ZEKARIA 14:8 - Mara Bible RV (BSI)

⁸ Cha noh liata, Zerusale tawhta hrona tizy loh papua aw ta, â khophie nochhi tilaipi lâta loh aw ta, â khophie notla tilaipi lâta a loh aw. Nopi daihti nata chasipaw daihtizy liata chhao a loh lymâ aw.

ZEKARIA 14:8 ပူးပေါင်းရင်းမြစ်များ

HLAZY HLA 4:15

Tihnawh palina sadô châ ta, Hrona tikhaoh chhao y ta, Lebanaw tawhta vahtiezy lona sadô a châ.

ISAI 35:7

Sadi sahpa su cha tipo lâta a lie awh ta, Chhaohlei chawhkaraipa su chhao, Tihnawhzy yna lâta â lie aw. Savaizy tlaihna liata amâ byu tyhna suzy liata, Sibiepa nata lohthi zy pyuh aw ei ta, Maitanô zy ama pyuh aw.

ISAI 49:10

Ama nodi leipa aw ta, Ama dâh phi aw vei; Thlih lalôhpa ta âmo cha pathli thlu leipa aw ta, Noh lopa ta âmo vawh aw vei. Âmo ngiachhietuhpa ta chhihtha aw ei ta, Tihnawh kiapâh liata â chhi laih aw ei.

ISAI 58:11

Abeipa ta cha chhihtha lymâ aw ta, Su chawhkaraipazy liata chhao lôhrâ cha patlô aw ta, Na rupazy tha a patlô aw. Ti pie phapa sadô hawhta châ aw chi ta, Tikhaoh ti a kua beih leipa hawhta na châ aw.

ZÔELA 2:20

“Maw lâ tawhta â zupa cha, Nâmo tawhta lâhlapi lâta ei papai ha aw; Râh chawhkaraipa lâ to aw na ta, Roryhrapa râh lâ ei to ha aw. Hmia a sahpa cha, Nochhi tilaipi lâta to aw na ta; Hnôh a khawpa cha, Notla tilaipi lâta ei to aw. Abeipa ta hmo rônahpazy a tao awpa vâta, A thu roh pua aw ta, A roh chhiepa thata a pua aw.

ZÔELA 3:18

“Cha noh liata, Tlâhpizy tawhta kresawhti thlôhpa a zâ thlaoh aw; Tlâhthlôhzy liata sâhpiti loh aw ta, Zudâh vahtiepa zydua liata tizy a loh aw; Abeipa o tawhta tihnawh vaw pua aw ta, Siti Saikao cha ti ta a bao aw.

MIKÂ 4:2

Zaio tawhta ryhpa bie pua aw ta, Zerusale tawhta Abeipa bie a pua aw; Chavâta phopi hluhpi a vy aw ei ta, “A vy teh u, Abeipa Tlâh lâ khy sih la, Zakaw Khazohpa o lâ khy suh u; Chatanachata a lâthlôhzy miah pachu aw ta, A lâpizy eimâ chhih thei aw,” Ama tah aw.

ZEKARIA 14:4

Cha noh liata, Zerusale kiah nochhi lâta a ypa Ôli Tlâh liata a phei tlypa ta a duah aw ta, Ôli Tlâh cha nochhi nata notla ta a liah liata a patlaw aw ta, saikao kawh ngaitapa a tao aw. Tlâh khophie maw lâta a pasie aw ta, â khophie chho lâ â pasie aw.

LUKA 24:47

ano moh ta rona nata molei ngiahthaina thâtih cha, Zerusale tawhta pathaopa ta, phopi to hnohta chhopa a châ aw.’

ZAWHÂNA 4:10

Zisu ta a chhy ta, “Khazohpa hmopiepa nata, ‘Ti do awpa na pie teh,’ châ tahtuhpa he pahno ha la cha, nâma ta a hnohta tlao hiah aw chi ta, ano ta ti hrohpa a cha pie ha awpa tlai,” tah ta.

ZAWHÂNA 4:14

kei ta ei pie awpa ti a dohpa deikua cha, a dâh phi heih khao aw vei. Kei ta ei pie awpa ti cha, a chhôh liata tihnawh lâta a lie aw ta, chhâzaw hrona taihta a pali aw,” tah ta.

ZAWHÂNA 5:4

Daihti raopa liata, Abeipa vâlyuhchâpa cha tipo lâ a zupa ta, ti cha chatlaosa tyh ta. Ti â chatlao khai tawhta tipo liata â ny tuachaipa cha, kheihawhpa pasana rai patlâhpa a châ tyh.

ZAWHÂNA 7:38

Ahy rai nâ ngiapâpa cha, Biehrai ta a reipa hawhta, ‘Ti hrohpa chavahzy a chhôh tawhta a vaw loh aw,’” tah ta.

BIEPHUAH 22:17

Thlahpa nata Myuhthieh ta, “A vy mah y,” tah ei ta. A theipa maihta, “A vy mah y,” tah mawh ei sy. Dâhphipa maih a vy sala, a khohpa maihta hrona ti he a saipa ta doh mawh sy.