ZEKARIA 14:2 - Mara Bible RV (BSI)

² Zerusale a dyuh awpa ta phopi zydua ei pahmaoh aw. Khihpi lapa châ aw ta, ozy hraopa a châ aw. Chanôzy patupakhipa ta ama y aw. Khihpi khophie seichâna râh lâ sie aw ei ta, phopi laibâhpazy deikua cha, khihpi tawhta chhawh pathlahpa châ aw veih ei.

ZEKARIA 14:2 ပူးပေါင်းရင်းမြစ်များ

ISAI 13:16

Ama hawsaihzy taichheihpa châ aw ei ta, Ama mohmô lia tlai ta taichheihpa ama châ aw; Ama ozy hraopa châ aw ta, Ama lapinôzy patupakhipa ama châ aw.

ISAI 4:3

Zaio liata siesaipa nata Zerusale liata a nguapa, Zerusale liata a hrohpa moh ropazy cha pathaihpa tahpa ama châ aw.

ISAI 5:26

Râh hlapazy lâta ngiana poh chaluahpa ta, Khizaw kaokih zydua a pahipa ta aw aw ta; Moh teh u, a para aw ei ta, A chatliepa ta amâ vy aw.

ISAI 65:18

Châhrasala hmo ei taopazy liana heta Thaphapa nata alypa ta khâ y teh u. Moh teh u, Zerusale cha alyna châta tao na ta, A khihsawzy chhao thaphana châta ei tao.

ZEREMIAH 21:4

“Zedekia cha hetana heta kei chho teh u, ‘Abeipa, Izarei Khazohpa ta hetana heta a tah: Pachâ teh, thokhy khôtho lâta châ dôhtuhpa Babylaw bei nata Kaldia mo nâ dyuhna chariah chhaichhi na ku liata a ypazy kha, nâ lâ vaw pakuasa aw na ta, Babylaw bei nata Kaldia mo cha, he khihpi chhôh lâ hmaohkha ta ei vaw pangiasa aw ei.

ZEREMIAH 34:1

He he Babylaw bei Nebukaneza nata a pheisaih zydua nata a ryureina ry liata a ypa khizaw khinarâh zydua nata phopi zydua ta Zerusale nata a khihpi zydua amâ dyuh hai nota, Abeipa tawhta Zeremiah hnohta bie a vaw tlôpa a châ.

CHAPHÔHTUNA 1:10

A hmo sôhpa zydua chô liata, Chariahpa ta a ku a pazawh haw; A supathaihpa liata, Phopizy amâ ngiapa a hmô; Na pakhypi a hlao awpa na pasai leipazy ta, Supathaihpa liata amâ ngia.

EZEKIA 5:8

Abeipa Zehôvâh ta hetana heta a tah: Pachâ teh u, keima tlai ta châ dyuh aw na ta, phopizy mohmô liata ei cha hrie aw.

ZÔELA 3:2

Phopi zydua pahmaoh aw ei na ta, Zehôsaphâ Saikao lâ ei chhi aw ei; Cha liata âmo cha, Ei phopi nata ei ryuto Izarei moh ta ei pachia aw ei. Izarei sawzy cha phopizy hry liata papai ei ta, Ei râh amâ raipa vâta, Phopizy cha ei pachia aw ei.

ZÔELA 3:9

Phopizy hry liata he he phuah teh u: Adyuhna a chhuanoh u la, Pasaiphazy pathyu teh u. Pheisaih zydua a vaw hnia ei sala, A khy mawh ei sy.

AMÔSÂ 7:17

Chavâta Abeipa ta hetana heta a tah: ‘Na lapinô cha khihpi liata âzuahnô châ aw ta, Na sawchapawzy nata na sawchanôzy zaozi ta ama pao aw. Na râh he thliena ri ta thliepa ta rai khaipa châ aw ta, Nâma tlai chhao râh pathaih leipa liata na thi aw; Izarei cha ano râh tawhta lâhlapi lâ sei ta a sie tlai aw.’”

ZEKARIA 12:2

“Moh teh u, Zerusale cha a chheipâh liata phopi zydua châta parina nyu ta tao aw na ta, Zerusale dôhna liata Zudâh chhao dôh pâpa a châ aw.

ZEKARIA 12:3

Cha noh liata, Zerusale cha khizaw phopi zydua châta alô a hri ngaitapa ta tao aw na ta, a chalopa maih cha âmosasyh ta hmah amâ paphao lymâ aw. Chatawhcha khizaw râh zydua a paraoh aw ei ta, ano cha amâ dyuh aw.

ZEKARIA 12:9

Cha noh liata, Zerusale adyuhpa phopi zydua pahleipadia khai awpa ta, ei siehnao aw ei.

MATHAI 22:7

Abei cha a hiehâh ngaita ta, a pheisaihzy tuah ta, cha liany cheituhpazy cha pahleipadia ei ta, ama khih chhao rao ei ta.

MÂKA 13:14

“Châhrasala roryhrana pasichhihpa cha â dua lei nawpa su liata â duapa nama hmô tita, Zudia liata a ypazy cha tlâh lâ a râ mawh ei sy. A reihtuhpa ta a yzie pahno thai mawh sy.

MÂKA 13:19

Cha nohzy cha riethei pasana noh châ aw ta, cha tlatlu ta rarôh ypa cha, Khazohpa taopa leilô y tua no tawhta tahmâ taihta y beih leipa ta, y heih khao aw vei.

LUKA 2:1

Cha nohzy liata, Kaisarâ Awkâstu ta khizaw zydua maluhpi rei awpa ta biepie ta.