ZEKARIA 14:21 - Mara Bible RV (BSI)

²¹ Zerusale nata Zudâh liata thua beih zydua cha Pheisaihzy Abeipa châta a pathaihpa ama châ khai aw. Atheihna hlâ awpa ta â vypa zydua ta beihzy cha la aw ei ta, chho nawpa châta ama hmâh aw. Cha noh liata cha Pheisaihzy Abeipa o liata sôhpalietuhpazy y khao aw veih ei.

ZEKARIA 14:21 ပူးပေါင်းရင်းမြစ်များ

NEHEMIAH 8:10

Nehemiah ta ama hnohta, “Nama o lâ chyu a di u la, sa thawhpa kei nie u la, kresawhti thlôhpa doh u la, a chhuanoh hmâ leipazy hnohta niedozy paphao teh u. Tanoh he eima Beipa châta noh pathaihpa a châ hih. Pachârôhpa ta y khah u. Abeipa alyna cha nama thatlôna châ tlôh ta,” tah ta.

ISAI 35:8

Cha liata lâlai y aw ta, Pathaihna Lâpi tahpa a châ aw; Pathaihna lâpi a chhihtuhpazy châta châ aw ta, Pathaih leipazy ta a chhih aw veih ei; Moleipa ahrupazy chhao, Cha liata sie aw veih ei.

ISAI 4:3

Zaio liata siesaipa nata Zerusale liata a nguapa, Zerusale liata a hrohpa moh ropazy cha pathaihpa tahpa ama châ aw.

ISAI 52:1

Hy Zaio, a hra la, a hra la, Na thatlôna ta a tobi mah y; Hy Zerusale, khihpi pathaihpa, Na chysia a ngiapazy ta a tobi mah y. Tahmâ tawhta cha, Chopawtaileipa nata pathaih leipazy Na chhôh liata a ngia khao aw veih ei.

EZEKIA 44:9

“Abeipa Zehôvâh ta hetana heta a tah: Pathipalôh nata sapa chopawtaileipa chihropa, Izarei phopi hry liata a ypa chihropa ahy hmahta ei supathaihpa liata amâ ngia awpa châ vei.

EZEKIA 45:1

“Ryuto châta râh namâ rai tita, râh su kha cha Abeipa châta râh pathaihpa châta nama panano awpa a châ. A doh lâ dy 25,000, a hâ lâ dy 20,000 châ aw ta, a zydua ta râh pathaih­pa a châ aw.

HÔSIA 12:7

Sôhdaohpa ta khopathliahna doleipa hmâh ta, Chyhsa tlybaipa a paphasa kaw.

ZÔELA 3:17

“Chatanachata kei he ei tlâh pathaihpa Zaio liata a pahrâpa, Abeipa nama Khazohpa ei châ tahpa nama pahno aw. Zerusale cha khihpi pathaihpa châ aw ta, Chihropazy ta chapia heih khao aw veih ei.

ZEPHANIA 1:11

Nâmo, sôdaohna su liata a pahrâpazy saih u, A rôh teh u; Sôhpaliepa zydua y khao leipa ei ta, Tâkâ a pathliahpa zydua ama leidia khai haw.

ZEKARIA 14:20

Cha noh liata, arâ kaly liata “Abeipa châta Pathaihpa” tahpa ropa châ aw ta, Abeipa o liata thua beihzy cha maisâh hmia liata biebuh pathaihpa hawhta ama vaw châ aw.

ZEKARIA 7:6

Nie ei chi ta nama do nona kha nâmo châta a niepa nata a dohpa tlâ châ veih ei chi ma?

1 KAWRINI 10:31

Chavâta nama nie tlyma, nama doh tlyma, nama taopa maih Khazohpa rônahna châta tao muh vy.

RYHPACHANEINA 12:12

Chatanachata nâmo nata nama sawchapawzy, nama sawchanôzy, nama seichapawzy, nama seichanôzy nata nama hry liata tovyuh nata ryuto râh a hnei leipa Livai chi nama khih liata a ypazy chhao, Abeipa nama Khazohpa hmiakô liata thaphapa ta nama y aw.

RYHPACHANEINA 12:7

Cha liata Abeipa nama Khazohpa hmiakô liata nie aw ei chi ta, Abeipa nama Khazohpa ta nama ku raihria maih liata byhnâ a cha piepa vâ ei ta, nâmo nata nama chhôhkhazy thaphapa ta nama y aw.

1 TIMAWTHY 3:15

vaw hawh pathlei mawh sah la, Khazohpa chhôhkha liata kheihta y awpa ma a châ tahpa na pahno thei nawpa ta ei vaw ropa a châ. Khazohpa chhôhkha cha Khazohpa hrohpa Awnanopa châ ta, cha cha bie hmeiseihpa tôh nata abôna a châ.

HEBRAI 3:6

Krista deikua cha, Khazohpa o chô liata Sawchapawpa ngâchhihpa a châ. Eimâ lôhna nata eima hnabeiseihna liata eimâ palaikheipazy â ipa ta eima patu khiahta cha, keimo he Krista o cha eima châ.

1 PITY 4:17

Pachiana cha Khazohpa chhôhkhazy liata pathao a daih ha ta, keimo lia hmahta pachiana a pathao khiahta cha, Khazohpa thâtihpha bie a zyh leipazy chhâna awpa chhochhi cha kheihta ma a châ aw tly?

BIEPHUAH 21:27

Hmo puapa deikua cha kheihawhpa hmah a ngia thei aw vei. Hmo pasichhihpa a taopa nata haipa bie a reihpa ahy hmah a ngia thei hra aw veih vei. Mietakutaw hrona châbu liata moh ropazy deita ta amâ ngia thei aw.

BIEPHUAH 22:15

Izy, dyuthaipazy, sihryhpazy, lianycheihpazy, nothlahpa a chhypazy nata haipa bie rei a pahâhpazy deikua cha, khihpi khôtho liata ama y aw.