ZEKARIA 14:20 - Mara Bible RV (BSI)

²⁰ Cha noh liata, arâ kaly liata “Abeipa châta Pathaihpa” tahpa ropa châ aw ta, Abeipa o liata thua beihzy cha maisâh hmia liata biebuh pathaihpa hawhta ama vaw châ aw.

ZEKARIA 14:20 ပူးပေါင်းရင်းမြစ်များ

1 ABEIZY 7:50

ngôh suapa ta taopa nyuzy, meiôh lao chakienazy, biebuhzy, ropahâhpa beihkohzy nata mei lanazy a tao. Achhyna o chhôh chaipa, Su Pathaih Chaipa lâ angiana nata Achhyna ochhôh pipa lâ angiana ochhi patunazy chhao ngôh ta a tao khai.

2 THÂTIHZYRONA 4:8

Tlâhkhai miahrawh tao ta, Achhyna o chhôh liata chho lâchhâh miapangawh, maw lâchhâh miapangawh soh ta. Ngôh rahô chhao za kha a tao.

HLAZY 110:3

Hrâ na sie noh ta, Âmo lôhthai ta na phopi châ vaw hlâ aw ei ta; Pathaihna nata rônahna ta a tobipa ta, My diati tlapa hawhta, Na thyutliazy tha thiehpa ta nâ lâ amâ vy aw.

PUASAINA 25:29

Tlâhkhai beikohzy, ukâzy, beihraizy nata dopa hlâna patlai nawpa biebuhzy cha ngôh suapa ta na tao awpa a châ.

PUASAINA 37:16

Tlâhkhai hmobaoh, beikohzy, ukâzy, biebuhzy nata dopa hlâna patlai nawpa beihraizy ngôh suapa ta tao ta.

PUASAINA 39:30

Abeipa ta Mawsi hnohta bie a piepa hawhta, ngôh suapa lakho pathaihpa tao ei ta, cha liata “Abeipa châta Pathaihpa,” tahpa bie moh chahnaona taozie ta taopa ta pachohsa ei ta.

ISAI 23:18

Châhrasala sôhpaliena tawhta â thôhna nata a hlaozy cha Abeipa châta hmo pathaihpa a châ aw. Cha sôhzy cha pachôpa tlyma, pasopa tlyma châ aw vei. A sôhzy cha ABEI­PA hmiakô liata a pahrâpazy ta lôhrâtlôpa ta ama niedo thei nawpa nata chyhsa phapazy amâ tobi thei nawpa châta hmâpa a châ aw.

ISAI 52:1

Hy Zaio, a hra la, a hra la, Na thatlôna ta a tobi mah y; Hy Zerusale, khihpi pathaihpa, Na chysia a ngiapazy ta a tobi mah y. Tahmâ tawhta cha, Chopawtaileipa nata pathaih leipazy Na chhôh liata a ngia khao aw veih ei.

ZEREMIAH 31:40

Athipa ri nata buchâh thyna saikao zydua nata nochhi lâta Arâ Chhikao chaki liata a ypa Kidaraw vahtiepa taihta lyu zydua cha, Abeipa châta pathaihpa a châ aw. Khihpi cha khati ta hmahta phiapa nata paraopa châ khao aw vei.”

EZEKIA 45:1

“Ryuto châta râh namâ rai tita, râh su kha cha Abeipa châta râh pathaihpa châta nama panano awpa a châ. A doh lâ dy 25,000, a hâ lâ dy 20,000 châ aw ta, a zydua ta râh pathaih­pa a châ aw.

THEIHTHAINA 6:28

Atheihna sa chhona alei beih cha pakei ha awpa châ ta, dawhbeih ta chhopa a châ khiahta deikua cha, a pathaih ngaitapa ta chata ta ti ta pasi awpa a châ.

THEIHTHAINA 8:9

Abeipa ta Mawsi hnohta bie a piepa hawhta, a luh liata lakhu pakhu ta, lakhu hmia lâ liata ngôh lakho pathaihpa pakho ta.

ÔBADIA 1:17

“Zaio tlâh liata deikua cha, Pachhapazy ta pahrâ aw ei ta, Su pathaihpa a châ aw; Zakaw pathlazy cha, Ama ryuto râh ama hnei aw.

ZEPHANIA 2:11

Abeipa cha âmo châta chi a chhih ngaita aw ta, Lei khazoh zydua cha, Nodi dâhphipa ta a soh khai aw ei. Phopi to ta ama râh chyu liata A hmiakô liata amâ bôh aw.

ZEKARIA 14:19

Cha hawhna chata Izi nata Byureih Kyhchhi a chay leipa phopizy cha hriepa ama châ aw.

ZEKARIA 8:3

Abeipa ta hetana heta a tah: Zaio lâ kua aw na ta, Zerusale liah liata ei pahrâ aw. Chatanachata Zerusale cha Khihpi Ngâchhihpa tahpa ta bipa châ aw ta, Pheisaihzy Abeipa tlâh cha Tlâh Pathaihpa tahpa a châ aw.

ZEKARIA 9:15

Pheisaihzy Abeipa ta âmo cha vaih aw ta, Cheisiah lôzy hmâpa ta ama chariahzy pahnie aw ei ta, Ama parao aw; Doh aw ei ta, Kresawhti paripa hawhta ama palopasah aw; Biebuh hawhta ti ta pabiepa châ aw ei ta, Maisâh kizy hawhta dâ kaniehpa ta ama y aw.

