ZEKARIA 14:12 - Mara Bible RV (BSI)

¹² Zerusale a dyuhtuhpa phopizy cha, Abeipa ta he potlana heta a hrie aw ei: Ama phei ta amâ dua thlah ha nota ama sapa zao aw ta, ama mokhaoh chhôh liata ama mo zao aw ta, ama pakah chhôh liata ama paleih a zao aw.

ZEKARIA 14:12 ပူးပေါင်းရင်းမြစ်များ

2 THÂTIHZYRONA 21:15

Nâma tlai chhao, chhôh lâta pochhina ta thata pasa aw chi ta, na rihzy a tla khaina taihta noh kha noh kha ta na pasa via lymâ aw,’” tah ta.

ZAWBÂ 18:13

Chhiena ta a vozy nie aw ta, Thina sawchapaw uhtheipa ta a kupheizy a nie khai aw.

HLAZY 90:11

Ahy ma na hiehâhna hmotaotheizie pahno ta, Chi nâ chhihna nata na pathiiana chichhihzie a pahno tly?

THEIHTHAINA 26:16

kei chhao ta nama chô liata he hmozy he ei tao aw: Nama chô liata hmo chichhihpa patlôsa aw na ta, nama mo pazohsa ta, nama hrona a pahlei theipa chaohpa hri nata chasipazy ei chareisa aw. Hraoleipa ta chi cheih aw ei chi ta, nama chariahpazy nie awpa a châ aw.

THEIHTHAINA 26:18

Chatanachôta ei bie nama nathlie vei khiahta cha, nama moleinazy vâta ei sari ei cha hrie via aw ei.

THEIHTHAINA 26:21

“Ei kho leinazie ta ypa ta, ei bie nama nathlie vei khiahta cha, nama moleinazy hawh lymâ ta potlana a lie sari ta nama chô liata ei patlôsa aw.

THEIHTHAINA 26:24

kei chhao nâmo kho leizie ta y aw na ta, keima tlai ta nama moleinazy vâta a lie sari ta ei cha hrie aw ei.

THEIHTHAINA 26:28

kei chhao hiehâhpa ta nama kho leizie ta y aw na ta, nama moleinazy vâta a lie sari ta ei cha hrie aw ei.

ZEKARIA 1:15

A boh kawpa hawhta â pachâpa phopizy chô liata chhao ei hie a hâh ngaita. Hmiatua ta cha ei hiehâh tu vei, châhrasala âmo tlai ta moleina hmo ama tao via rili.

ZEKARIA 12:9

Cha noh liata, Zerusale adyuhpa phopi zydua pahleipadia khai awpa ta, ei siehnao aw ei.

ZEKARIA 14:15

He hawhpa potlana he arâzy, sabaituzy, râraoseihpazy, alâzy nata riehmo liata sahroh zydua chô liata chhao a tlô aw.

ZEKARIA 14:18

Izi chyhsazy ta khy leipa ta amâ luah leipa khiahta cha, vâsua dao aw veih ei. Byureih Kyhchhi chay awpa ta a khy leipa phopizy cha, Abeipa ta ama chô liata potlana a patlôsa aw.

ZEKARIA 14:3

Cha khai tawhta Abeipa cha vaw pua aw ta, adyuhna noh liata â dyuh tyhpa hawhta, phopizy cha â dyuh aw ei.

ZEKARIA 2:4

a hnohta, “A râ la, kha thyutliapa hnohta, ‘Zerusale cha a chhôh liata a pahrâpa chyhsa nata sahrohzy ama hluh ngaita awpa vâta, thokhy ta dôh byuh leipa khihpi châ aw ta,

HMOTAOPAZY 12:23

Herawda cha Khazohpa hnohta palyupalihna a pie leipa vâta, eikhapi ta Abeipa vâlyuhchâpa ta vaw tu ta, alôpa ta nie ta, thi ha ta.

RYHPACHANEINA 28:21

Hnei awpa ta namâ ngiapa râh tawhta a cha pahleipadia khai hlâlei ei cha, Abeipa ta nama chô liata hri a patlôsa aw.

RYHPACHANEINA 28:22

Chaohna, chasipa, thlohna, thata palona, nohkâhna, raohna nata maohna zy hmâpa ta Abeipa ta cha hrie aw ei ta, nama leidia hlâlei ama châ chadai lymâ aw.

RYHPACHANEINA 28:59

Abeipa ta nâmo nata nama pathlazy chô liata potlana chichhihpa a pai thai khao leipa nata hri ru ngaitapa a pai thai khaoleipazy a chareisa aw.

BIEPHUAH 17:16

Sahrâhpa nata ki hrawh na hmôpazy khata âzuahnô cha amâ hao aw. Roryhrapa nata thluahruapa ta tao aw ei ta, a sa nie aw ei ta, mei ta ama raosao aw.