ZEKARIA 13:7 - Mara Bible RV (BSI)

⁷ “Hy Zaozi, a hra teh; Ei mietaku vaituhpazy a dyuh la, Nâ chakaotuhpa a dyuh teh,” Pheisaihzy Abeipa ta a tah. “Mietaku vaituhpa tu la, Mietakuzy pai aw ei ta, Mietakutawzy chô liata ei ku ei pazawh aw.

ZEKARIA 13:7 ပူးပေါင်းရင်းမြစ်များ

HLAZY 2:2

Lei beizy amâ duana su liata a duah ei ta, Ryureituhpazy a hmaohpakhypa ta, Abeipa a dyuh awpa ta ryhrao khoh ei ta, A sathawthupa a dyuh awpa ta amâ paraoh.

ISAI 1:25

Na chô liata ei ku pathla aw na ta, Na saiiepa cha lôiah ta pasi aw na ta, Na thua chhiepa cha ei pathaisa aw.

ISAI 27:1

Cha noh liata, Abeipa ta a zaozi laipa, tiahpa nata thatlôpa hmâpa ta, Leviathâ parihpi a chakhao ngâpa cha a hrie aw. Leviathâ parihpi a pakipa cha hrie aw ta, tilaipi liata parihpi a ypa cha a thie aw.

ISAI 40:11

Mietaku vaituhpa hawhta, A mietaku zawzy a vaih aw; Mietakutawzy cha a bâh ta chalopa ta, A chachôhna liata a pyh aw ta; A taw a chhipazy cha, Dusawta ta a siekhei aw ei.

ISAI 9:6

Eima châta hawti vaw pih ta, Sawchapaw piepa eima châ haw. A ngiatlâh liata ryureina pahniehpa châ aw ta, A moh cha Ryhraotuh Noâhchhihpa, Kha­zoh Thatlôpa, Chhâzaw Paw, Dyhna Beipa bipa a châ aw.

ZEREMIAH 47:6

Hy Abeipa zaozi! Khati ta ma nâ chalih aw tly? Na paih liata â khô la, A pahâ la a chalih bâ mah y!

EZEKIA 21:28

“Hy chyhsa sawchapawpa y, hrohsona bie phuah la, Amawna mo nata âmo reipachhiena kyh liata, ‘Abeipa Zehôvâh ta hetana heta a tah: Hy Zaozi, Hy zaozi, thie awpa ta na paih tawhta â phia la, dôhla hawhta pathlie awpa ta padiehsapa ta y mah y.

EZEKIA 21:3

Izarei râh hnohta, ‘Abeipa ta hetana heta a tah: Moh teh, ei châ dyuh hih. Ei zaozi a paih tawhta phia aw na ta, mosiapa chhao moleipa chhao, nâma tawhta ei chhawh pathlah khai ha aw ei.

EZEKIA 37:24

“Nâ chakaotuhpa Dâvi cha ama chô liata bei châ aw ta, ama zydua ta vaituhpa pakha ama hnei aw. Ei ryhpazy a chhih aw ei ta, ei bieraopazy ama zyh aw.

EZEKIA 7:6

Chhâna a vaw tlô haw. Chhâna vaw tlô ta, a cha thyuhnao haw. Moh teh, chhâna a vaw tlô.

MIKÂ 5:2

Nâ, Bethlehe Ephrâthâ y, Zudâh phozy hry liata chyh chaipa châ hra la, Nâma tawhta ei châta Izarei ryureituhpa a vaw pua aw. Ano cha hlâno tawhta a y hapa châ ta, Chhâzaw ta a y kôzawpa a châ.

MIKÂ 5:4

Ano cha a duah aw ta, Abeipa thatlôna ta a mietaku zaw a vaih aw; Abeipa a Khazohpa moh rônahna ta A mietaku zaw cha a vaih aw ei. Â bohpa ta y aw ei ta, A rônahna cha, Khizaw kaokih chhâna taihta a tlô aw.

ZEKARIA 11:11

Cha noh ta biehrai cha phiepa a châ nahta, sahroh zaw hry liata a tlâhleipa nâ vaw moh thlâh hapazy ta, cha cha Abeipa Bie a châ tahpa pahno ha ei ta.

ZEKARIA 11:4

Abeipa ei Khazohpa ta hetana heta a tah: “Thie awpa ta raopa sahroh zaw cha mohôh teh.

