ZEKARIA 14:10 - Mara Bible RV (BSI)

¹⁰ Râh zydua cha Kebâ tawhta Zerusale chho lâta a ypa Rimô taihta paby khaipa a châ aw. Zerusale deikua cha, Benzami Chhikao tawhta chhikao hmiatuapa Achaki Chhikao taihta nata Hânane Osâhpa tawhta bei kresawhti saohna taihta, a y tyhna su liata pasâhpa a châ aw.

ZEKARIA 14:10 ပူးပေါင်းရင်းမြစ်များ

1 ABEIZY 15:22

Chatawhcha Bei Âsâ ta Zudâh mo zydua hnohta bie papua ta, ahy hmahta paeipa y leipa ei ta, Bâsâ ta Râmâ khihpi padua nawpa ta a hmâpa lô nata tho zy paly ei ta, chazy hmâpa ta Bei Âsâ ta Mizpâ khihpi nata Benzami râh liata Kebâ khihpi zy a padua.

2 ABEIZY 14:13

Izarei bei Zehôasâ ta Ahazia sawchapawpa Zehôasâ sawchapawpa Zudâh bei Amazia cha Beseme liata patu ta. Zerusale lâ vawh ta, Zerusale thokhy cha Epharai Chhikao tawhta Aki Chhikao taihta dy za palih pacho ta.

1 THÂTIHZYRONA 4:32

Khichapeih miapangawh hnei ei ta, chazy cha Etamâ, Ainâ, Rimô, Tôkhe nata Asanâ zy châ ta,

1 THÂTIHZYRONA 6:77

Merâri pathla hropazy hnohta Zebulawna chi ryuto râh liata Rimaw nata a chheipâh si panyuna suzy, Tabaw nata a chheipâh si panyuna suzy;

2 THÂTIHZYRONA 25:23

Izarei bei Zôasâ ta Ahazia sawchapawpa Zôasâ sawchapawpa Zudâh bei Amazia cha Beseme liata patu ta, Zerusale lâ a chhi ta. Zerusale thokhy cha Epharai Chhikao tawhta Aki Chhikao taihta dy za palih pacho ta.

2 THÂTIHZYRONA 26:9

Cha dei châ vei, Zerusale liata Aki Chhikao, Saikao Chhikao nata Pakona Chhikao zy liata Uzia ta o sâhpazy sa ta, chazy cha thokhy ta dôh ta.

NEHEMIAH 12:39

Epharai Chhikao, Zesanah Chhikao, Nga Chhikao, Hânane Osâhpa nata Zakha Osâhpa chô lia zy ta sie laih ei ta, Mietaku Chhikao tlôna taihta sie ei ta, Vaituhpa Chhikao liata amâ duah.

NEHEMIAH 3:1

Theihthai beichaipa Eliasi nata theihthaipa chakaona rai a hrialâhpazy thyu ei ta, Mietaku Chhikao paduapathi ei ta. Abeipa lâ hlâ ei ta, a ochhizy tao ei ta. Zakha Osâhpa nata Hânane Osâhpa tlôna taihta thokhy cha paduapathi ei ta, Abeipa lâ ama hlâ.

ISAI 10:29

Lytlâh khôna su liata khô ei ta, Kebâ khih liata amâ rie. Râmâ khihsawzy a chalyu ei ta, Sawla Kibia mo amâ râpai haw.

ISAI 2:2

Noh hnôhlâzy liata cha, Hetana heta a vaw châ aw: Abeipa o tlâh cha, Tlâhpi a sâh chaipazy liata paduapa a châ aw; Tlâhthlôhzy chô lâta chaluahpa châ aw ta, Râh to ta ama by aw.

ZEREMIAH 20:2

Pâsu ta hrohsopa Zeremiah cha tu ta, Abeipa o thokhy Benzami Chhikao machhua lâta a ypa keihrai liata patâh ta.