MALAKHAI 1:11

“Noh chhina tawhta noh tlana taihta phopizy hry liata ei moh palyupalihpa ta y aw ta, su to liata ropahâhpa nata hmohlâpa pathaihpazy ei moh ta ama hlâ tyh aw. Phopizy hry liata ei moh palyupalihpa ta a y aw,” Pheisaihzy Abeipa ta a tah.

MALUHREINA 4:14

Cha chô liata maisâh liata chakaona châta hmâpa hmobaoh zydua soh aw ei ta, mei lanazy, sa thaona thuakuzy, buchâh linazy, rahôzy, maisâh hmobaoh zydua cha soh aw ei ta, chazy cha tilaipi viahchao vo ta khu aw ei ta, a lâzy ama chahraoh aw.

MALUHREINA 4:7

“Ypâna viahchhâ tlâhkhai chô liata poh nohpa phaw aw ei ta, cha chô liata beikohzy, phiahthlazy, biebuhzy nata dopa hlâna patlai nawpa nyuzy soh aw ei ta, chiepadâh leipa ta viahchhâ so tyhpa chhao tlâhkhai chô liata a y awpa a châ.

MALUHREINA 7:13

A hmohlâpa cha supathaihpa sekel reizie ta reipa ta, niepa hlâna châta sathaw pahlaopa viahdie dipa ta pabiepa tâkâ beikoh sekel 130 a hripa miakha nata tâkâ biebuh sekel sysari a hripa miakha;

MALUHREINA 7:19

A hmohlâpa cha supathaihpa sekel reizie ta reipa ta, niepa hlâna châta sathaw pahlaopa viahdie dipa ta pabiepa tâkâ beikoh sekel 130 a hripa miakha nata tâkâ biebuh sekel sysari a hripa miakha;

LUKA 11:41

A chhôh liata hmo a ypa cha dyhchhiepazy pie awpa ta hmâh teh u, chatanachata nama châta ato a pathaih aw.

HMOTAOPAZY 10:15

A ei nona ta ao vaw pua heih ta, “Khazohpa ta a pathaisa hapa cha, nâma ta âna tah khah y,” tah ta.

HMOTAOPAZY 10:28

Ama hnohta, “Zu chyhsa châta chihropa chyhsa a pahlaopa nata a o liata chareipa cha ânapa hmo a chânazie nâmo chhao ta nama pahno. Châhrasala ahy hmah ânapa nata pathaih leipa ei tah awpa a châ leizie Khazohpa ta eina pahmôsa.

HMOTAOPAZY 11:9

Châhrasala ao chata a ei nona ta nâ vaw chhy ta, ‘Khazohpa ta a pathaisa hapa cha, nâma ta âna tah khah y,’ tah ta.

HMOTAOPAZY 15:9

Keimo nata âmo likah panano leipa ta, ngiapâna ta ama pathipalôh a pathaisa ha ei.

KAOLAOSÂ 3:17

Nama taopa maih, biereipa rai châ sala, hmotaopa rai châ sala, Abeipa Zisu moh ta ato tao u la, ano zawhzi ta Paw Khazohpa hnohta alyna bie reih tyh muh vy.

1 PITY 2:5

Zisu Krista zawhzi ta Khazohpa a pyh tlâhpa thlahpa atheihna hlâtuhpa theihthai pathaihpazy châ awpa ta, alô hrohpa hawhta paduapa thlahpa o nama châ.

1 PITY 2:9

Nâmo deikua la, zohna tawhta puapa ta khaihna noâhpa liata a ngia awpa ta châ awtuhpa ei phana cha nama phuah thei nawpa ta, phopi atlyhpa, abei chi theihthaipa, phopi pathaihpa, Khazohpa ryuto phopi nama châ.

1 PITY 4:11

Ahy rai bie a reihpa maih Khazohpa bie hawhta reih sala, a chakaopa maih Khazohpa ta thatlôna a piepa lymâ hawhta chakao mawh sy. Chatanachata Zisu Krista vâta Khazohpa cha kyh to liata palyupalihpa ta a y thei aw. Rônahna nata hmotaotheina cha chhâzaw nata tlyzaw ta ano eih châ tlôh ta. Amen.

BIEPHUAH 1:6

khinarâh ta miah padua ta, a Khazohpa nata a Paw lâta theihthaipa ta miah taotuhpa Zisu Krista hnohta, ano hnohna tlai chata rônahna nata biehneina chhâzaw nata tlyzaw ta y mawh sy! Amen.

BIEPHUAH 20:6

Thyuheihna eikhana liata a hlaopazy cha nohlao ei ta, ama pathaih. Thina einona ta ama chô liata biehnei khao aw vei. Khazohpa nata Krista theihthaipazy châ aw ei ta, a hnohta kô sâh kha ryu ama reih aw.

BIEPHUAH 5:10

Âmo cha eima Khazohpa châta khinarâh ta padua chi ta, Theihthaipazy ta na tao ei; Alei liata ryu ama reih aw,” tahpa ta hla thiehpa ma sa ei ta.

1 SAMUELA 2:14

beih pakah kawhpa tlyma, keli tlyma, ukâ tlyma, beih tlyma chhôh lâ za dy ta, thua ku ta a thaopa zydua cha theihthaipa ta ano châta â la tyh. Cha hawhna chata Silô lâ a vypa Izarei saw zydua chô liata ama tao lymâ.