ZEKARIA 11:7

Chavâta thie awpa ta raopa sahroh zaw cha pasa ei na ta, sahroh tlâhleipazy cha ei mohôh pachai ei. Chatawhcha chôchahrei miano la na ta, miakhapa cha a moh “Khokhei” bi na ta, ahropa cha “Pôhkha” ei bi. Cha hawhna chata sahroh zaw cha ei mohôh ei.

MATHAI 1:23

“Pachâ teh u, laihsa kôpa ta saw phaoh aw ta, Sawchapawpa sa aw ta, A moh Imanuel ama bi aw,” tahpa ta a reipa kha â ki thei nawpa ta a vaw tlôpa a châ. Imanuel cha “Khazohpa eima hnohta a y,” tahna a châ.

MATHAI 10:42

Ahy rai, he chyhsa chyhpatazy hry liata pakha hnohta, ei pachupa a châpa vâta ti chakuapa nyu kha a piepa cha, hmeiseihta ta ei cha chho ei, a lymâ pahlei cheita aw vei.”

MATHAI 11:27

Ei Paw ta ato zydua eina hlâ haw. Paw dei leipa ta cha, ahy hmahta Sawchapawpa he pahno leipa ei ta, Sawchapawpa nata ano ta a hnohta a palâhâhpa tah dei leipa ta cha, ahy hmahta Paw pahno veih ei.

MATHAI 18:10

“He hawtitazy hry liata pakha chhao mopakhô lei awpa ta a sohsi teh u. Vârâh liata ama vâlyuhchâpazy ta ei Paw vârâh liata a ypa hmia khâ ama sai tyh tahpa ei cha chho ei.

MATHAI 18:14

Cha hawhna hra chata, he hawtitazy hry liata pakha leidia awpa chhao he, nama Paw vârâh liata a ypa khozie châ vei.

MATHAI 26:31

Zisu ta ama hnohta, “‘Mietaku vaituhpa thie aw na ta, mietaku zaw ama pai aw,’ tahpa ta ropa hawhta, tazâ tlai heta nama zydua ta eina paosai khai aw ei chi.

MATHAI 26:56

Châhrasala hrohsopazy ropa Biehrai â ki thei nawpa ta, he hmo zydua he a vaw tlôpa a châ,” tah ta. Cha khai tawhta, pachupa zydua ta ano cha siesaipa ta a râ khai ha ei ta.

MÂKA 14:27

Zisu ta ama hnohta, “‘Mietaku vaituhpa tu aw na ta, mietakuzy ama pai aw,’ tahpa ropa hawhta, nama zydua ta nama pao khai aw.

MÂKA 14:50

Chatawhcha pachupa zydua cha Zisu a paphasaipa ta, a râsai khai ha ei ta.

LUKA 12:32

“Sahlao chyhpa saih u, chi khuh vy. Khinarâh a cha pie awpa ei cha nama Paw alynazie a châ.

LUKA 17:2

He hawti chyhpatazy hry liata pakha chhao pamoleisa awpa hlâta cha, a pamoleisatuhpa cha a rao liata charona lô paaopa ta, tilaipi liata pathla syulyupa châ sala, a châta a pha via aw.

ZAWHÂNA 1:29

A mylâ ta Zawhâna cha Zisu ta a vaw pangai haipa hmô ta, “Moh teh u, Khazoh Mietakutaw, khizaw moleina a siekheituhpa huh!

ZAWHÂNA 10:30

Kei nata Paw cha pôhkha eima châ,” tah ta.

ZAWHÂNA 10:38

Paw rai a hriapa ei châ khiahta deikua cha, kei na zo vei hra u la, ei raihriazy chhâ zo teh u. Chatanachata Paw cha keima liata y ta, kei chhao Paw liata ei y tahpa pahno aw ei chi ta, nama no â vâh aw,” tah ta.

ZAWHÂNA 14:1

“Nama pathipalôh nôpo khah sy. Khazohpa namâ ngiapâ na, kei chhao nâ ngiapâ hra teh u.

ZAWHÂNA 14:23

Zisu ta a chhy ta, “Chyhsa ta kyh eina pachâ khiahta cha, ei bie zyh aw ta, ei Paw ta ano cha kyhpachâ aw ta, ano lâ a vy aw pi ta, a hnohta eima pahrâ aw.

ZAWHÂNA 16:15

Paw hmo hneipa zydua kei eih a châ. Chavâta, ‘Thlapalôhtuhpa ta kei eih cha la aw ta, a cha pahnosa aw ei,’ ei tahpa a châ.

ZAWHÂNA 16:32

Pachâ teh u, a daihti â hnia haw, tlao a vaw tlô haw. Cha tita la nama o chyu lâta pai khai aw ei chi ta, kei dei ta eina siesai aw ei chi. Châhrasala kei dei ta y va na, ei hnohta Paw a y.

