ZEKARIA 14:4 - Mara Bible RV (BSI)

⁴ Cha noh liata, Zerusale kiah nochhi lâta a ypa Ôli Tlâh liata a phei tlypa ta a duah aw ta, Ôli Tlâh cha nochhi nata notla ta a liah liata a patlaw aw ta, saikao kawh ngaitapa a tao aw. Tlâh khophie maw lâta a pasie aw ta, â khophie chho lâ â pasie aw.

ZEKARIA 14:4 ပူးပေါင်းရင်းမြစ်များ

2 SAMUELA 15:30

Dâvi cha Ôli Tlâh lâ khyna lâpi lâta khy ta, chana chôta sie ta, a luh a khu ta, phei ruapa ta sie ta. A hnohta a ypa chyhsa zydua chhao ama luh a khu chyupa ta khy ei ta, cha lymâna chôta sie ei ta.

EZEKIA 11:23

Abeipa rônahna cha khihpi tawhta kiah ta, khihpi nochhi lâta tlâhpi liata a duah ta.

EZEKIA 38:20

Tilaipi ngazy, avâ pavawzy, râh sazy, alei liata âlyhpa sa zydua nata alei chô liata chyhsa zydua ei hmiakô liata amâ chalyu aw. Tlâhpizy pahnaipa châ aw ei ta, lôkâhpazy cho aw ta, thokhy to alei liata a pao aw.

EZEKIA 43:2

Moh teh u, Izarei Khazohpa rônah­na cha nochhi lâ tawhta vaw tlô ta. A vaw tlôpa pyu cha, tilaipi pyu hawhta châ ta, alei cha a rônahna ta khaih ta.

HABAKU 3:6

A duah ta, alei chathosa ta, Moh ta, phopizy a chalyusa. Tlâhpi hlôpazy pao ei ta, Tlâhthlôh hlô thlâhpazy ama cho. A lâpizy cha chhâzaw lâpizy a châ.

ZEKARIA 14:10

Râh zydua cha Kebâ tawhta Zerusale chho lâta a ypa Rimô taihta paby khaipa a châ aw. Zerusale deikua cha, Benzami Chhikao tawhta chhikao hmiatuapa Achaki Chhikao taihta nata Hânane Osâhpa tawhta bei kresawhti saohna taihta, a y tyhna su liata pasâhpa a châ aw.

ZEKARIA 14:7

Abeipa deita ta a pahnopa noh nano kawpa y aw ta, chhô y leipa aw ta, zâ chhao y aw vei. Zâlâ daihti liata deikua cha khaihpa a vaw y aw.

ZEKARIA 14:8

Cha noh liata, Zerusale tawhta hrona tizy loh papua aw ta, â khophie nochhi tilaipi lâta loh aw ta, â khophie notla tilaipi lâta a loh aw. Nopi daihti nata chasipaw daihtizy liata chhao a loh lymâ aw.

ZEKARIA 4:7

Hy tlâhpi laipa, khâ ma na châ hlei tly? Zerubâbe hmia liata la pahnaipa ta paby khaipa na châ aw. Alô pha chaipa vaw tlôkhei aw ta, ‘Â ngia tlai na, â ngia tlai na’ tahpa ta awh aw ei ta ama dy aw,” tah ta.

MÂKA 11:23

Hmeiseihta ta ei cha chho ei, ahy rai he tlâh hnohna heta, ‘A pasie la, tilaipi liata a kei thy teh,’ tah sala, a palôh liata a lôh leina hnei leipa ta, a bie reipa cha a vaw tlô aw tahpa â ngiapâ khiahta cha, a châta taopa a châ aw.