ZEREMIAH 30:18

“Abeipa ta hetana heta a tah: Moh tua, Zakaw poh ozy cha, Vânoh patosa heih aw na ta, A pahrâna suzy ei ngiachhie aw; Khihpi cha a raona â pachona su liata padua pathipa châ aw ta, Abei o chhao a y tyhna su liata â duah heih aw.

ZEREMIAH 37:13

Benzami thokhy chhikao a tlô nahta, Hânaniah saw­chapawpa Selemiah sawchapawpa a moh Iriza ama tahpa vaituhpazy hyutuhpa vaw y ta. Ano chata Zeremiah hnohta, “Kaldia mo lâ nâ râ,” tahpa ta hrohsopa Zeremiah cha patu ta.

ZEREMIAH 38:7

Kusi chyhsa hrilyupa, abei o liata a ypa Ebemele ta khaohtlô liata Zeremiah ama pathlapa thâtih cha thei ta. Cha nota abei cha Benzami Thokhy Chhikao liata a tyuh thlâh ha ta.

AMÔSÂ 9:11

“Cha noh liata, Dâvi byureih a pao hapa cha, Ei pathyu aw; Apyupazy pamai aw na ta, Araopazy ei padua aw; Hlâno tahpa hawhna khata, Ei paduapathi heih aw.

MIKÂ 4:1

Noh hnôhlâzy liata cha, Hetana heta a vaw châ aw: Abeipa o tlâh cha, Tlâhpi a sâh chaipazy liata paduapa châ aw ta, Tlâhthlôhzy chô lâta chaluahpa a châ aw; Chatanachata phopizy ta ama by aw.

ZEKARIA 12:6

“Cha noh liata, Zudâh chhituhpazy cha thoiah hry liata meithu a kâ ngâpa hawhta tao aw ei na ta, sapiahzy hry liata meirei hawhta ei tao aw ei. Chavei chachâh ta âmo a dôhpa phopizy cha kâ patlô khai aw ei ta, Zerusale cha a su liata, Zerusale lia tlai ta, â duah lymâ aw.

ZEKARIA 2:4

a hnohta, “A râ la, kha thyutliapa hnohta, ‘Zerusale cha a chhôh liata a pahrâpa chyhsa nata sahrohzy ama hluh ngaita awpa vâta, thokhy ta dôh byuh leipa khihpi châ aw ta,

ZEKARIA 8:3

Abeipa ta hetana heta a tah: Zaio lâ kua aw na ta, Zerusale liah liata ei pahrâ aw. Chatanachata Zerusale cha Khihpi Ngâchhihpa tahpa ta bipa châ aw ta, Pheisaihzy Abeipa tlâh cha Tlâh Pathaihpa tahpa a châ aw.

ZAWSUA 15:32

Lebao, Sili, Aina nata Rimaw khihpizy a châ. Khihpi zydua cha khih kih nata khih chaki châ ta, khichapeihzy ama hnei.

ZAWSUA 21:17

Benzami chi tovyuh tawhta Kibiô khihpi nata a chabyzy, Kebâ khihpi nata a chabyzy,

RYUREITUHPAZY 20:45

Benzami pheisaihzy cha a sy ei ta, râhchawhpa liata Rimô lôkâhpa lâ a râ ei ta. Lâlaizy liata pheisaih 5,000 thiepa châ ei ta, Kidaw taih a chadai ei ta, pheisaih 2,000 thie via heihpa a châ.

RYUREITUHPAZY 20:47

Pheisaih 600 deikua cha kua ei ta, râhchawhpa liata Rimô lôkâhpa lâ a râ ei ta, Rimô lôkâhpa liana cha thla palih y ei ta.

RYUREITUHPAZY 21:13

Chatawhcha zawpi a hmaohpakhypa zydua chata chyhsa tuah ei ta, Rimô lôkâhpa liata a ypa Benzami sawzy cha bie kei pachhosapa ta, âmo lâta aryhna bie phuah ei ta.