ZAWHÂNA 5:23

Chatanachata chyhsa zydua ta Paw ama zapa hawhta, Sawchapawpa chhao ama za hra aw. Ahy rai Sawchapawpa a za leipa cha, ano tuahtuhpa Paw a za leipa a châ.

ZAWHÂNA 8:58

Zisu ta âmo cha a chhy ta, “Hmeiseihta ta, hmeiseihta ta ei cha chho ei, Abarahâ y hlâta ei y haw,” tah ta.

HMOTAOPAZY 2:23

Kha Zisu kha Khazohpa pachhuahpanohpa nata pahno chhieliepa hawhta, nâmo ta patusa ei chi ta, moleipazy ku ta khaipâ ei chi ta, nama thie hapa a châ.

RAWMA 4:25

Cha Zisu cha keimo moleina vâta thie awpa ta patusapa châ ta, thai eima châ nawpa ta pathyupa a châ.

RAWMA 8:32

A Sawchapawpa tlai chhao pahlôh leipa ta, eima zydua châta a pietuhpa chata, ato a saipa ta miah pie hra aw vei mâ?

2 KAWRINI 5:21

Krista zawhzi ta Khazohpa siana eimâ hly thei nawpa ta, moleina rai a hnei leipa cha, Khazohpa ta keimo vâta moleipa ta a tao.

KALATIA 3:13

“Tho liata bangiehpa maih cha chhiesapa ama châ,” tahpa ropa hawhta, Krista cha keimo châta chhiesapa ta y ta, ryhpa chhiesana tawhta miah a pachha haw.

PHILIPI 2:6

Ano cha Khazohpa châna a hneipa châ ta, châhrasala Khazohpa tlu ta ypa cha tlaichhai awpa ta rao leipa ta,

HEBRAI 13:20

Tahmâ he thlalôhna Khazohpa, eima Beipa Zisu athihpa hry tawhta a pahro heihpa, chhâzaw biehrai thisaih vâta mietaku vaituhpa rônahpa ta

1 PITY 3:18

Khazohpa lâ miah â chhi thei nawpa ta, Krista cha moleinazy châta chhâzaw châta ei kha thi ta, mosiapa cha moleipa vyuhpa ta thi ta, sapa liata thiepa ta y ta, thlahpa liata deikua pahropa ta a y.

1 PITY 5:4

Chatanachata Mietaku Vaituhpa Beichaipa â vaw luah tita, rônahna beilakho rao thei leipa nama hmô aw.

1 ZAWHÂNA 2:2

Ano cha eima moleinazy reihpha cheina châ ta, keimo moleina dei châ leipa ta, khizaw zydua moleina reihpha cheina chhao a châ.

BIEPHUAH 1:11

“Kei he Alphâ nata Ômekâ, âthaona nata achhâna ei châ. Na hmo hmôpa kha châbu liata roh la, Awnanopa hlao sarizy, Ephesi, Smynâ, Pekamu, Thiatirâ, Sadisâ, Philadelphia nata Laodisi Awnanopazy lâ paphao mah y,” a tahpa thei na ta.

BIEPHUAH 1:17

Ano cha ei hmô nahta, athihpa hawhta a phei thaby liata pao na ta. Châhrasala ano ta a ku chachâh lâ ei chô liata vaw pahnieh ta, ei hnohta, “Chi khah y, kei he âthaona nata achhâna châ na ta,

BIEPHUAH 1:8

Abeipa Khazohpa ta, “Kei he Alphâ nata Ômekâ châ na ta, a y haipa, a y hapa nata a vaw y awpa, Atotaotheipa ei châ,” a tah.

BIEPHUAH 13:8

Alei chô liata a pahrâpa zydua, khizaw â thao tua no tawhta thie chiehpa Mietakutaw hrona châbu liata moh ro leipa maihta ano cha amâ chhy aw.

BIEPHUAH 2:23

A sawzy tusao aw na ta, chatanachata kei cha pachâna nata palôh mohtuhpa ei châ tahpa Awnanopa zydua ta ama pahno aw. Nama hmotaopazy lymâ hawhta ei cha pie aw ei.

BIEPHUAH 21:6

Chatawhcha ei hnohta, “A ngoh haw! Kei he Alphâ nata Ômekâ châ na ta, âthaona nata achhâna ei châ. Dâhphipa hnohta hrona tihnawh tawhta ti a saipa ta ei pie aw.