata â tlyhpazy cha kaokih miapalih tawhta pakhy aw ei ta, avâ chy chhâna tawhta hiakha lâ chhâna taihta ama pakhy aw.

MÂKA 13:27

A vâlyuhchâpazy tuah aw ta, â tlyhpazy cha kaokih miapalih tawhta, alei chy chhâna tawhta avâ chy chhâna taihta a pakhy aw.

RYHPACHANEINA 28:64

“Abeipa ta kaokih liata, alei chhâna miakha lâ tawhta miakha lâ chhâna taihta a ypa phopizy hry liata cha papai aw ei ta, cha liata nâmo nata châ pathlatuhpazy ta nama pahno beih leipa tho nata lô khazohzy nama chakao aw.

BIEPHUAH 18:4

Chatawhcha avâ tawhta ao hropa thei na ta, ao chata, “Hy ei phopi, Ano tawhta vaw pua teh u; Chataleipatala a moleinazy liata a hlao pathlei aw ei chi ta, A potlana liata namâ hlao pathlei aw na.

RUTHI 4:1

Bôaza cha khihpi thokhy chhikao lâ khy ta, cha liata a tyuh ta. Bôaza reipa ama heinawh hniapa cha a vy ta. Bôaza ta a hnohta, “Unawh, he lâ a vy la, a vaw tyuh tua,” tah ta. Cha chyhsa cha vawh ta, a kei tyuh ta.